<p>ព្រះមហាក្សត្រ សម្តេចព្រះបរមនាថ នរោត្តម សីហមុនី បានចេញព្រះរាជក្រឹត្យ ត្រាស់បង្គាប់ <br />បង្កើតគណៈកមមាធិការជាតិរៀបចំព្រះរាជពិធីបុណ្យព្រះបរមសព ព្រះករុណា ព្រះបាទ <br />សម្តេចព្រះ នរោត្តម សីហនុ ព្រះមហាវីរក្សត្រ។ គណៈកម្មាធិការនោះ ដឹកនាំដោយសម្តេច <br />ជា ស៊ីមសម្តេច ហេង សំរិន និងសម្តេច ហ៊ុន សែន។</p>
<p><a class="thickbox" title="" href="/FileManager/Commons/2012/10/17/king-002-17-10-2012--10-33-37.JPG"><img src="/FileManager/Articles/mce/2012/10/17/king-002-17-10-2012--10-33-37.JPG" alt="" width="441" height="272" /></a><br /><br />ព្រះរាជក្រឹត្យនេះ ចុះថ្ងៃទី១៦ ខែតុលា ឆ្នាំ២០១២ សមាសភាពគណៈកម្មាធិការជាតិរៀបចំ<br />ព្រះរាជពិធីបុណ្យព្រះបរមសព សម្តេចព្រះ នរោត្តម សីហនុ មានចំនួន ៤៩ រូប ដែលដឹកនាំ<br />ដោយសម្តេចទាំងបី និងមានសមាជិកជាឧបនាយករដ្ឋមន្ត្រី ទេសរដ្ឋមន្ត្រី រដ្ឋមន្ត្រី អគ្គស្នង<br />ការនគរបាលជាតិ មេប៉េអឹម និងអភិបាលរាជធានី-ខេត្តទាំង ២៤។<br /><br /><em>គណៈកម្មាធិការខាងលើនេះ មានភារកិច្ច ដូចតទៅ៖</em><br />- រៀបចំព្រះរាជពិធីបុណ្យព្រះបរមសព ឲ្យមានដំណើរការល្អ ឧត្តុង្គឧត្តម សក្តិសមនឹងព្រះ<br />គោរមងាររបស់ព្រះអង្គ ជាព្រះមហាវីរក្សត្រ ព្រះវររាជបិតាឯករាជ្យ បូរណភាពទឹកដី និងឯក<br />ភាពជាតិខ្មែរ<br />-សម្របសម្រួលការងាររៀបចំព្រះរាជពិធីបុណ្យព្រះបរមសព នៅថ្នាក់ជាតិ និងថ្នាក់ក្រោម<br />ជាតិ<br />-រៀបចំព្រះរាជពិធីទទួល និងដង្ហែព្រះបរមសព<br />-រៀបចំតម្កល់ព្រះបរមសព គោរពព្រះវិញ្ញាណក្ខន្ធ និងកិច្ចការពាក់ព័ន្ធផ្សេងៗ<br />-រៀបចំព្រះរាជពិធីបូជាព្រះបរមសព ឲ្យមានដំណើរការល្អ និងឧត្តុង្គឧត្តម<br /><br />ព្រះករុណា ព្រះមហាក្សត្រ ក៏បានកំណត់ថា គណៈកម្មាធិការនេះ អាចបង្កើតអនុគណៈកម្មការ<br /> ដើម្បីបំពេញការងារ តាមការចាំបាច់។ សម្តេចអគ្គមហាធម្មពោធិសាល ជា ស៊ីម ប្រធានព្រឹទ្ធ<br />សភា សម្តេចអគ្គមហាពញាចក្រី ហេង សំរិន ប្រធានរដ្ឋសភា និងសម្តេចអគ្គមហាសេនាបតី<br />តេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ត្រូវទទួលបន្ទុកអនុវត្ត ឲ្យបាន<br />សម្រេចនូវព្រះរាជក្រឹត្យនេះ ចាប់ពីថ្ងៃឡាយព្រះហស្ថលេខាតទៅ។<br /><br />ព្រះរាជក្រឹត្យរបស់ព្រះករុណា ព្រះមហាក្សត្រ ត្រូវបានចម្លងចែកចាយ ដែលចុះហត្ថលេខា <br />ដោយលោក សយ សុខា អគ្គលេខាធិកររងទី១ រាជរដ្ឋាភិបាល នៅថ្ងៃទី១៦ ខែតុលា ឆ្នាំ<br />២០១២។ ព្រះរាជក្រឹត្យនោះ ត្រូវបានផ្សព្វផ្សាយដល់អ្នកកាសែត នាព្រឹកថ្ងៃទី១៧ ខែតុលា<br /> ឆ្នាំ២០១២។</p>
<p style="text-align: right;">ដោយ ៖ សូរីយ៉ា</p>