<p><strong>ភ្នំពេញ៖</strong> ថ្មីៗនេះ មានការរិះគន់ និងលើកឡើងចំពោះសកម្មភាព របស់តារាសម្តែងស្រី និយមស្លៀកពាក់ បែបសិចស៊ី កញ្ញា វណ្ណ វល័ក្ខ ថា បាននឹងកំពុងតែប្រជែង យកតំណែង សិចស៊ីពីតារាសម្តែងរៀមច្បង ក្នុងពិភពសិល្បៈ។ ខណៈមុនបន្តិចនេះ ក៏មានការរិះគន់ចំៗ មកលើរូបនាង ជុំវិញការស្លៀកពាក់ខ្លី ខើចលើខើចក្រោម ញ្ចេញភាពសិចស៊ី បង្ហោះលើបណ្តាញ ទំនាក់ទំនងសង្គម Facebook។</p>
<p>ជាការកត់សម្គាល់ នេះមិនមែនជាលើកទី១ទេ ដែលតារាសម្តែង វណ្ណ វល័ក្ខ ស្លៀកពាក់ខើចខ្លី និងបានថតរូប យកមកបង្ហោះ បង្អួតគេឯង ក្នុងទំព័រសង្គមហ្វេសប៊ុកផ្ទាល់ ដើម្បីទាមទារការចាប់អារម្មណ៍ ពីសំណាក់ ទស្សនិកជន អ្នកគាំទ្រ រហូតមានការរិះគន់ដោយចំហរ។ ប៉ុន្តែ វល័ក្ខ បានឆ្លើយតប ចំពោះការរិះគន់នេះវិញថា នាងពុំមានចេតនាផ្គើន មហាជន ឬដើម្បីប្រជែងតំណែងសិចស៊ី ពីនរណាម្នាក់ឡើយ។<br />ផ្តល់សម្ភាសន៍ ដាច់ដោយឡែកមួយ ឲ្យគេហទំព័រ LookingTODAY តាមទូរស័ព្ទកាលពីរសៀលថ្ងៃទី១៣ ខែសីហា ឆ្នាំ២០១៤ តារាសម្តែងចង្កាស្រួចចង្កេះអង្ក្រង វណ្ណ វល័ក្ខ បាននិយាយថា ចំពោះការរិះគន់ទាំងនេះ នាងនឹងយកទៅពិចារណា ដើម្បីកែលំអ បើសិនជាមានមហាជនច្រើន សម្តែងការមិនពេលចិត្ត រាល់ទង្វើ ឬសកម្មភាពផ្សេងៗ នាងនឹងកែប្រែភ្លាមៗ ដើម្បីកុំឲ្យមានសំឡេងរិះគន់ខ្លាំង។<br />តារាសម្តែង វណ្ណ វល័ក្ខ បាននិយាយបន្តថា "ខ្ញុំតែខ្លាចណាស់ ចំពោះរឿងអាស្រូវ កើតឡើងមកលើខ្លួនខ្ញុំ ប៉ុន្តែបើសិនជាបានកើតឡើង មកលើខ្លួនខ្ញុំហើយនោះ ខ្ញុំក៏មិនគេចវេសអ្វីដែរ ជាក់ស្តែងដូចជារឿង ស្លៀកពាក់ខ្លីនេះអ៊ីចឹង បើសិនមានទស្សនិកជន អ្នកគាំទ្រភាគច្រើន មិនពេញចិត្តទេ ខ្ញុំនឹងបញ្ឈប់ត្រឹមហ្នឹង..!។ តែបើពុំមានអ្នករិះគន់ច្រើនទេ ខ្ញុំនៅតែបន្តសកម្មភាព នេះដដែល។ ម្យ៉ាងទៀតខ្ញុំ នឹងពិចារណាកែលម្អទៅលើ សកម្មភាពទាំងឡាយណា ដែលគេមិនពេញចិត្ត ដើម្បីភាពល្អប្រសើរ..!"។</p>
<p>ជាមួយគ្នានេះ វណ្ណ វល័ក្ខ បានបញ្ជាក់ថា នាងនឹងទទួលយករាល់ការរិះគន់ទាំងឡាយ ពីសំណាក់មហាជន ដើម្បីស្ថាបនា បើសិនជាទង្វើណាមួយ នាងបានធ្វើហើយ មើលទៅវាមិនល្អ ហើយមិនសក្តិសមនោះ។ ម្យ៉ាងទៀត បើសិនជាមានការរិះគន់ខ្លាំង ចំពោះការថតរូបស្លៀកពាក់សិចស៊ី ទៀតនោះ នាងនឹងឈប់ថតរូបយកទៅបង្ហោះ លើទំព័រហ្វេសប៊ុក ទៀតហើយ។</p>
<p>តារាសម្តែងជើងថ្មី វណ្ណ វល័ក្ខ មួយរយៈចុងក្រោយនេះ ត្រូវបានគេមើលឃើញថា នាងឧស្សាហ៍ បង្ហោះរូបថត សកម្មភាពរបស់នាង នៅលើបណ្តាញទំនាក់ទំនងសង្គម Facebook ។ ក្នុងនោះភាគច្រើន ជារូប ដែលបង្ហាញពីភាពសិចស៊ី បញ្ចេញសាច់ដងខ្លួន ទាក់ទាញក្រសែភ្នែកបុរសៗ សំឡឹងមើលសម្រស់ ស្បែករបស់នាងមិនដាក់ភ្នែក ៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/August/ID-141/MSP-0336.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/August/ID-141/MSP-0339.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/August/ID-141/MSP-0337.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/August/ID-141/MSP-0338.jpg" alt="" width="600" /></p>
<p style="text-align: right;"><a href="http://lookingtoday.com/index.php/entertainment-general-news/33245-2014-08-14-08-15-22.html" target="_blank">ផ្តល់សិទ្ធដោយ ៖ ដើមអម្ពិល</a></p>