<p><span style="color: #000000;">ព័ត៌មានអន្តរជាតិ ៖ ឧបករណ៍ថតសម្លេង ក្នុងបន្ទប់កាប៊ិនយន្តហោះ ដែលត្រូវបានគេស្គាល់ម្យ៉ាងទៀត គឹជា ប្រអប់ខ្មៅទី ២ នៅលើយន្តហោះធ្លាក់ ជើងហោះហើរ QZ8501 របស់ ក្រុមហ៊ុនអាកាសចរណ៍ Air- Asia នោះ ត្រូវបានក្រុមការងារ រកឃើញហើយ ខណៈកំពុងនាំយកកាន់ដីគោក វិញ អំឡុងថ្ងៃអង្គារនេះ តួយ៉ាង ប្រអប់ខ្មៅទី២ នេះ កំពុងតែមានវត្តមាននៅលើ នាវាកង ទ័ព ជើងទឹក ប្រទេស ឥណ្ឌូនេស៊ី ក្នុង ដំណើរវិលត្រលប់មកវិញ មកកាន់ទីក្រុង Jakarta ដើម្បីធ្វើការវិភាគ ។</span></p>
<p><a class="thickbox" title="" href="/FileManager/Commons/2015/1/13/72-13-01-2015--14-13-09.jpg"><img src="/FileManager/Articles/mce/2015/1/13/72-13-01-2015--14-13-09.jpg" alt="" /></a></p>
<p><span style="color: #000000;">សារព័ត៌មានរដ្ឋចិន ស៊ិនហួរ អោយដឹងថា ប្រអប់ខ្មៅទី ២ នេះ ឬ The cockpit voice recorder ត្រូវបាន ចាប់រលកសញ្ញាបាន និងស្រង់ចេញពីបាតសមុទ្រ ជិតទីតាំង រកឃើញ ប្រអប់ខ្មៅទី១នៃយន្តហោះធ្លាក់</span><br /><span style="color: #000000;">សារព័ត៌មានក្នុងស្រុក MetroTV ចេញសេចក្តីរាយការណ៍អោយដឹងថា The cockpit voice recorder កំ ពុងតែមានវត្តមាននៅលើនាវា ឆ្ពោះតម្រង់មកដីគោក ទីក្រុងធំរបស់ប្រទេស ដើម្បីធ្វើការស៊ើបអង្កេតពី ក្រុមអ្នកជំនាញ ។ គួរបញ្ជាក់ថា ប្រអប់ខ្មៅទី ១ ឬ (The flight data recorder ) ឧបករណ៍ ផ្ទុកទិន្នន័យ ហោះហើរ ត្រូវបានក្រុមការងារ ប្រទះឃើញ និងស្រង់ត្រលប់មកវិញ កាលពីថ្ងៃច័ន្ទ ម្សិល មិញនេះពីទី តាំងបាតសមុទ្រ ជិតបំណែកស្លាបយន្តហោះធ្លាក់ ប្រភេទ Airbus 320-200 មួយគ្រឿងនេះ ។ </span></p>
<p><span style="color: #000000;">គួររំឮកថា យន្តហោះ ប្រភេទ Airbus 320-200 របស់ក្រុមហ៊ុន អាកាសចរណ៍ AirAsia ផ្ទុកអ្នកដំណើរ ១៦២ នាក់នោះ បានធ្លាក់នៅក្នុងសមុទ្រ Java អំឡុងថ្ងៃទី ២៨ ធ្នូ កន្លងទៅ ស្របពេលដែលមានការ ហោះហើរដឹកអ្នកដំណើរ ឆ្ពោះទៅកាន់ប្រទេស សឹង្ហបុរី ដោយហោះ ចេញពីទីក្រុងធំទីពីរ របស់ប្រទេស ឥណ្ឌូនេស៊ី ទីក្រុង Surabaya ។ មកទល់នឹងបច្ចុប្បន្នភាព ថ្ងៃអង្គារនេះ គឺជាថ្ងៃទី ១៧ ហើយ នៃប្រតិប ត្តិការតាមរុករក សាកសពយន្តហោះបាត់ខ្លួន និងក្រុមមនុស្សជាអ្នកធ្វើដំណើរ ធ្លាក់យន្តហោះទាំងនោះ ស្របពេលដែលជាញឹកញាប់ ប្រតិបត្តិការ ត្រូវបានញាំញី ដោយ កម្លាំង ខ្យល់កន្ត្រាក់ខ្លាំង និង រលក យក្សជាដើម ។ សរុប រួម សាកសព អ្នកដំណើរធ្លាក់យន្តហោះ ចំនួន ៤៨ នាក់ ក្នុងចំណោម ១៦២នាក់ ត្រូវបានរកឃើញហើយ ក្នុងនោះ សាកសព ៣៤ នាក់ ត្រូវបានបញ្ជាក់អត្តសញ្ញាណច្បាស់លាស់ ៕</span></p>
<p><span style="color: #0000ff;"><a href="/News/Detail/53082/retrieved-airasia-flight-data-recorder-in-good-condition-n-ready-for-analysis" target="_blank"><span style="color: #0000ff;">- អាន ៖ ទស្សនា ប្រជុំរូបភាពប្រអប់ខ្មៅ យន្តហោះធ្លាក់ សម្លាប់មនុស្ស ១៦២ នាក់ មានសភាពល្អនៅឡើយ</span></a></span></p>
<p><span style="color: #0000ff;"><a href="/News/Detail/34061/airasia-qz8501-plane-tail-is-lifted-from-the-sea-bed" target="_blank"><span style="color: #0000ff;">- អាន ៖ ទស្សនាប្រជុំរូបភាព និង ទិដ្ឋភាពរួម ពេលស្រង់កន្ទុយយន្តហោះធ្លាក់ ពីបាតសមុទ្រ ជម្រៅ ៣៤ ម៉ែត្រ</span></a></span></p>
<p><span style="color: #0000ff;"><a href="/News/Detail/29630/airasia-qz8501-blackbox-flight-recorders-found" target="_blank"><span style="color: #0000ff;">- អាន ៖ រកឃើញហើយ ប្រអប់ខ្មៅ យន្តហោះធ្លាក់ ខណៈមូលហេតុធ្លាក់ ពិតប្រាកដ នឹងដឹងក្នុងពេលឆាប់ៗនេះ</span></a></span></p>
<p><span style="color: #0000ff;"><a href="/News/Detail/94206/qz8501-death-divers-on-bringing-the-bodies-home" target="_blank"><span style="color: #0000ff;">- អាន ៖ ក្រុមមុជទឹក "ខ្មោច" ប្តេជ្ញា រកអោយឃើញ សាកសព អ្នកដំណើរ ធ្លាក់យន្តហោះ កំពុងជាប់នៅក្នុង តួយន្តហោះ</span></a></span></p>
<p><a class="thickbox" title="" href="/FileManager/Commons/2015/1/13/70-13-01-2015--14-12-53.jpg"><img src="/FileManager/Articles/mce/2015/1/13/70-13-01-2015--14-12-53.jpg" alt="" /></a></p>
<p><a class="thickbox" title="" href="/FileManager/Commons/2015/1/13/71-13-01-2015--14-13-01.jpg"><img src="/FileManager/Articles/mce/2015/1/13/71-13-01-2015--14-13-01.jpg" alt="" /></a></p>
<p> </p>
<p style="text-align: right;"><span style="color: #000000;">ប្រែសម្រួល ៖ កុសល</span><br /><span style="color: #000000;">ប្រភព ៖ ស៊ិនហួរ</span></p>