<p class="sapo"><strong>ក្រោយពីថ្ងៃដែលបងចាកចេញទៅ អូនត្រូវបានបាត់បង់ក្តីស្រលាញ់ពីបង ប៉ុន្តែអូន<br />ទទួលបាន</strong><strong>ក្តីស្រលាញ់ច្រើនជាងមុនពីមនុស្សដែលនៅជុំវិញខ្លួន។</strong></p>
<p><strong>ក្រោយពីថ្ងៃបងចេញទៅ អូនស្រលាញ់ខ្លួនឯងច្រើនជាងមុន</strong><br /><br />អូនមានពេលវេលាច្រើនជាងមុនដើម្បីគិតពីខ្លួនឯង សំរាប់ពេលបច្ចុប្បន្ន និងទៅថ្ងៃអនាគត។<br />អូនមិនបាននៅដល់យប់អាធ្រាត្រ ដើម្បីនិយាយរឿងលេងជាមួយបង គេងពីព្រលប់ជាងមុន<br />និងក្រោកពីគេងពេលព្រះអាទិត្យរះ ដើម្បីបានស្គាល់នូវរឿងតូចៗស្តីពីជីវិតខាងក្រៅដែលកំពុង<br />កើតឡើង រឿងដែលកាលពីមុនអូនតែងតែបោះបង់ រំលងចោល។<br /><br />អូនបានស្គាល់ពីការរៀនរស់ដោយខ្លួនឯង ក្នុងការប្រឈមមុខនឹងការលំបាកគ្រប់យ៉ាងក្នុងជីវិត។<br />ដែលធ្វើឲ្យអូនបានដឹងថា បើទោះជារស់នៅម្នាក់ឯង ក៏អូនអាចនៅតែតស៊ូរស់បាន និងខិតខំធ្វើ<br />នូវអ្វីដែលល្អៗតាមតែអាចធ្វើទៅបាន។</p>
<p><a class="thickbox" title="" href="/FileManager/Commons/2012/10/26/1225dslangquen01-43fc3-26-10-2012--11-02-32.jpg"><img src="/FileManager/Articles/mce/2012/10/26/1225dslangquen01-43fc3-26-10-2012--11-02-32.jpg" alt="" /></a></p>
<p><strong>ក្រោយថ្ងៃបងចេញទៅ អូនស្រលាញ់គ្រួសារច្រើនជាងមុន</strong><br /><br />អូនបានឃើញកែវភ្នែកស្រងូតស្រងាត់ ព្រួយបារម្ភរបស់ម៉ាក់អូនពេលឃើញអូនកំពុងទុក្ខព្រួយ។<br />តាមរយះនេះបានធ្វើឲ្យអូនដឹង ពីការស្រលាញ់ប៉ាម៉ាក់ច្រើនជាងមុន។ អូនបានយល់ពីសេចក្តីស្រ<br />លាញ់ដ៏ជ្រាលជ្រៅរបស់ប៉ាអូន ពេលប៉ានិយាយថា: "កូនស្រីប៉ាកុំកើតទុក្ខអី អ្នកដែលស្រលាញ់កូន<br />ស្មោះពិតប្រាកដ គេនឹងមិនធ្វើឲ្យកូនស្រីយំ និងឈឺចាប់ដូច្នេះឡើយ"។<br /><br /><strong>ជំនួសឲ្យការទូរស័ព្ទ ផ្ញើសារទៅបង អូនទូរស័ព្ទទៅប៉ាម៉ាក់រៀងរាល់ថ្ងៃ</strong><br /><br />អូនបានស្គាល់ និងយល់យ៉ាងច្បាស់ពីអារម្មណ៍រង់ចាំ ដែលអូនធ្លាប់រង់ចាំបង។ ព្រោះដូច្នេះអូននឹង<br />មិនធ្វើឲ្យប៉ាម៉ាក់ទន្ទឺងរង់ចាំអូនឡើយ។ អូននឹងទូរស័ព្ទ និងទៅលេងគាត់ដើម្បីទទួលបាននូវភាព<br />កក់ក្តៅពីពួកគាត់ តាមដែលអាចធ្វើទៅបាន។<br /><br /><strong>ក្រោយថ្ងៃបងចេញទៅ អូនស្រលាញ់មិត្តភក្តិច្រើនជាងមុន</strong><br /><br />បងអាចទុកអូនចោលឲ្យនៅកើតទុក្ខយំម្នាក់ឯងជារៀងរាល់យប់ ប៉ុន្តែមិត្តភក្តិអូន គឺជាអ្នកកំដរអូន<br />រាល់យប់ និងលួងអូនឲ្យឈប់យំ។ បងបានយកក្តីស្រលាញ់របស់បងទៅឲ្យមនុស្សស្រីផ្សេង ឯអូន<br />ទទួលបានមកវិញនូវសេចក្តីស្រលាញ់ដ៏កក់ក្តៅ ច្រើនជាងក្តីស្រលាញ់ដែលបងធ្លាប់បានប្រគល់<br />ជូនអូន។</p>
<p><a class="thickbox" title="" href="/FileManager/Commons/2012/10/26/1225dslangquen02-43fc3-26-10-2012--11-20-02.jpg"><img src="/FileManager/Articles/mce/2012/10/26/1225dslangquen02-43fc3-26-10-2012--11-20-02.jpg" alt="" /></a></p>
<p>បងអាចប្រលែងដៃអូនចោលម្នាក់ឯងនៅលើដងផ្លូវ ចំណែកមិត្តភក្តិគឺជាអ្នកដែលចាប់ដៃអូន<br />ដើរទៅផ្លូវមួយផ្សេងទៀត។ ក្រោយថ្ងៃបងចាកចេញទៅ អូនបានបាត់បង់ក្តីស្រលាញ់ពីបង<br />ប៉ុន្តែអូនទទួលបានក្តីស្រលាញ់ច្រើនជាងមុន ពីមនុស្សនៅជុំវិញខ្លួនអូន។</p>
<p>ដូច្នេះគួរដល់ពេលអូនត្រូវក្រោកឈរវិញហើយ។ វាគ្មានអ្វីត្រូវព្រួយបន្តទៀតឡើយ បើមេឃ<br />នៅតែមានពណ៌ខៀវ ថ្ងៃនៅតែមានពន្លឺពណ៌មាស ពពកនៅតែហោះ ហើយអូននៅមានការ<br />ស្រលាញ់ និងទទួលការស្រលាញ់ជារៀងរាល់ថ្ងៃនោះ។</p>
<p>តាមរយះអត្ថបទខាងលើនេះដែរ Camnews ក៏សូមផ្ញើជាសារដាស់តឿនដល់មិត្តនារីៗ ដែល<br />កំពុងជួបការបោះបង់ចោលពីអ្នកដែលខ្លួនស្រលាញ់ ហើយកំពុងតែផ្តេកផ្តួលវាសនារបស់ខ្លួន<br />ឲ្យធ្លាក់ចូលទីងងឹតមួយដ៏សែនជ្រៅ សូមភ្ញាក់ខ្លួនឡើងវិញ ហើយគិតសារជាថ្មី។ សូមចងចាំ<br />ថាបើសិនជាគេពិតជាស្រលាញ់យើង តើគេចាកចោលពីយើង ទុកឲ្យយើងយំសោក និងឈឺ<br />ចាប់ដូច្នេះរឺ? តើមានប្រយោជន៍អ្វីទៅក្នុងការធ្វើបាបខ្លួន ទន្ទឹងរង់ចាំមនុស្សដែលចាកចោល<br />យើងគ្មានស្តាយស្រណោះសូម្បីបន្តិចនោះ? សូមគ្រវែងចោលក្តីស្រលាញ់ក្លែងក្លាយនោះ<br />ចោលទៅ កុំអោបក្រសោបវាទុកធ្វើអ្វី។ វាគ្មាតំលៃសំរាប់ឲ្យយើងថែរក្សាវាទុកឡើយ។ <br /><br />ត្រូវដឹងថា មានមនុស្សដទៃផ្សេងដែលនៅជុំវិញខ្លួនយើង រង់ចាំ និងផ្តល់ក្តីស្រលាញ់ពិតដល់<br />យើង (ប៉ាម៉ាក់ បងប្អូន មិត្តភក្តិ...) ។ ដូច្នេះត្រូវក្រោកឈរឡើងវិញ ធ្វើនូវអ្វីល្អៗសំរាប់ខ្លួនឯង<br />គ្រួសារ មិត្តភក្តិ ព្រោះអ្នកមិនមែននៅឯកាឡើយ។ ត្រូវធ្វើឲ្យគេដឹងថា បើទោះជាគ្មានគេ យើង<br />ក៏នៅតែអាចរស់បាន និងរកសេចក្តីសុខសំរាប់ជីវិតបាន នេះទើបជាមនុស្សស្រីម្នាក់ដ៏អស្ចារ្យ<br />និងគួរឲ្យកោតសរសើរ៕</p>
<p style="text-align: right;">ដោយ៖ សិលា<br />ប្រភព៖ k14</p>