<p><span style="color: #000000;">ព័ត៌មានអន្តរជាតិ ៖ ក្រោយពីបានដកស្រង់ សេចក្តីរាយការណ៍ ពីប៉ុស្តិ៍ទូរទស្សន៍ CNN- IBN ទំព័រសារ ព័ត៌មានរដ្ឋចិន ស៊ិនហួរ បានចេញផ្សាយអោយដឹងថា ជារួម កង កម្លាំង ប៉ូលីសបម្រុងកណ្តាល ឬ Central Reserve Police Force(CRPF) ចំនួន ១៣ នាក់ត្រូវបានសម្លាប់ដោយការវាយឆ្មក់ពីសំណាក់ ក្រុមសកម្មប្រយុទ្ធ Maoist នៅឯរដ្ឋ Chhattisgarh ភាគ កណ្តាល ប្រទេសឥណ្ឌា អំឡុងថ្ងៃច័ន្ទ ដើម សប្តាហ៍ម្សិលមិញនេះ ។ </span></p>
<p><span style="color: #000000;"><a class="thickbox" title="" href="/FileManager/Commons/2014/12/2/130313034212-india-kashmir-paramilitary-attack-story-top-02-12-2014--09-26-24.jpg"><img src="/FileManager/Articles/mce/2014/12/2/130313034212-india-kashmir-paramilitary-attack-story-top-02-12-2014--09-26-24.jpg" alt="" /></a><br /></span></p>
<p><span style="color: #000000;">សេចក្តីរាយការណ៍ បន្តអោយដឹងថា ការវាយប្រហារលើកនេះគឺជាការវាយប្រហារធំបំផុតប្រចាំឆ្នាំទៅ លើកងកម្លាំង CRPF ។ ជនរងគ្រោះស្លាប់បាត់បង់ជីវិត ក្នុងនោះ រួមមាន ដូចជា មេបញ្ជាការរង និង បញ្ជាការរង នៃកងកម្លាំង CRPF ។ គួររំឮកថា អំឡុងខែមុន ក្រុម សកម្មប្រយុទ្ធ Naxals បានធ្វើការ វាយឆ្មក់ទៅលើក្រុមល្បាត និងបានវាយប្រហារ ឧទ្ធម្ភាគចក្រ កម្លាំង ទ័ពអាកាសឥណ្ឌា Indian Air Force (IAF) ក្នុងនោះ ធ្វើអោយរបួស ក្រុមមន្រ្តីមកពីអង្គភាព CRPF ៦ នាក់ និង កងកុម៉ង់ដូម្នាក់ មក ពី IAF ។ </span></p>
<p><span style="color: #000000;"><a class="thickbox" title="" href="/FileManager/Commons/2014/12/2/pb-130313-kashmir-da-02photoblog600-02-12-2014--09-26-35.jpg"><img src="/FileManager/Articles/mce/2014/12/2/pb-130313-kashmir-da-02photoblog600-02-12-2014--09-26-35.jpg" alt="" /></a><br /></span></p>
<p><span style="color: #000000;">លោក Rajnath Singh រដ្ឋមន្រ្តីប្រទេស ឥណ្ឌាអោយដឹងថាជាសេចក្តីសោកសង្រេងមួយដែលមិនអាច មើលរំលងហើយពួកយើងសូមចូលរួមរំលែកមរណទុក្ខមួយនេះ ក្រោយពី កងកម្លាំង CRPF ១៣ នាក់ ត្រូវបានសម្លាប់ដោយក្រុមសកម្មប្រយុទ្ធ Naxals អំឡុងពេលដែលមាន ការជួបប្រជុំនៅឯរដ្ឋ Chhatti- sgarh ។ </span></p>
<p><span style="color: #000000;">គួររំឮកថា ការវាយប្រហារលើកនេះ គឺជាការវាយប្រហារដំបូង កាច សាហាវជាងគេ វាយឆ្មក់ពីក្រុម សកម្មប្រយុទ្ធ Maoists ក្រោយពីនាយករដ្ឋមន្រ្តី លោក Narendra Modi ចូលកាន់តំណែងចាប់តាំងពី ខែឧសភា ឆ្នាំនេះ ត្រូវបានគេពិចារណាអោយដឹងថា ជាបញ្ហាប្រឈមសម្រាប់រដ្ឋាភិបាលកាន់អំណាច គណបក្ស National Democratic Alliance (NDA) ក្នុងការបង្កើតទំនុកចិត្តសាជាថ្មី ជូនពលរដ្ឋ ជាមួយ នឹងចំណាត់ការ កំទេចចោលនូវក្រុមសកម្មប្រយុទ្ធ ដ៏កាចសាហាវមួយនេះក្រុម Maoist ៕</span></p>
<p style="text-align: right;"><span style="color: #000000;">ប្រែសម្រួល ៖ កុសល</span><br /><span style="color: #000000;">ប្រភព ៖ ស៊ិនហួរ</span></p>