<div class="article-content">
<p><strong>កណ្ដាល ៖</strong> រថយន្ដកាមរីឆ្លាម ១គ្រឿង បានបុករះចូលផ្ទះរបស់ប្រជាពលរដ្ឋ នៅ តាមដងផ្លូវជាតិលេខ ៥ ចន្លោះគីឡូម៉ែត្រ លេខ ២១-២២ ក្នុងភូមិស្លែងដីដុះ ឃុំព្រែក តាទែន ស្រុកពញាឭ ខេត្ដកណ្ដាល បណ្ដាល ឱ្យរងរបួសមនុស្ស ២នាក់ កាលពីវេលា ម៉ោង៩ និង៤០នាទីយប់ថ្ងៃទី១០ ខែមេសា ឆ្នាំ២០១៤ ។</p>
<p>មន្ដ្រីនគរបាលមូលដ្ឋាន បាននិយាយថា នៅវេលាម៉ោងកើតហេតុខាងលើ គេបាន ឃើញរថយន្ដកាមរីឆ្លាម ពណ៌ទឹកប្រាក់ពាក់ ស្លាកលេខភ្នំពេញ 2R-4895 ធ្វើដំណើរតាម ផ្លូវជាតិលេខ៥ លុះមកដល់ចំណុចកើតហេតុ អ្នកបើករថយន្ដទំនងជាងងុយដេក ឬស្រវឹង ស្រា ស្រាប់តែរេចង្កូតបុកចូលសំយ៉ាបផ្ទះ ប្រជាពលរដ្ឋ បណ្ដាលឱ្យរងរបួស ២នាក់ជា ម្ចាស់ផ្ទះ ។</p>
<p>សមត្ថកិច្ចបានឱ្យដឹងថា ជនរងគ្រោះទី១ ឈ្មោះ ឡុង សុភ័ក្ដ្រ ភេទប្រុស អាយុ ៣២ ឆ្នាំ ទី២ ឈ្មោះ លី ច្រឹប ភេទស្រី អាយុ ៣៦ឆ្នាំ ដោយឡែកអ្នកបើករថយន្ដបង្កដែល គេមិនស្គាល់អត្ដសញ្ញា បានរត់គេចខ្លួនបាត់។ ដោយឡែករថយន្ដបង្ក ត្រូវបានសមត្ថកិច្ច យកទៅរក្សាទុក ដើម្បីរង់ចាំការដោះស្រាយ បន្ដទៀត ៕</p>
<p style="text-align: center;"><img title=" " src="http://image.dap-news.com:81/dap-news/dap-images/2014/April/id-067/CH-00552.jpg" alt="" width="550" /></p>
<p style="text-align: center;"><img src="http://image.dap-news.com:81/dap-news/dap-images/2014/April/id-067/CH-00553.jpg" alt="" width="550" /></p>
<p style="text-align: center;"><img src="http://image.dap-news.com:81/dap-news/dap-images/2014/April/id-067/CH-00554.jpg" alt="" width="550" /></p>
<p style="text-align: right;">ផ្តល់សិទ្ធិដោយ៖ ដើមអម្ពិល</p>
</div>