<p><span>គ្រោះថ្នាក់ចរាចរណ៍មួយ ដែលបានកើតឡើង កាលពីដើមខែមីនា ឆ្នាំ ២០១៣ បណ្តាលឲ្យរថ<br />យន្ត របស់តារាចម្រៀង ខេមរៈ សិរីមន្ត ត្រូវខូចខាត ទាំងស្រុង ហើយមាន មនុស្សប្រុស ៤នាក់<br /> ស្លាប់ និងរងរបួស២នាក់។ ក្រោយពីមានគ្រោះថ្នាក់ ដ៏រន្ធត់នោះត្រូវ បានជនរងគ្រោះ ដាក់ពាក្យ<br />ប្តឹង រថយន្តកុងតឺន័រក្រុមហ៊ុន SK ដែលបានបង្កហេតុ ទៅតុលាការខេត្តព្រះសីហនុ ដើម្បីរកយុត្តិ<br />ធម៌ និងទាមទាសំណងជំងឺចិត្ត ដល់ជនរងគ្រោះ ដែលបានបាត់បង់ជីវិត។</span></p>
<p>ប៉ុន្តែរហូតមកដល់ពេលនេះ ភាគីខាងជនរងគ្រោះ នៅមិនទាន់ទទួល បានសំណងណាមួយ ពី<br />ភាគីខាងក្រុមហ៊ុន នៅឡើយទេ ខណៈតុលាការ បានចេញដីកា សម្រេចឲ្យ ក្រុមហ៊ុន SK សង<br />សំណងទាំងអស់ ទៅតាមបណ្ដឹង របស់ជនរងគ្រោះ ប៉ុន្តែរហូតមកពេលនេះ សំណងជាទឹក<br />ប្រាក់ ដែលតុលាការ បានសម្រេចនោះ គឺមានតែនៅក្នុងក្រដាសប៉ុណ្ណោះ ពោលលុយទាំងនោះ<br /> មិនទាន់ធ្លាក់មកដល់ដៃ ជនរងគ្រោះ សូម្បីតែមួយកាក់មួយសេនឡើយ ។ ផ្ទុយទៅវិញ ខាងក្រុម<br />ហ៊ុនដឹកជញ្ជូន Sk បែរជាដាក់ពាក្យ បណ្តឹងប្តឹង បន្តទៅតុលាការ សាលាឧទ្ធរណ៍ បន្ថែមទៀត ។</p>
<p>បើគិតមកដល់ពេលនេះ គឺមានរយៈពេលជាង ៨ខែហើយ ដែលសំណុំរឿង គ្រោះថ្នាក់ចរាចរណ៍<br /> រថយន្តកុងតឺន័រ របស់ក្រុមតារាចម្រៀង ខេមរៈ សិរីមន្ត ធ្វើឲ្យរថយន្ត របស់លោក ត្រូវខូចខាត<br />ទាំងស្រុង ។ បន្ទាប់ពីជួបគ្រោះថ្នាក់ ចរាចរណ៍រួចភាគី ជនរងគ្រោះ ក៏បានដាក់ពាក្យប្តឹង ទៅតុ<br />|លាការ ដើម្បីស្វែងរកយុត្តិធម៌ ហើយរហូតមក ដល់ពេលនេះ ខាងតុលាការ បានកាត់ក្តី ឲ្យភាគី<br /> ក្រុមហ៊ុន Sk និងក្រុមហ៊ុន ធានារ៉ាប់រង សងសំណងជំងឺចិត្ត ទៅលើជនរងគ្រោះទាំងអស់ ។ ក្នុង<br />នោះភាគីបង្កហេតុ ត្រូវសងជំងឺចិត្ត ឲ្យតារាចម្រៀងល្បីឈ្មោះ លោក សិរីមន្ត ចំនួន ៨៥.០០០<br />ដុល្លារអាមេរិក។</p>
<p>ជួបជាមួយ LookingTODAY តាមទូរស័ព្ទ មេធាវីការពារក្ដី របស់ លោក ខេមរៈ សិរីមន្ត លោក <br />ឡេង លីហួរ បានប្រាប់ឲ្យដឹងថា គិតមកដល់ពេលនេះ រឿងក្តីមិនទាន់ បានទទួល សំណងជំងឺ<br />ចិត្តណាមួយឡើយ ។ បន្ទាប់ពីតុលាការ ចេញដីកាសម្រេច ឲ្យភាគីក្រុមហ៊ុន ខាងលើសង សំ<br />ណងជំងឺចិត្តនោះ ។ ខាងតុលាការ បានទុកពេលឲ្យ ភាគីណាមួយ មិនសុខចិត្ត ដាក់បណ្តឹង បន្ត<br />ទៅឧទ្ធរណ៍ ហើយពេលនេះ ខាងភាគីក្រុមហ៊ុន SK បានដាក់ពាក្យបណ្តឹងប្តឹង ទៅសាលាឧទ្ធរ<br />ណ៍បន្ត ។ដោយឡែកខាង ក្រុមហ៊ុនធានារ៉ាប់រង មិនបានដាក់ពាក្យប្តឹងទេ ។ បើគិតមក ដល់<br />ពេលនេះ កាលបរិច្ឆេទ នៃការដាក់បណ្តឹងប្តឹង ឧទ្ធរណ៍ក៏បានផុតកំណត់ ហើយដែរ ។</p>
<p>លោកមេធាវី បានប្រាប់ឲ្យដឹងបន្តទៀតថា "បើទោះជាខាងក្រុមហ៊ុន ខាងលើ ដាក់ពាក្យប្តឹងទៅ<br />ឧទ្ធរណ៍ទៀត ក៏ដោយ ក្នុងនាមខ្ញុំជាមេធាវី ខ្ញុំនឹងខំប្រឹងឲ្យអស់ពី សមត្ថភាពការពារ ផលប្រ<br />យោជន៍ជូនកូនក្តី សម្រាប់ភស្តុតាង និងឯកសារខាងខ្ញុំ និងកូនក្តី បានត្រៀមរៀបចំទុករួចហើយ។<br /> ម្យ៉ាងបើតាមអ្វី ដែលមានក្នុងដៃនោះ គឺយើងមានប្រៀប ជាងស្រាប់ទៅហើយ " ។</p>
<p>បើទោះជាមានការអះអាង ពីលោកមេធាវីយ៉ាងនេះក្តី ក៏លោកមេធាវីបានប្រាប់ឲ្យដឹងថា រហូត<br />មកដល់ ពេលនេះ លោកនៅមិនទាន់ ដឹងច្បាស់ទេ ថា តុលាការ សាលាឧទ្ធរណ៍ កំណត់កាល<br />បរិច្ឆេទ បើកសវនាការ នៅពេលណាទេ។ បើសិនជាមានព័ត៌មានអ្វីថ្មី និងប្លែកចាំ លោកផ្តល់<br />ព័ត៌មាន នៅពេលក្រោយបន្តទៀត។</p>
<p>គួររំឭកថា កាលពីយប់ថ្ងៃទី៧ ខែមីនា មានគ្រោះថ្នាក់ចរាចរណ៍ដ៏រន្ធត់មួយ បានកើតឡើង<br /> ដោយសារតែ រថយន្តកុងតឺន័រ មួយគ្រឿងបានក្រឡាប់ធ្លាក់ ប៉ះចំរថយន្ត របស់តារាចម្រៀង <br />ខេមរៈ សិរីមន្ត ដែលកំពុងធ្វើដំណើរ ទៅសម្តែងនៅក្រុងព្រះសីហនុ ត្រង់ចំណុចភូមិពូធឿង <br />សង្កាត់ព្រៃនប់ ក្រុងព្រះសីហនុ បណ្តាលឲ្យ អ្នករួមដំណើរ ចំនួន៤នាក់បានស្លាប់ភ្លាមៗ ក្នុង<br />នោះ មានកូនប្រុសនាយកុយ និងកូនប្រុសលោកយាយ ណយ សំណាង ផងដែរ។ ប៉ុន្តែ<br />លោក ខេមរៈ សិរីមន្ត មិនបានរងរបួសធ្ងន់ធ្ងរនោះទេ៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/July/id-065/PISETH-0399.jpg" alt="Looking Today" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/July/id-065/PISETH-0400.jpg" alt="Looking Today" width="500" /></p>
<p style="text-align: right;">ដោយ៖ LookingTODAY<br />ផ្តល់សិទ្ធិដោយ៖ ដើមអំពិល</p>