<p>ប្រធានាធិបតិរុស្ស៊ី លោក Vladimir Putin កាលពីម្សិលមិញបានតែងតាំងលោក Dmitry Medvedev<br />អោយឡើងកាន់តំណែងជានាយករដ្ឋមន្ដ្រី បន្ទាប់ពីពិធីសច្ចាប្រណិធានចូលកាន់តំណែងប្រធានា<br />ធិបតិនៅឯវិមាន Kremlin ។</p>
<p><a class="thickbox" title="" href="/FileManager/Commons/2012/5/8/putinmedvedev1-08-05-2012--08-51-23.jpg"><img src="/FileManager/Articles/mce/2012/5/8/putinmedvedev1-08-05-2012--08-51-23.jpg" alt="" /></a></p>
<p><em>ប្រធានាធិបតិរុស្ស៊ី លោក Vladimir Putin កាលពីម្សិលមិញបានតែងតាំងលោក Dmitry Medvedev</em><br /><em>អោយឡើងកាន់តំណែងជានាយករដ្ឋមន្ដ្រី សម្រាប់អណត្តិថ្មី។</em></p>
<p>AFP បានរាយការណ៍ថា ប្រធានសភាជាន់ទាបរបស់រុស្ស៊ី លោក Sergei Naryshkin បានអោយដឹង<br />ថា បន្ទាប់ពីពិធីធ្វើសច្ចាប្រណិធានចូលកាន់តំណែងភ្លាម លោកប្រធានាធិបតិ Putin បានស្នើទៅកាន់<br />សភាក្នុងការអនុមតិលើការតែងតាំងលោក Medvedev អោយធ្វើជានាយករដ្ឋមន្ដ្រីរុស្ស៊ី។</p>
<p class="Normal">លោក Putin ត្រូវបានគេជឿថានឹងឧទ្ទេសនាមដោយផ្ទាល់នូវបេក្ខភាពរបស់លោក Medvedev នៅ<br />ពេលសភាជាន់ទាបរុស្ស៊ីមានការប្រជុំសំខាន់ដំបូង ក្នុងនោះក៏រួមបញ្ចូលទាំងការបោះឆ្នោតជាផ្លូវការ<br />នៅក្នុងថ្ងៃនេះ។ សភាជាន់ទាបរបស់រុស្ស៊ីក៏ហាក់ដូចបានប្រាកដប្រជាថានឹងអនុមតិយល់ព្រមលើ<br />ការតែងតាំងខាងលើ។</p>
<p class="Normal">អតីតប្រធានាធិបតិរុស្ស៊ី លោក Medvedev បច្ចុប្បន្ន ទទួលបានការគាំទ្រពីសមាជិកសភាជាន់ទាប<br />ចំនួនប្រហែលជា ២៩០កៅអី ក្នុងចំណោម ៤៥០កៅអី ខណៈដែលគាត់ត្រូវការត្រឹមតែ ២២៦កៅអី<br />ប៉ុណ្ណោះដើម្បីក្លាយជានាយករដ្ឋមន្រ្ដី។</p>
<p class="Normal">អ្វីដែលគួរអោយចាប់អារម្មណ៍ នោះគឺការផ្លាស់ប្ដូរតំណែងទៅវិញទៅមក។ ក្នុងរយៈពេល ៤ ឆ្នាំ<br />កន្លង លោក Medvedev បានធ្វើជាប្រធានាធិបតិរុស្ស៊ី ខណៈដែលលោក Vladimir Putin ឡើងធ្វើជា<br />នាយករដ្ឋមន្ដ្រី ហើយពេលនេះ លោក Medvedev នឹងធ្វើជានាយករដ្ឋមន្ដ្រី ចំណែកលោក Putin ធ្វើជាប្រធានាធិបតិវិញម្ដង។</p>
<p class="Normal">គួររំឭកថា លោក Putin បានទទួលជោគជ័យក្នុងការបោះឆ្នោតកាលពីថ្ងៃទី ៤ ខែមិនា ជាមួយនឹង<br />សម្លេងឆ្នោតជិត ៦៤%។ នេះគឺជាការឡើងកាន់តំណែងប្រធានាធិបតិលើកទី ៣ របស់លោក បន្ទាប់<br />ពីការកាន់អំណាចពីរអណត្តិជាប់ៗគ្នាចាប់ពីឆ្នាំ ២០០០ ដល់ឆ្នាំ ២០០៨។ រដ្ឋធម្មនុញ្ញថ្មីរបស់រុស្ស៊ី<br />បានកំណត់ថា អណត្តិប្រធានាធិបតិគឺមានរយៈពេល ៦ឆ្នាំ ដូច្នេះ លោក Putin អាចនឹងធ្វើជាម្ចាស់<br />វិមាន Kremlin រហូតដល់វ័យ ៧២ឆ្នាំ៕</p>
<p class="Normal" style="text-align: right;">ដោយ ៖ សូរីយ៉ា<br />ប្រភព ៖ VE</p>