<p>យើងទាំងអស់គ្នា បានដឹងហើយថា នៅក្នុងខែ កញ្ញា ខាងមុខនេះ គឺជាខែមួយ ដែលក្រុមហ៊ុន<br />ផលិតស្មាតហ្វូនធំៗមួយចំនួន បានត្រៀមខ្លួន បញ្ចេញនូវស្មាតហ្វូន លំដាប់កំពូលរបស់ខ្លួន <br />ដើម្បីដណ្តើមយក ការចាប់អារម្មណ៍ ពីសំណាក់អ្នកប្រើប្រាស់ ជាពិសេសអ្នកដែលចូលចិត្ត<br />ដេញស៊េរី ប្រើស្មាតហ្វូនថ្មីៗ ទំនើបៗ។</p>
<p>ក្រៅពីកំពូលស្មាតហ្វូន ថ្មីពីរស៊េរីរបស់ Apple តើនៅក្នុងខែ កញ្ញា ខាងមុខនេះ នឹងមាន ស្មាត<br />ហ្វូន លំដាប់កំពូល ណាខ្លះទៀត ដែលនឹងបង្ហាញខ្លួន នៅក្នុងខែនោះដែរ? តាមដានជាមួយ<br />គេហទំព័រ Camnews ដូចខាងក្រោមនេះ ៖</p>
<p><strong>Samsung Galaxy Note III</strong></p>
<p><a class="thickbox" title="" href="/FileManager/Commons/2013/8/29/note-3-1377484753-001-1377749844-29-08-2013--15-00-51.jpg"><img src="/FileManager/Articles/mce/2013/8/29/note-3-1377484753-001-1377749844-29-08-2013--15-00-51.jpg" alt="" /></a></p>
<p>Galaxy Note ជំនាន់ថ្មីរបស់ Samsung នេះ ត្រូវបានគេរំពឹងថា នឹងក្លាយទៅជា ស្មាតហ្វូន លំដាប់<br />លើគេរបស់ Samsung នៅពេលវាបង្ហាញខ្លួន។ Note III នឹងធ្វើការបង្ហាញខ្លួននៅថ្ងៃទី ៤ ខែកញ្ញា<br />ខាងមុខនេះ ក្នុងព្រឹត្តិការណ៍ Mobile Unpacked Episode 2 របស់ Samsung ដែលនឹងធ្វើនៅទីក្រុង<br />ប៊ែរឡាំង ប្រទេសអាឡឺម៉ង់។</p>
<p><strong>Sony Xperia Z One</strong></p>
<p><a class="thickbox" title="" href="/FileManager/Commons/2013/8/29/honami-z1-2013-08-27-003-1377749844-29-08-2013--15-04-03.jpg"><img src="/FileManager/Articles/mce/2013/8/29/honami-z1-2013-08-27-003-1377749844-29-08-2013--15-04-03.jpg" alt="" /></a></p>
<p>Sony Xperia Z One ដែលត្រូវបានគេហៅម៉្យាងទៀតថា Honami គឺជា Version ពង្រីកធំរបស់<br />ស្មាតហ្វូនមិនជ្រាបទឹក Xperia Z ប៉ុន្តែវាត្រូវបានបំពាក់នូវកាមេរ៉ាទំហំធំ 20,7 megapixel ជាមួយ<br />កាណុង G ដែលសន្យាថានឹងថតរូបភាព បានច្បាស់ល្អ។ វានឹងធ្វើការបង្ហាញខ្លួន នៅកន្លែង និង<br />ថ្ងៃតែមួយ (៤ កញ្ញា) ដូចនឹង Note III ដែរ។</p>
<p><strong>HTC One Max</strong></p>
<p><a class="thickbox" title="" href="/FileManager/Commons/2013/8/29/htc-one-mini-htc-one-max-001-1377749846-29-08-2013--15-09-33.jpg"><img src="/FileManager/Articles/mce/2013/8/29/htc-one-mini-htc-one-max-001-1377749846-29-08-2013--15-09-33.jpg" alt="" /></a></p>
<p>HTC One Max គឺជាម៉ូដែលស្មាតហ្វូន ពង្រីកធំពី HTC One ជាមួយនឹងការរចនាម៉ូតស្រដៀងគ្នា។<br />តាមព័ត៌មានចចាមអារាម One Max នឹងបំពាក់នូវអេក្រង់ទំហំ 5,9 inch។ វាត្រូវបាន HTC ផលិត<br />ឡើងដើម្បីធ្វើការប្រកួតប្រជែង ជាមួយនឹង ស្មាតហ្វូន Note III របស់ Samsung ពេលវាបង្ហាញ<br />ខ្លួន។</p>
<p><strong>Apple iPhone 5S</strong></p>
<p><a class="thickbox" title="" href="/FileManager/Commons/2013/8/29/iphone-5s-champagner-gold-003-1377749846-29-08-2013--15-13-42.jpg"><img src="/FileManager/Articles/mce/2013/8/29/iphone-5s-champagner-gold-003-1377749846-29-08-2013--15-13-42.jpg" alt="" /></a></p>
<p>iPhone 5S គឺជាស្មាតហ្វូនជំនាន់ថ្មីរបស់ Apple ដែលត្រូវបានអ្នកប្រើប្រាស់ ជាពិសេស iFan <br />ទន្ទឹមរង់ចាំ ចង់ឃើញវាបង្ហាញខ្លួនជាងគេ។ តាមប្រភពព័ត៌មានចចាមអារាមកាលពីពេលកន្លង<br />មក iPhone 5S មិនមានអ្វីផ្លាស់ប្តូរច្រើនទេស្តីពីការរចនាម៉ូត ខាងក្រៅ ប៉ុន្តែវាមានការអាប់ហ្រេដ<br />ផ្នែកខាងក្នុង (Hardware) មួយចំនួន ហើយអាចមានបន្ថែមពីរពណ៌ ផ្សេងទៀត ពីលើពណ៌ខ្មៅ <br />និងស គឺពណ៌មាស (លឿងដូចស្រាសំប៉ាញ) និងពណ៌ប្រផេះ។ iPhone 5S ត្រូវបានគេសន្និដ្ឋាន<br />ថា នឹងបង្ហាញខ្លួននៅថ្ងៃទី ១០ ខែកញ្ញា ខាងមុខនេះ។</p>
<p><strong>Apple iPhone 5C</strong></p>
<p><a class="thickbox" title="" href="/FileManager/Commons/2013/8/29/iphone-5c-all-colors-001-1377749846-29-08-2013--15-19-23.jpg"><img src="/FileManager/Articles/mce/2013/8/29/iphone-5c-all-colors-001-1377749846-29-08-2013--15-19-23.jpg" alt="" /></a></p>
<p>iPhone 5C ក៏ជាផលិតផលមួយរបស់ Apple ដែលកំពុងត្រូវបានអ្នកប្រើប្រាស់ស្មាតហ្វូន មានការ<br />ចាប់អារម្មណ៍ច្រើនផងដែរ។ iPhone 5C គឺស្មាតហ្វូនតំលៃទាបរបស់ Apple ដែលមានសំបកធ្វើពី<br />ជ័រ ហើយមានលក្ខណៈពិសេសៗ ប្រហាក់ប្រហែលនឹង iPhone 5 ដែលត្រូវបានគេសន្និដ្ឋានថា<br />វាផលិតឡើងដើម្បីជំនួសកន្លែង iPhone 5 (Apple អាចឈប់ផលិត iPhone 5 នៅពេល iPhone<br />5C បង្ហាញខ្លួននៅលើទីផ្សារ)។ iPhone 5C ត្រូវបានគេដឹងថា វានឹងធ្វើការបង្ហាញខ្លួន រួមពេលជា<br />មួយ iPhone 5S ផងដែរ។</p>
<p><strong>Nokia Lumia 1520 Bandit</strong></p>
<p><a class="thickbox" title="" href="/FileManager/Commons/2013/8/29/nokia-lumia-1520-1377749847-29-08-2013--15-24-20.jpg"><img src="/FileManager/Articles/mce/2013/8/29/nokia-lumia-1520-1377749847-29-08-2013--15-24-20.jpg" alt="" /></a></p>
<p>នេះគឺជាស្មាតហ្វូន កាត់ Tablet ប្រើ Window Phone ស៊េរីថ្មីរបស់ Nokia ដែលស្ថិតក្នុងត្រកូល<br />Lumia នឹងមានអេក្រង់ធំរហូតដល់ 6 inch។ Nokia Lumia 1520 ត្រូវបានគេដឹងថា វានឹងបំពាក់<br />នូវ CPU Quad Core ដំបូងគេរបស់ Nokia ជាមួយនឹងអេក្រង់ Full HD ។ Lumia 1520 ត្រូវបាន<br />គេសន្និដ្ឋានថានឹងធ្វើការបង្ហាញខ្លួន នៅទីក្រុង ញូយ៉ក ថ្ងៃទី ២៦ និង ២៧ ខែកញ្ញា ខាងមុខនេះ។</p>
<p>តើក្នុងចំណោមបណ្តាកំពូល ស្មាតហ្វូនទាំងអស់ ខាងលើនេះ តើកំពូលស្មាតហ្វូនណាខ្លះ ដែល<br />ប្រិយមិត្ត ចង់ឃើញបង្ហាញខ្លួនជាងគេ នៅក្នុងខែ កញ្ញា ខាងមុខនេះ?</p>
<p><span style="color: #333333;">តាមដានព័ត៌មានស្តីពីបច្ចេកវិទ្យាថ្មីៗ គួរឲ្យចាប់អារម្មណ៍ជាច្រើនទៀត <strong><span style="color: #0000ff;"><a href="/News/Category/45/hightech"><span style="color: #0000ff;">សូមចុចត្រង់នេះ</span></a></span></strong> !!!</span></p>
<p style="text-align: right;">ដោយ៖ សិលា<br />ប្រភព៖ VExpress</p>