<div class="article-content">
<p><strong>-តុលាការចេញ ដីកាបង្គាប់ ឱ្យលោក យាន ស៊ីណា អនុរដ្ឋលេខាធិការ ក្រសួង យុត្ដិធម៌<br /> ចូលបំភ្លឺ</strong><br /><strong></strong></p>
<p><strong>ភ្នំពេញ ៖</strong> អតីតមេធាវី ដែលត្រូវបានគេ ដឹងថា សំបូររឿងរ៉ាវ និងបង្ហាញខ្លួននៅ តុលាការជាច្រើន<br />ដង ដេវីដ ឆាណាយវា និង ក្មួយប្រុស ឈ្មោះប្រាក់ អ៊ូស៊ី ត្រូវបានចៅ ក្រមសាលាដំបូងរាជធានីភ្នំ-<br />ពេញ លោកស៊ិន វិសាល ចេញដីកាឃុំខ្លួនដាក់ពន្ធនាគារជា បណ្ដោះអាសន្ន ដោយចោទប្រកាន់ពី<br />បទបង្ក អំពើហិង្សា ដោយចេតនាទៅលើអ្នកកាសែត បណ្ដាលឱ្យរងរបួសធ្ងន់ស្រាលជិត១០នាក់។</p>
<p>ការសម្រេចឃុំខ្លួនរបស់ចៅក្រមស៊ើបសួរ សាលាដំបូងរាជធានីភ្នំពេញ លោកស៊ិន វិសាលខាងលើ<br />នេះ បានធ្វើឡើងនៅរសៀល ថ្ងៃទី២០ ខែមីនា ឆ្នាំ២០១៣ បន្ទាប់ពីជន បង្កទាំងពីរនាក់នេះ ត្រូវ<br />បានព្រះរាជអាជ្ញារងអមសាលាដំបូងរាជធានីភ្នំពេញ លោកមាស ច័ន្ទពិសិដ្ឋ សម្រេចចោទប្រកាន់<br />ពីបទបង្កអំពើ ហិង្សា ដោយចេតនាតាមមាត្រា២១៧ នៃ ក្រមព្រហ្មទណ្ឌ ។</p>
<p>យោងតាមប្រភពព័ត៌មានពីមន្ដ្រីសាលាដំបូងរាជធានីភ្នំពេញ បានឱ្យដឹងថា ខណៈដែលចៅក្រម<br />ស៊ើបសួរសាលាដំបូងរាជធានី ភ្នំពេញ សម្រេចឃុំខ្លួនដេវីដ ឆាណាយវា និង បក្ខពួកដែលជាក្មួយ<br />បង្កើតខាងលើនេះ បានកើតឡើងស្របពេលចៅក្រមបានចេញដីកា មួយទៀត បង្គាប់ឱ្យអនុរដ្ឋ<br />លេខាធិការក្រសួង យុត្ដិធម៌ លោកយាន ស៊ីណា ចូលបំភ្លឺនៅ តុលាការ ដោយជាប់ពាក់ព័ន្ធ និង<br />បទល្មើស ទាំងនេះ ខណៈដែលលោកយាន ស៊ីណា មិន ទាន់ត្រូវបានសមត្ថកិច្ចឃាត់ខ្លួន ក្រោយ<br />ពេល កើតហេតុកាលពីយប់រំលងអាធ្រាត្រចូលថ្ងៃទី១៩ ខែមីនា ឆ្នាំ២០១៣ ។</p>
<p>អតីតមេធាវី ដេវីដ ឆាណាយវា ត្រូវបាន គេដឹងថា សំបូររឿងបទល្មើសពាក់ព័ន្ធមួយ ចំនួនទៀត<br /> និងមានដីកាតាមចាប់ខ្លួនពីសាលា ដំបូងរាជធានីភ្នំពេញ ជាប់ពាក់ព័ន្ធនិងការ ប្រើប្រាស់អាវុធ<br />ខុសច្បាប់ ចំពោះទង្វើនៃការបាញ់បោះដោយសេរីនៅក្នុងភោជនីយដ្ឋាន រីវ័ហៅ កាលពី៦ឆ្នាំមុន។</p>
<p>ជាមួយគ្នានេះ ដេវីដ ឆាណាយវា ដែលត្រូវបានគណៈមេធាវីលុបឈ្មោះចេញ តាំងពី អំឡុងឆ្នាំ<br />២០០៣កន្លងទៅនេះ ធ្លាប់ត្រូវបាន គេដឹងថា ជាជនម្នាក់ ដែលបានបើករថយន្ដ ម៉ាកមាំមើ ឡើង<br />កាត់ និងបំផ្លាញសួនច្បារ សម្ដេចហ៊ុន សែន កាលពីប៉ុន្មានឆ្នាំមុនផងដែរ ។ ទន្ទឹមគ្នានេះ ដេវីដ <br />ឆាណាយវា ក៏ត្រូវ បានថ្នាក់លើដកតួនាទីជាទីប្រឹក្សាសម្ដេចជា ស៊ីម ជាយូរឆ្នាំមកហើយ ដោយ<br />សារតែជន នេះ បានប្រព្រឹត្ដអំពើមិនគប្បីជាច្រើន ដែល ធ្វើឱ្យប៉ះពាល់ដល់កេរ្ដិ៍ឈ្មោះថ្នាក់ដឹកនាំ។</p>
<p>លោកយឹម លាង នាយរងខុទ្ទកាល័យ និងជាមេបញ្ជាការកងអង្គរក្សសម្ដេចជាស៊ីម បានប្រាប់កា-<br />សែតភ្នំពេញថា ជននេះត្រូវបាន ដកចេញពីតំណែងជាទីប្រឹក្សាសម្ដេចប្រធាន ព្រឹទ្ធសភា ជាយូរ<br />ណាស់មកហើយ ព្រោះវា គឺជាមនុស្សចោរម្សៀត ។</p>
<p>ចំពោះការសម្រេចឃុំខ្លួន អតីតមេធាវី សំបូររឿងរ៉ាវបទល្មើសជាច្រើនករណី និងជា អ្នកមាន<br />ទ្រព្យសម្បត្ដិស្ដុកស្ដុម្ភម្នាក់នេះ រួម ជាមួយក្មួយប្រុសរបស់ខ្លួន បានទទួលការសាទរពីជនរង-<br />គ្រោះ ជាអ្នកកាសែតមួយចំនួន ដែលរងការវាយតប់ ពីសំណាក់ជនទាំង នេះ។</p>
<p>ជាមួយគ្នានេះ ជនរងគ្រោះទាំងអស់បាន ទទូចឱ្យតុលាការ ផ្ដន្ទាទោសអនុរដ្ឋលេខាធិការក្រសួង<br />យុត្ដិធម៌ ឈ្មោះយាន ស៊ីណា ម្នាក់ទៀត ដែលបាននិងកំពុងរត់គេចខ្លួន យកមកផ្ដន្ទាទោសតាម<br />ផ្លូវច្បាប់ ចំពោះទង្វើមិនគប្បីរបស់ខ្លួនមកលើអ្នកកាសែត ពេលកំពុងចុះយកព័ត៌មាននៅតាមទី<br />សាធារណៈនោះ ៕</p>
<p style="text-align: center;"><img src="http://111.92.240.170:81/dap-news/dap-images/2013/March/id-030/Kosal-0386.jpg" alt="DAP-News" width="400" /></p>
<p style="text-align: center;"><img src="http://111.92.240.170:81/dap-news/dap-images/2013/March/id-015/T-0556.jpg" alt="Photo by DAP-News" width="400" /></p>
<p style="text-align: center;"><img src="http://111.92.240.170:81/dap-news/dap-images/2013/March/id-015/T-0557.jpg" alt="Photo by DAP-News" width="400" /></p>
<p style="text-align: center;"><img src="http://111.92.240.170:81/dap-news/dap-images/2013/March/id-015/T-0558.jpg" alt="Photo by DAP-News" width="400" /></p>
<p style="text-align: center;"><img src="http://111.92.240.170:81/dap-news/dap-images/2013/March/id-015/T-0559.jpg" alt="Photo by DAP-News" width="400" /></p>
<p style="text-align: center;"><img src="http://111.92.240.170:81/dap-news/dap-images/2013/March/id-015/T-0560.jpg" alt="Photo by DAP-News" width="400" /></p>
<p style="text-align: center;"><img src="http://111.92.240.170:81/dap-news/dap-images/2013/March/id-015/T-0561.jpg" alt="Photo by DAP-News" width="400" /></p>
<p style="text-align: center;"><img src="http://111.92.240.170:81/dap-news/dap-images/2013/March/id-015/T-0562.jpg" alt="Photo by DAP-News" width="400" /></p>
<p style="text-align: center;"><img title="" src="http://111.92.240.170:81/dap-news/dap-images/2013/March/id-015/T-0563.jpg" alt="Photo by DAP-News" width="400" /></p>
<p style="text-align: center;"><img src="http://111.92.240.170:81/dap-news/dap-images/2013/March/id-015/T-0572.jpg" alt="Photo by DAP-News" width="400" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>