<p><span style="color: #000000;"><strong>ព័ត៌មានអន្តរជាតិ ៖</strong> លោក ម៉ម រាឌី គឺ ជាអ្នកតំណាងរាស្រ្តថ្មីបំផុតរបស់រដ្ឋ ខណៈលោកជាបេក្ខភាព អ្នកនយោបាយថ្មីថ្មោងមួយរូប ដែលបាន ឈ្មះ ការបោះឆ្នោត ដោយមានសម្លេងគាំទ្រ ពីមតិភាគច្រើន ពីទីក្រុងដែលសម្បូរទៅដោយប្រជាជនខ្មែររស់នៅខណៈចលករនេះគឺជាអ្វីដែលត្រូវបានគេជឿថាលោក គឺជាបុគ្គល ដំបូង គេ ដែលមានដើមកំណើតខ្មែរ សញ្ជាត្តិអាមេរិក បានក្លាយទៅជាអ្នកតំណាង រាស្រ្ត (សមាជិកសភា) នៅលើទឹកដីសហរដ្ឋអាមេរិក ។ </span></p>
<p><span style="color: #000000;"><a class="thickbox" title="" href="/FileManager/Commons/2014/11/8/30-08-11-2014--12-12-34.jpg"><img src="/FileManager/Articles/mce/2014/11/8/30-08-11-2014--12-12-34.jpg" alt="" /></a><br /></span></p>
<p><span style="color: #000000;">ស្ថិតនៅក្នុងវ័យ ៤៥ ឆ្នាំ លោក ម៉ម រាឌី បានយកឈ្នះលើដៃគួប្រកួតដ៏មានសក្តានុពលរបស់ខ្លួន លោក Fred Bahou ដោយលោក ម៉ម រាឌី បានទទួល សម្លេងគាំទ្រ យក ឈ្នះដល់ទៅ ៦១ ភាគរយ ពោល សម្លេងគាំទ្របោះឆ្នោត ៣,៨៤៨ សម្លេង នាំមុខ លោក Fred Bahou ដោយ ទទួលបានត្រឹមតែ ២,៣៨៦ សម្លេង ក្នុងការដណ្តើមជ័យជំនះយកឈ្នះធ្វើជាបេក្ខភាពតំណាងរាស្រ្តក្រុង Lowell រដ្ឋ Massachusetts សហរដ្ឋអាមេរិក ។ </span></p>
<p><span style="color: #000000;">តើលោក ម៉ម រាឌី គឺជានរណាអោយពិតប្រាកដ ? យោង តាមសេចក្តីរាយការណ៍ ពីគេហទំព័រសារព័ត៌ មានបរទេស bostonglobe អោយដឹងថា លោក ម៉ម រាឌី បានកើតនៅក្នុងប្រទេស កម្ពុជា នាឆ្នាំ ១៩៧០ ខណៈលោកមានលោកឪពុកជាប្រធានភូមិ ក្នុងនោះ លោក ឪពុក របស់ លោក ម៉ម រាឌី ជាបុគ្គលមួយ រូបដែលចេះជួយទុក្ខធុរៈអ្នកដទៃ តែលោកត្រូវបានបាត់ដំណឹងសូន្យឈឹង ចាប់តាំងពីមានវត្តមាននៃការ កកើតឡើងរបបខ្មែរក្រហម ។ </span></p>
<p><span style="color: #000000;"><a class="thickbox" title="" href="/FileManager/Commons/2014/11/8/31-08-11-2014--12-12-46.jpg"><img src="/FileManager/Articles/mce/2014/11/8/31-08-11-2014--12-12-46.jpg" alt="" /></a><br /></span></p>
<p><span style="color: #000000;">លោក ម៉ម រាឌី ៖ នៅពេលដែលខ្ញុំបាទ មានអាយុប្រមាណជាង ១០ ឆ្នាំ ពួកយើងបានស្ថិតនៅជុំរុំភៀស ខ្លួនបណ្តោះអាសន្ន ដោយនៅក្នុងនោះ ភ្លើងសង្គ្រាម បានកើតឡើងជាបន្តបន្ទាប់ ដោយឡែកមានពេល មួយនោះ គ្រាប់បែក មួយគ្រាប់បានទម្លាក់ចំ មិត្តភក្កិខ្ញុំម្នាក់ ដែលគាត់មានចម្ងាយពីខ្ញុំ ប្រមាណ៥០ហ្វឺត នាវិនាទីនោះ កម្លាំងផ្ទុះលាន់សន្ធឹកបានឈក់យកជីវិតក្រុមគ្រួសាររបស់មិត្តខ្ញុំម្នាក់នោះ យ៉ាងណាមិញ ឪពុកខ្ញុំបាទ បានប្រាប់ខ្ញុំអោយកាន់អោយជាប់នឹងកន្ទុយជាយអាវរបស់គាត់ បើ ទោះ ជាមានរឿងអ្វីក៏ ដោយចុះ ចូរកុំបោះបង់វា ពីព្រោះថា វាអាចនឹងការពារខ្ញុំ ចេញពីបណ្តាគ្រាប់ កាំភ្លើង នាវិនាទីនោះ វាគឺ ជាវាលប្រយុទ្ធមួយ ដ៏រន្ធត់ដែលមិនអាចបំភ្លេចបាន ។ </span></p>
<p><span style="color: #000000;">បន្តបន្ទាប់មកទៀត ពួកយើងក៏បានធ្វើការរត់ ភៀស ខ្លួន រហូតដល់ ទឹកដី សហរដ្ឋអាមេរិក អំឡុងឆ្នាំ ១៩៨២ ។ ខ្ញុំបាទមិនចេះនិយាយភាសាអង់គ្លេស សូម្បីតែមួយពាក្យ ។ មុនពេលខ្ញុំចូលរៀន ថ្នាក់មហាវិ ទ្យាល័យ ខ្ញុំបាទបានបួសធ្វើជាសង្ឍ ដើម្បីជាការសងគុណ រំឮកដល់គុណឪពុកម្តាយ ។ ជីវិតជា សង្ឃ ខ្ញុំបាទពិតជាមានភាពសប្បាយរីករាយជាខ្លាំង ខណៈបានចំណាយពេលជា ពុទ្ធបរិស័ទ ជាមួយនឹងជីតា ខ្ញុំបាទ ជា<span id="result_box" lang="km">មហាបូជាចារ្យ នៅឯវត្តព្រះពន្ធសាសនា </span> Lowell Glory ៕</span></p>
<p style="text-align: right;"><span style="color: #000000;">ប្រែសម្រួល ៖ កុសល</span><br /><span style="color: #000000;">ប្រភព ៖ bostonglobe និង radymom</span><br /><br /></p>