<p><strong>ភ្នំពេញៈ</strong> បន្ទាប់ពីមានសារព័ត៌មាន ចុះផ្សាយ រិះគន់ទៅដល់តារាសម្តែង និងជាពិធីករល្បីឈ្មោះ<br /> ប្រចាំស្ថានីយទូរទស្សន៍ ហង្សមាស លោក ញ៉ែម សុគន្ធ ត្រូវមហាជនធ្វើការរិះគន់ មិនសំចៃមាត់<br />លើ អត្តចរិកឆ្មើងឆ្មៃ ធ្វើមិនសមរម្យ ទៅលើប្រជាពលរដ្ឋ ក្រោយជួបគ្រោះថ្នាក់ចរាចរណ៍មួយ <br />កាលពីប៉ុន្មានថ្ងៃកន្លងទៅ នៅថ្ងៃទី២៦ ខែសីហា ឆ្នាំ២០១៣នេះ លោក ញ៉ែម សុគន្ធ បានលេច<br />វត្តមាន ចេញមុខបកស្រាយ នៅលើកញ្ចក់ទូរទស្សន៍ ហង្សមាស ក្នុងកម្មវិធីសន្តិសុខ សង្គមពេល<br />ព្រឹក ដោយទទួលស្គាល់ថា ចំពោះករណី គ្រោះថ្នាក់ចរាចរណ៍ ដែលសារព័ត៌មាន ចុះផ្សាយនោះ<br /> គឺជាការពិត។</p>
<p>មានហេតុការណ៍ គ្រោះថ្នាក់ចរាចណ៍ ដែលបង្កឡើងដោយ រថយន្តសម្ដែងល្បីឈ្មោះ លោក ញ៉ែម<br /> សុគន្ធ បានកើតឡើងនៅវេលាម៉ោង១២ និង ៤៥នាទី រំលងអធ្រាត្រ ឈានចូល ថ្ងៃទី២៣ ខែសីហា<br /> ឆ្នាំ២០១៣ ស្ថិតនៅម្តុំអូឡាំពិក ត្រង់ចំណុចផ្លូវលេខ១៥៧ កែង២៧៨ សង្កាត់អូឡាំពិក ខណ្ឌចំការ<br />មន ។ ករណីនេះ ត្រូវបានរងការចោទថា លោក ញ៉ែម សុគន្ធ បានបើករថយន្តទៅ បុករថយន្តរបស់<br />គេ ហើយបានបើកទ្វាចុះ ពីលើរថយន្តមកក្រៅ ដោយបញ្ចេញ ឭកពារខឹងសម្បារ ប្រើពាក្យសម្តី <br />ដៀលប្រមាថ មើលងាយខាងភាគី រថយន្តបាឡែន រួចហើយក៏ឡើង ជិះរថយន្តទៅបាត់ ដោយមិន<br />ព្រម ទទួលខុសត្រូវ និងដោះស្រាយ ចំពោះទង្វើ ដែលខ្លួនខុសនោះឡើយ។</p>
<p>ជុំវិញព័ត៌មាន ដែលលើកឡើងនេះ ដែលត្រូវបានតារាសម្តែង រាងខ្ពស់ស្រឡះមុខមាំ លោក ញ៉ែម<br /> សុគន្ធ បានលេចវត្តមានចេញ មុខបកស្រាយ នៅលើកញ្ចក់ទូរទស្សន៍ ហង្សមាស ក្នុងកម្មវិធីសន្តិ<br />សុខពេលព្រឹក នៅថ្ងៃទី២៦ ខែសីហា ឆ្នាំ២០១៣នេះ ដោយទទួលស្គាល់ថា ចំពោះគ្រោះថ្នាក់ ចរា<br />ចរណ៍ដែល សារព័ត៌មានចុះផ្សាយនោះ គឺជាការពិត ។ នៅយប់នោះ លោកពិតជាបាននៅ ក្នុង<br />ហេតុការណ៍នោះមែន ហើយលោក មិនដែលគិតថា ចង់គេចវេសមិន ទទួលការពិតអ្វីឡើយ ។ <br />ជាក់ស្តែងដូចជាព្រឹកនេះ លោកបានមក ចូលរួមក្នុងកម្មវិធីនេះ ក្នុងគោលបំណងចង់ បកស្រាយ<br />ការពិត ក៏ដូចជាច្រានចោល ចំពោះព័ត៌មានផ្សាយថា លោកបានប្រើពាក្យ សំដីមិនសមរម្យ ទៅ<br />លើភាគីម្ខាងទៀត ។</p>
<p>ពិធីកររូបនោះបានប្រាប់ទៀតថា "ក្រោយពីមានបញ្ហានេះ មានសារព័ត៌មាន ក្នុងស្រុកជាច្រើន បាន<br />ចេញផ្សាយថា ខ្ញុំបានគេចវេស មិនទទួលខុសត្រូវ។ មិនតែប៉ុណ្ណោះ ថែមទាំងប្រើពាក្យសំដី ជេរប្រ<br />មាថ ទៅលើភាគីម្ខាងទៀតនេះ មិនមែនជារឿងពិតទេ នៅយប់ថ្ងៃកើតហេតុនោះ ខ្ញុំបានចុះមកមើល<br />រថយន្ត ហើយក៏បាននិយាយពាក្យសំដី មួយចំនួន ជាមួយភាគីម្ខាងទៀត តែដោយសារ ភាគីម្ខាង<br />នោះគេ គឺជាមន្ត្រីនគរបាល ហើយមានកាំភ្លើងផង ទើបខ្ញុំប្រញាប់ ចេញពីកន្លែងនោះ ខ្លាចមានបញ្ហា<br /> ប៉ះពាល់ សុវត្ថិភាពរបស់ខ្ញុំ " ។</p>
<p>ពាក់ព័ន្ធនឹងការ ចេញមុខបកស្រាយ របស់តួឯកប្រុសក្នុងរឿង “កុមារី២៥ឆ្នាំ” លោក ញ៉ែម សុគន្ធ <br />គួរឲ្យភ្ញាក់ផ្អើលនេះ លោកក៏បានប្រាប់ទៀតថា មិនបានប្រើពាក្យសំដីជេរ ដៀលប្រមាថ មើលងាយ<br />ខាងភាគី រថយន្តបាឡែន ដូចការលើកឡើង កន្លងមកនោះទេ "ខ្ញុំសង្ឃឹមថាក្រោយពីខ្ញុំចេញ មុខបក<br />ស្រាយនាព្រឹកនេះ និងធ្វើឲ្យ មហាជនឈប់ យល់ច្រឡំលើខ្ញុំទៀត " នេះជាសម្ដីដែល តារាសម្ដែង <br />ញ៉ែម សុគន្ធ បានបន្ថែម៕</p>
<p><span style="color: #000000;">ព័ត៌មានកំសាន្ត ស្តីពីតារាៗ ដ៏សម្បូរបែប ជាច្រើនទៀត<span style="color: #0000ff;"> <strong><a href="/News/Category/5/entertainment"><span style="color: #0000ff;">សូមចុចត្រង់នេះ</span></a></strong></span> !!!</span></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/August/id-098/S_0634.jpg" alt="" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/August/id-098/S_0635.jpg" alt="" width="500" /></p>
<p style="text-align: right;">ដោយ៖ LookingTODAY<br />ផ្តល់សិទ្ធិដោយ៖ ដើមអំពិល</p>