<p>អ្នកប្រើប្រាស់ទូរស័ព្ទភាគច្រើន បានដឹងអំពីតម្លៃលក់នៃ iPhone ថ្មី របស់ Apple ដែលមានភ្ជាប់<br />ជាមួយនឹងកិច្ចសន្យាប្រើបណ្ដាញទូរស័ព្ទចំនួនពីរឆ្នាំ ក៏ប៉ុន្ដែ សួរថា តើតម្លៃទិញដាច់ របស់ស្មាត<br />ហ្វូនទាំងពីរនេះ នឹងថ្លៃប៉ុន្មានឱ្យពិតប្រាកដ?</p>
<p style="text-align: center;"><a class="thickbox" title="" href="/FileManager/Commons/2014/9/11/price-11-09-2014--17-03-20.jpg"><img src="/FileManager/Articles/mce/2014/9/11/price-11-09-2014--17-03-20.jpg" alt="" /></a></p>
<p>Apple បានប្រកាសថា iPhone 6 មានតម្លៃចាប់ពី ១៩៩ដុល្លារ ដល់ ៣៩៩ដុល្លារ អាស្រ័យលើ<br />កំណែអង្គចងចាំនិមួយៗ។ ចំពោះ iPhone 6 Plus មានតម្លៃចាប់ពី ២៩៩ដុល្លារ ៖ iPhone 6 Plus<br /> កំណែអង្គចងចាំ 16 GB មានតម្លៃ ២៩៩ដុល្លារ ចំណែកកំណែ 64 GB មានតម្លៃ ៣៩៩ដុល្លារ <br />ហើយកំណែ 128 GB គឺមានតម្លៃ ៤៩៩ដុល្លារ ដោយមានភ្ជាប់នឹងកិច្ចសន្យាប្រើប្រព័ន្ធទូរស័ព្ទ<br />របស់ក្រុមហ៊ុនផ្គត់ផ្គង់ទូរស័ព្ទ រយៈពេល ២ឆ្នាំ។ អតិថិជនមានបំណងទិញ iPhone ថ្មី របស់ <br />Apple អាចបញ្ជាទិញ ចាប់ពីថ្ងៃទី ១៩កញ្ញាខាងមុខ។</p>
<p>យ៉ាងនេះក្ដី អ្វីដែលសាធារណជនកម្ពុជា មានការចាប់អារម្មណ៍ជាងព័ត៌មានខាងលើ គឺតម្លៃទិញ<br />ផ្ដាច់នៃស្មាតហ្វូនថ្មីនេះ ថាតើវាមានតម្លៃប៉ុន្មានឱ្យពិតប្រាកដ ក្នុងករណីទីផ្សារដូចស្រុកខ្មែរ?</p>
<p>ថ្មីៗនេះ ទំព័របច្ចេកវិទ្យា Slashgear បានឱ្យដឹងថា iPhone 6 កំណែ 16 GB នឹងមានតម្លៃ ៦៤៩<br />ដុល្លារអាមេរិក មិនមានកិច្ចសន្យាប្រើប្រព័ន្ធទូរស័ព្ទ ចំណែក iPhone 6 Plus កំណែ 16 GB នឹង<br />ថ្លៃជាង iPhone 6 កំណែ 16 GB ចំនួន ១០០ដុល្លារ ពោលគឺ វាមានតម្លៃ ៧៤៩ដុល្លារ។ ខាង<br />ក្រោមនេះ គឺជាតារាងតម្លៃ “ទិញដាច់ ” របស់ iPhone ថ្មី ដោយមិនមានភ្ជាប់កិច្ចសន្យាប្រើ<br />បណ្ដាញទូរស័ព្ទ របស់ T-Mobile ៖</p>
<p style="text-align: center;"><a class="thickbox" title="" href="/FileManager/Commons/2014/9/11/price1-11-09-2014--17-04-05.jpg"><img src="/FileManager/Articles/mce/2014/9/11/price1-11-09-2014--17-04-05.jpg" alt="" /></a></p>
<p>សម្រាប់ទីផ្សារស្រុកខ្មែរ នៅមុនថ្ងៃទី ១៩ កញ្ញាខាងមុខ អតិថិជន ប្រហែលជាមិនអាចបញ្ជា<br />ទិញ iPhone 6 Plus និង iPhone 6 នោះទេ ព្រោះថា ទីផ្សារតូចមួយនេះ ក៏ប្រហែលជាមិនស្ថិត<br />ក្នុងបញ្ជីអទិភាពរបស់ Apple ។ ចំណែកតម្លៃរបស់ស្មាតហ្វូននេះ ក្នុងទីផ្សារកម្ពុជា ក៏អាចនឹងថ្លៃ<br />ជាងតម្លៃដែលត្រូវបានកំណត់ដោយ Apple ដល់ទៅរយដុល្លារអាមេរិក៕</p>
<p> </p>
<p style="text-align: right;">ប្រែសម្រួលដោយ ៖ តារា<br /> ប្រភព ៖ Slashgear/Cnet</p>