<div class="article-content">
<p><strong>ភ្នំពេញ</strong>៖ ស្ត្រីម្នាក់រងរបួសស្រាល និងធូរេនមួយគ្រែ រួមជាមួយនឹងរបាំងថ្មចែកទ្រូងផ្លូវចំនួន ២ ផ្ទាំង ដែលស្ថិតនៅតាមបណ្តោយផ្លូវព្រះសីហនុ ជិតស្តាតអូឡាំពិក ក្នុងសង្កាត់ទួលស្វាយព្រៃទី២ ខណ្ឌ<br />ចំការមន ត្រូវរងការខូចខាតទាំងស្រុង ខណៈដែលបុរសម្នាក់ បានបើករថយន្តកាមរីឆ្លាមមួយគ្រឿង<br /><br /> បុករះពេញទំហឹងកាលពីវេលាម៉ោង ៣ នឹង០០នាទីទៀបភ្លឺថ្ងៃទី ១៦ ខែមិថុនា ឆ្នាំ២០១៣។</p>
<p>យោងតាមសេចក្តីរាយការណ៍ពីកន្លែងកើតហេតុ បានឲ្យដឹងថា រថយន្តបង្កហេតុខាងលើនេះម៉ាក<br />កាមរីឆា្លម ពណ៌ទឹកប្រាក់ ពាក់ស្លាកលេខ ភ្នំពេញ 2E-1411 បើកបរដោយបុរសម្នាក់នឹងរួមដោយ<br />មនុស្សស្រីនឹងប្រុស ៣ទៅ៤ នាក់ទៀត បានបើកធ្វើដំណើរតាមបណ្តោយផ្លូវព្រះសីហនុ ក្នុងទិស<br />ដៅពីកើតទៅលិច។ លុះបើកដល់ចំណុចកើតហេតុ ស្រាប់តែរថយន្តបែកកង់ផ្នែកខាងមុខ បណ្តាល<br />ឲ្យរេចង្កូតបុករះរបាំងថ្មចែកទ្រូងផ្លូវយ៉ាងពេញទំហឹងបាក់អស់ចំនួន២ ផ្ទាំង។</p>
<p>ក្រោយបើកបុករបាំងចែកទ្រូងផ្លូវហើយ បុរសរូបនេះ បានព្យាយាមបើករត់គេចខ្លួន ក៏ជ្រុលទៅបុក<br />កន្លែងលក់ធូរេន ស្ថិតនៅជិតចំណុចកើតហេតុបណ្តាលឲ្យខូចខាតអស់ធូរេនមួយគ្រែ រីឯម្ចាស់ធូរ៉េន<br /> ដែលអង្គុយលក់រងរបួសស្រាល។ ចំណែកម្ចាស់រថយន្តបង្កហេតុ និងអ្នករួមដំណើរក្នុងរថយន្តមិន<br />បានរងរបួសអ្វីទេ ប៉ុន្តែក្រោយកើតហេតុ ពួកគេបានចុះពីលើរថយន្តរត់គេចខ្លួនបាត់ស្រមោសអស់<br />ភ្លាមៗតែម្តង។</p>
<p>នគរបាលចរាចរណ៍ខណ្ឌចំការមន ដែលចុះពិនិត្យ និងវាស់វែងដល់កន្លែងកើតហេតុបានឲ្យដឹងថា<br /> រថយន្តបង្កហេតុខាងលើនេះ ត្រូវបានសមត្ថកិច្ចជំនាញចុះមកអន្តរាគមន៍ ធ្វើការវាស់វែងអូសយក<br />ទៅរក្សាទុក នៅការិយាល័យចរាចរណ៍ជើងគោករាជធានីភ្នំពេញ រង់ចាំដោះស្រាយតាមផ្លូវច្បាប់៕</p>
<p style="text-align: center;"><img src="http://111.92.240.170:81//dap-news/dap-images/2013/June/id-007/Pheak-0122.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81//dap-news/dap-images/2013/June/id-007/Pheak-0123.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81//dap-news/dap-images/2013/June/id-007/Pheak-0124.jpg" alt="Photo by DAP-NEWS" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>