<div class="article-content">
<p><strong>ភ្នំពេញ៖</strong> ក្រុមចោរ២នាក់ បានស្ទាក់បាញ់បុរសម្នាក់ បណ្តាលឲ្យរងរបួសធ្ងន់ និងប្លន់<br />យកលុយ ប្រមាណជា ៣ម៉ឺន ដុល្លារ ខណៈកំពុងធ្វើដំណើរ យកលុយទៅសងថ្លៃ<br />រថយន្ត នៅខាងជើងផ្សារទួលគោក មុខផ្ទះលេខ៣៣អឺ១ ផ្លូវ លេខ ៥៨២ ក្នុងសង្កាត់<br />បឹងកក់ទី២ ខណ្ឌទួលគោក កាលពីវេលាម៉ោងប្រមាណ ៩ និង២០នាទីព្រឹកថ្ងៃទី ២៥<br /> ខែមីនា ។</p>
<p>យោងតាមប្រភពពីសមត្ថកិច្ច បានឲ្យដឹងថា បុរសរងគ្រោះ មានឈ្មោះ ស៊ុត ថងថាន់<br /> អាយុ៤២ឆ្នាំ ត្រូវជាបងថ្លៃ លោក ពិត បញ្ញា ប្រធានការិយាល័យ ប្រឆាំងបទល្មើស<br />សេដ្ឋកិច្ចរាជធានីភ្នំពេញ។ ការបាញ់ប្រហារ ប្លន់យកលុយ ទាំងថ្ងៃនេះ បណ្តាលឲ្យ<br />ជនរងគ្រោះរងរបួសយ៉ាងធ្ងន់ធ្ងរ ហើយត្រូវបានបញ្ជូនទៅ សង្រ្គោះភ្លាមៗផងដែរ។</p>
<p>ប្រភពបានឲ្យដឹងថា ហេតុការណ៍នេះ បានកើតឡើងខណៈ ដែលជនរងគ្រោះ បាន<br />យកលុយទៅថ្លៃរថយន្ត ដែលទើបនឹងទិញ លុះធ្វើដំណើរដល់កន្លែងកន្លែងកើតហេតុ<br /> ត្រូវក្រុមជនសង្ស័យ ២នាក់ ចេញមក ស្ទាក់បាញ់ និង ឆក់ យកកាបូបលុយទៅបាត់ <br />ដែលក្នុងកាបូបនោះ មានលុយប្រមាណជា ៣ម៉ឺនដុល្លារ។</p>
<p>សេចក្ដីរាយការណ៍បានបន្ដថា ជនសង្ស័យ ដែលធ្វើការបាញ់ ប្រហារ ខាងលើ នេះ <br />មានគ្នា២នាក់ ជិះម៉ូតូស្មាស់ ពណ៌ខ្មៅគ្មានស្លាកលេខ ហើយបច្ចុប្បន្នកម្លាំងនគរបាល<br />ខណ្ឌទួលគោក និងកម្លាំងសមត្ថកិច្ច ជំនាញផ្សេងទៀត ក្រោមការបញ្ជាភ្លាមៗ របស់<br />លោកស្នងការ ជួន សុវណ្ណ និងស្នងការ រង ជួន ណារិន្ទ កំពុងធ្វើការ ស្រាវជ្រាវជា <br />បន្ទាន់ ចំពោះករណីខាងលើនេះ៕</p>
<p style="text-align: right;">ផ្តល់សិទ្ធិដោយ៖ ដើមអម្ពិល</p>
</div>