<p>ស្ទើរតែមិនគួរអោយជឿ ៖ យ៉ាងហោចណាស់ ក្រុមចោរចិត្តសឿង ៥ នាក់ ដៃប្រដាប់ទៅដោយកាំ ភ្លើងសឹងតែគ្រប់ដៃនោះ ត្រូវបានរកអោយឃើញថា ហ៊ានហួស ពោលគឺ បានចេញប្រតិបត្តិការធ្វើ សកម្មភាពប្លន់ របស់ខ្លួន ដោយតម្រូវអោយ ក្រុមអ្នកជម្ងឺ ក៏ដូចជា បុគ្គលិក នៅឯមន្ទីរពេទ្យ Norte D'Or នាំគ្នា យកលុយ បណ្តាវត្តុ ក៏ដូចជា របស់របរមានតម្លៃចេញមកក្រៅ មកអោយពួកគេ នេះបើ យោងតាមការដកស្រង់ អត្ថបទសារព័ត៌មាន ទំព័រស្កាយ ។</p>
<p>គួររំឭកផងដែរថា ករណីសកម្មភាពប្លន់ មិនខ្លាចរអាមួយនេះ បានកើតឡើង កាលពីថ្ងៃទី ៣ កន្លង ទៅនេះ នៅឯមន្ទីរពេទ្យ ខាងលើ មានទីតាំងស្ថិតនៅក្នុងក្រុង Rio De Janeiro ប្រទេស ប្រេស៊ីល។ បន្ថែមពីលើនេះ បើតាមការអោយដឹង ពីទីភ្នាក់ងារសារព័ត៌មានក្នុងស្រុក របស់ប្រទេស ប្រេស៊ីល បញ្ជាក់អោយដឹងថា ក្រុមចោរទាំងនោះ មានគ្នា ដល់ទៅ ៥ នាក់ ខណៈ ២ នាក់ ដកកាំភ្លើងធ្វើ សកម្មភាពផ្ជង់ប្លន់ ស្របពេលដែលគ្នាពួកវា ៣ នាក់ផ្សេងទៀត ដើរប្រមូលបណ្តាវត្តុមានតម្លៃពី ក្រុមមនុស្សដែលមានវត្តមាននៅក្នុងមន្ទីរពេទ្យ នាខណៈនោះ ។</p>
<p><a class="thickbox" title="" href="/FileManager/Commons/2014/2/5/robbery-05-02-2014--13-41-52.jpg"><img src="/FileManager/Articles/mce/2014/2/5/robbery-05-02-2014--13-41-52.jpg" alt="" width="486" height="299" /></a></p>
<p>ដោយឡែក បើយោងតាមសម្តី ជនរងគ្រោះម្នាក់ ត្រូវជាអ្នកជម្ងឺមកកាន់មន្ទីរពេទ្យ ដើម្បីយកលទ្ធ ផលពិនិត្យសុខភាពនោះ និយាយអោយដឹងថា ខ្ញុំពិតជាមិនដឹងនិយាយយ៉ាងដូចម្តេចនោះទេ ពី ព្រោះថា បើទោះជានៅក្នុងមន្ទីរពេទ្យក៏ដោយចុះ ក៏នៅតែមិនមានសុខសុវត្តិភាពដែរ។</p>
<p>គួររំឭកផងដែរថា ក្រុមមន្រ្តីសន្តិសុខ ប្រចាំមន្ទីរពេទ្យ ត្រូវបានរកអោយឃើញថា ក្រុមចោរទាំង នោះផ្ជង់អោយទម្លាក់អាវុធចុះ ខណៈពួកគេ ពិតជាមិនអាចធ្វើអ្វីកើត ក្រៅតែអំពីឈរមើល ។ ដោយឡែក មកទល់នឹងខណៈនេះ មន្រ្តីមានសមត្តកិច្ច ក៏កំពុងតែធ្វើការតាមដានស៊ើបអង្កេត ដើម្បីឈានទៅដល់ការចាប់ឃាត់ខ្លួន ក្រុមចោរទាំង ៥ នាក់ ខាងលើ បន្ទាប់ពីពួកគេបានរត់គេច ខ្លួនបានសម្រេច ក្រោយពីចេញធ្វើសកម្មភាព ។ ខាងក្រោមជាវីដេអូ ជ្រាបកាន់តែច្បាស់ តាមដាន ទស្សនាបន្តិចទៅ ៖</p>
<p><object width="484" height="415" data="http://www.youtube.com/v/inK3H3tstV4&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/inK3H3tstV4&rel=1" /></object></p>
<p style="text-align: right;">ប្រែសម្រួល ៖ កុសល<br />ប្រភព ៖ ស្កាយ</p>