<p><span style="color: #000000;"><strong>ភ្នំពេញៈ</strong> គូស្នេហ៍វ័យក្មេងមួយគូ បានយកកាំបិតចាក់គ្នាទៅវិញទៅមក បណ្តាលឲ្យរងរបួសធ្ងន់ស្រាល ទាំងសងខាង ក្នុងផ្ទះសំណាក់យីហៅ រិទ្ធីហេង ដែលមានទីតាំង នៅក្នុងសង្កាត់វត្តភ្នំ ខណ្ឌដូនពេញ ដោយតួអង្គខាងស្រី រងរបួសស្រាល ត្រូវបានបងប្អូនដឹកយក ទៅសង្គ្រោះនៅមន្ទីរពេទ្យ កាល់ម៉ែត ចំណែកភាគីខាងប្រុសរងរបួសធ្ងន់ ដេកនៅក្នុងត្លុកឈាម បន្ទប់ទឹកផ្ទះសំណាក់។ ហេតុការណ៍នេះបានកើតឡើងកាលវេលាម៉ោង៦ និង៥០នាទី ថ្ងៃទី១៨ ខែវិច្ឆិកា ឆ្នាំ២០១៤។</span></p>
<p><span style="color: #000000;">លោកសៅ ណុល អធិការរងនគរបាលខណ្ឌដូនពេញ បានប្រាប់មជ្ឈមណ្ឌលព័ត៌មានដើមអម្ពិល តាមទូរស័ព្ទថា លោកមិនទាន់ដឹងពីមូលហេតុ ដែលបង្កឲ្យគូស្នេហ៍វ័យក្មេងទាំងពីរនេះ យកកាំបិតចាក់គ្នាទៅវិញ ទៅមកនោះទេ រង់ចាំការស៊ើបអង្កេតជាមុនសិន។</span></p>
<p><span style="color: #000000;">ភាគីខាងស្រីត្រូវបានសាច់ញាតិបញ្ជូនយកទៅសង្គ្រោះនៅមន្ទីរពេទ្យ ចំណែកភាគីខាងបុ្រសដែលជាសង្សា បានដេកនៅ សល់ដង្ហើមតិចក្នុងត្លុកឈាម ហើយបច្ចុប្បន្នលោក សៅ ណុប កំពុងទាក់ទងទៅរថយន្តសង្គ្រោះ បន្ទាន់ ដើម្បីដឹកជនរងគ្រោះ យកទៅសង្គ្រោះ។</span></p>
<p><span style="color: #000000;">តាមប្រភពពីមន្ត្រីសមត្ថកិច្ច បានឲ្យដឹងថា ជនរងគ្រោះ ឈ្មោះ សៅ យៀកមី ភេទស្រី អាយុ១៧ឆ្នាំ មុខរបរ ជាសិស្សសាលា ឯកជនម្តុំផ្សារចាស់ ស្នាក់នៅសង្កាត់ផ្សារកណ្តាល ផ្លូវលេខ១៣០ កែងផ្លូវលេខ១៣ ខណ្ឌដូនពេញ រងរបួសប្រអប់ដៃខាងស្តាំ ២កន្លែង និងពោះចំមុខចំនួន៧កន្លែង។ ចំណែកជនល្មើស ឈ្មោះ ហួត សក្ខណា ភេទប្រុស អាយុ២៦ឆ្នាំ មុខរបរមិនពិតប្រាកដ ស្នាក់នៅផ្ទះជាមួយបងស្រី នៅសង្កាត់ភ្នំពេញថ្មី ខណ្ឌសែនសុខ រងរបួសបំពង់ក ៣កន្លែង ឆ្អឹងជំនីខាងឆ្វេង១កន្លែង។</span></p>
<p><span style="color: #000000;">តាមការសន្និដ្ឋានជាជំហានដំបូង បានឲ្យដឹងថា ជនល្មើសបានយកកាំបិតចាក់ទៅលើខ្លួនឯង ហើយចាក់ទៅលើជនរងគ្រោះ ក្នុងបំណង់សម្លាប់ខ្លួនទាំងសង្ខាង ៕</span></p>
<p><a class="thickbox" title="" href="/FileManager/Commons/2014/11/19/11-19-2014-9-49-01-am-19-11-2014--09-57-40.jpg"><img src="/FileManager/Articles/mce/2014/11/19/11-19-2014-9-49-01-am-19-11-2014--09-57-40.jpg" alt="" /></a></p>
<p><a class="thickbox" title="" href="/FileManager/Commons/2014/11/19/11-19-2014-9-49-17-am-19-11-2014--09-57-57.jpg"><img src="/FileManager/Articles/mce/2014/11/19/11-19-2014-9-49-17-am-19-11-2014--09-57-57.jpg" alt="" /></a></p>
<p><a class="thickbox" title="" href="/FileManager/Commons/2014/11/19/11-19-2014-9-48-48-am-19-11-2014--09-56-08.jpg"><img src="/FileManager/Articles/mce/2014/11/19/11-19-2014-9-48-48-am-19-11-2014--09-56-08.jpg" alt="" /></a></p>
<p><a class="thickbox" title="" href="/FileManager/Commons/2014/11/19/11-19-2014-9-50-00-am-19-11-2014--09-56-27.jpg"><img src="/FileManager/Articles/mce/2014/11/19/11-19-2014-9-50-00-am-19-11-2014--09-56-27.jpg" alt="" /></a></p>
<p><a class="thickbox" title="" href="/FileManager/Commons/2014/11/19/11-19-2014-9-48-15-am-19-11-2014--09-56-43.jpg"><img src="/FileManager/Articles/mce/2014/11/19/11-19-2014-9-48-15-am-19-11-2014--09-56-43.jpg" alt="" /></a></p>
<p><a class="thickbox" title="" href="/FileManager/Commons/2014/11/19/11-19-2014-9-50-17-am-19-11-2014--09-57-03.jpg"><img src="/FileManager/Articles/mce/2014/11/19/11-19-2014-9-50-17-am-19-11-2014--09-57-03.jpg" alt="" /></a><span style="color: #000000;"><br /></span></p>
<p style="text-align: right;"><span style="color: #000000;"><span>ផុ្ដល់សិទ្ធិដោយ៖ ដើមអម្ពិល</span><br /></span></p>