<p><strong>ភ្នំពេញ៖</strong> លោក គឹម គុណវឌ្ឍ អគ្គនាយកទូរទស្សន៍ជាតិកម្ពុជា បានឲ្យដឹងនៅថ្ងៃទី១៩ ខែសីហា នេះតាមរយៈ Facebook របស់លោកថា ពិធីបុណ្យអុំទូក បណ្តែតប្រទីប អកអំបុក និង សំពះព្រះខែឆ្នាំនេះ នឹងត្រូវប្រារព្ធធ្វើឡើងវិញ ចំថ្ងៃទី៥-៦-៧ ខែវិច្ឆកា ។</p>
<p>លោក គឹម គុណវឌ្ឍ បានសរសេរថា «ជូនដំណឹងពីចម្ងាយបន្តិចហើយ : " ព្រះរាជពិធីបុណ្យអុំទូក បណ្តែតប្រទីប សំពះព្រះខែ អកអំបុក ឆ្នាំ ២០១៤ ប្រព្រឹត្តទៅរយ:ពេល ៣ ថ្ងៃ គឺត្រូវនឹងថ្ងៃទី ៥ ទី៦ និងទី ៧ ខែ វិច្ឆិកា ឆ្នាំ ២០១៤ នៅតាមដងទន្លេសាប មុខព្រះបរមរាជវាំង" ។ គ្រប់ខេត្ត រាជធានី ត្រូវធ្វើការហ្វឹកហាត់ និងជ្រើសរើសទូក"ង" ទូក"ចែវ" ណាមានចំណុះចាប់ពី ១៨ ខ្ទង់ឡើងទៅ និងមានល្បឿនលឿន និងមានលក្ខណ:សមស្រប ។រាជធានី និងខេត្ត ត្រូវចាត់ចំណាត់ថ្នាក់ តាមលំដាប់លំដោយ ប្រភេទទូកលឿន មធ្យម និងទូកគូពិសេស ដើម្បីងាយស្រួលគណ:មេប្រយោគ ផ្គូរផ្គងទូកនីមួយៗ សូមជ្រាប ។ ខ្ញុំជឿជាក់ថា ទូករបស់វត្ត ទូករបស់ខេត្ត រាជធានី និងទូករបស់អង្គភាព ពិតជាត្រៀមរៀបចំពីពេលនេះទៅហើយ ។ រីឯប្រទីបគឺមាន ៩ គឺប្រទីបព្រះបរមរាជវាំង, ព្រឹទ្ធសភា,រដ្ឋសភា,រាជរដ្ឋាភិបាល,ក្រសួងការពារ ជាតិ,ក្រសួងមហាផ្ទៃ,ក្រសួងទេសចរណ៏ និងប្រទីបសាលារាជធានីភ្នំពេញ» ។</p>
<p>គួរជម្រាបថា ព្រះរាជពិធីបុណ្យអុំទូក បណ្តែតប្រទីប អកអំបុក និងសំពះព្រះខែ ខានបានប្រារព្ធ អស់រយៈពេល ៣ឆ្នាំមកហើយ ដោយឆ្នាំ២០១១ ត្រូវកាន់ទុក្ខដល់អ្នកស្លាប់ជាង ៣០០នាក់ ក្នុងហេតុការណ៍រត់ជាន់គ្នា នៅកោះពេជ្រ និងឆ្នាំ២០១២-២០១៣ ត្រូវលុបចោល ដោយសារបញ្ហា គ្រោះធម្មជាតិទឹកជំនន់ ៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/August/id-140/hour-252.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/August/id-140/hour-253.jpg" alt="" width="600" /></p>
<p style="text-align: right;"><a href="http://www.lookingtoday.com/index.php/entertainment-general-news/33365-2014-08-19-05-20-10.html" target="_blank">ផ្តល់សិទ្ធដោយ ៖ ដើមអម្ពិល</a></p>