<p><span style="color: #000000;"><strong>ភ្នំពេញ៖</strong> ប្រភពពីមន្រ្តីជាន់ខ្ពស់នគរបាលជាតិ បានឲ្យដឹងថា ស្នងការរងនគរបាលរាជធានីភ្នំពេញ និងជាប្រធានការិយាល័យ កណ្តាលព្រហ្មទណ្ឌ លោកឧត្តមសេនីយ៍ត្រី ជួន ណារិន្ទ ត្រូវបានតែងតាំងជា ស្នងការ នគរបាលខេត្តព្រះសីហនុ។ ពិធី តែងតាំងនេះ នឹងត្រូវប្រកាសជាផ្លូវការនៅថ្ងៃចន្ទ ទី០៦ ខែមេសា ឆ្នាំ២០១៥ សប្តាហ៍ក្រោយនេះ។</span></p>
<p><span style="color: #000000;">ឧត្តមសេនីយ៍ ជួន ណារិន្ទ អតីតប្រធានការិយាល័យនគរបាលព្រហ្មទណ្ឌកំរិតធ្ងន់ រាជធានីភ្នំពេញ ត្រូវបានតែងតាំង ជាស្នងការរង នគរបាលរាជធានីភ្នំពេញ ទទួលផែនព្រហ្មទណ្ឌកាលពីឆ្នាំ២០១៤។ លោក ជួន ណារិន្ទ ត្រូវ បានគេ មើលឃើញថា ជាមន្រ្តីនគរបាលមួយរូប ដែលមានជំនាញខ្ពស់លើ ផ្នែកព្រហ្មទណ្ឌ និងធ្លាប់បានបញ្ចេញ ស្នាដៃជាច្រើន លើការបង្រ្កាបបទល្មើស នានាក្នុងរាជធានីភ្នំពេញ។</span></p>
<p><span style="color: #000000;">ការតែងតាំងលោកឧត្តមសេនីយ៍ត្រី ជួន ណារិន្ទ ទៅជាស្នងការនគរបាលខេត្តព្រះសីហនុ បានធ្វើឡើងចំពេល ដែលខេត្តឆ្នេរសមុទ្រសម្បូរដោយភ្ញៀវទេសចរណ៍មួយនេះ កំពុងកើតមានបញ្ហាអសកម្មជាច្រើន ជាពិសេស បញ្ហាអសន្តិសុខជាច្រើនក្នុងខេត្ត ដូចជាការបាញ់បោះអានាធិបតេយ្យ និងចោរកម្មលួចឆក់ទ្រព្យសម្បត្តិរបស់ជន បរទេស ជាភ្ញៀវទេសចរ។</span></p>
<p><span style="color: #000000;">តំណែងបច្ចុប្បន្នរបស់លោក ជួន ណារិន្ទ ត្រូវបានជំនួសដោយលោកឧត្តមសេនីយ៍ត្រី សុង លី៕</span></p>
<p><span style="color: #000000;"><a class="thickbox" title="" href="/FileManager/Commons/2015/4/2/4-2-2015-11-34-11-am-02-04-2015--11-39-35.png"><span style="color: #000000;"><img src="/FileManager/Articles/mce/2015/4/2/4-2-2015-11-34-11-am-02-04-2015--11-39-35.png" alt="" /></span></a></span></p>
<p style="text-align: right;"><span style="color: #000000;">ផ្ដល់សិទ្ធដោយ៖ ដើមអម្ពិល</span></p>