<div class="article-content">
<p><strong>ភ្នំពេញ៖</strong> ក្រសួងព័ត៌មានបានអនុញ្ញាតឲ្យវិទ្យុ FM ក្នុងស្រុក អាចផ្សាយបន្តពីវិទ្យុបរទេស ដែល<br />ផ្សាយជា ខេមរភាសាឡើងវិញហើយ នៅរសៀលថ្ងៃទី២៩ ខែមិថុនា នេះ។ ការអនុញ្ញាតនេះ បាន<br />ធ្វើឡើង រយៈពេលតែមួយថ្ងៃ ប៉ុណ្ណោះ ក្រោយពីក្រសួងព័ត៌មាន បានចេញលិខិតហាមការផ្សាយ<br />បន្ត កាលពីថ្ងៃទី២៨ មិថុនា ម្សិលមិញ។</p>
<p>យោងតាមការជូនដំណឹងរបស់ទូរទស្សន៍ជាតិនៅវេលាយប់ថ្ងៃទី២៩ ខែមិថុនា ឆ្នាំ២០១៣ បានឲ្យ<br />ដឹងថា ក្រសួងព័ត៌មាន បានចេញលិខិតមួយច្បាប់ ដែលចុះហត្ថលេខា ផ្ទាល់ ដោយលោករដ្ឋមន្រ្តី<br />ក្រសួងព័ត៌មាន ខៀវ កាញ្ញារីទ្ធ អនុញ្ញាតឲ្យវិទ្យុ FM ក្នុងស្រុកទាំងអស់ មានសិទ្ធិជួលម៉ោង និងអាច<br />ផ្សាយបន្តពីវិទ្យុបរទេសផ្សាយ ជាខេមរ ភាសាឡើង វិញហើយ។ តែការផ្សាយនេះ ត្រូវគោរពតាម<br />ការណែនាំរបស់ក្រសួងព័ត៌មានក្នុងលិខិតលេខ ៤ ព.ម សណន ចុះថ្ងៃទី២១ ខែមិថុនា ឆ្នាំ២០១៣។</p>
<p>ពាក់ព័ន្ធការអនុញ្ញាតឲ្យផ្សាយឡើងវិញនេះ លោក គឹម គុណវឌ្ឍ អគ្គនាយកទូរទស្សន៍ ក៏បានបញ្ជាក់<br />ប្រាប់មជ្ឈមណ្ឌលព័ត៌មានដើមអម្ពិលនៅយប់ថ្ងៃទី២៩ ខែមិថុនា ក្រសួងព័ត៌មាន ពិតជាបានអនុញ្ញាត<br />ឲ្យវិទ្យុ FM នៅកម្ពុជា ចាក់ផ្សាយបន្តពីវិទ្យុបរទេស ជាខេមរភាសាឡើងវិញហើយ។</p>
<p>ក្រសួងព័ត៌មានកាលពីថ្ងៃទី២៥ ខែមិថុនា តាមរយៈលិខិតណែនាំមួយច្បាប់ ចុះហត្ថលេខាដោយ <br />លោក អ៊ុក ប្រាថ្នា រដ្ឋលេខាធិការក្រសួងព័ត៌មាន បានហាមរាល់វិទ្យុ FM ក្នុងស្រុកទាំងអស់ ចាក់<br />ផ្សាយបន្តវិទ្យុ បរទេស ដែលផ្សាយជាខេមរភាសា រយៈពេល ៣១ថ្ងៃ ក្នុងអំឡុងពេលនៃយុទ្ធនាការ<br />ឃោសនារកសំឡេង ឆ្នោត ក៏ដូចជាថ្ងៃ បោះឆ្នោត ជ្រើសតាំងតំណាងរាស្រ្តនីតិកាលទី៥នេះ។</p>
<p>សេចក្តីណែនាំរបស់ក្រសួងព័ត៌មាន ត្រូវបានបណ្តាញព័ត៌មានក្នុងស្រុកទាំងអស់ មានការចាប់អា-<br />រម្មណ៍យ៉ាងខ្លាំង និងផ្សាយយ៉ាងផុលផុសកាលពីថ្ងៃទី២៨ ខែមិថុនា ម្សិលមិញនេះ។ លិខិតហាម<br />ប្រាមមួយច្បាប់នេះ បានធ្វើឲ្យមាន ការរិះគន់យ៉ាងខ្លាំង ពីសាធារណជនទូទៅ ជាពិសេសមន្រ្តី<br />ស្ថានទូតអាម៉េរិក មានប្រតិកម្មបន្ទាន់ ព្រមទាំងចាត់ទុក ថា ជាបំបិទ និងរំលោភយ៉ាងធ្ងន់ធ្ងរទៅ<br />លើសិទ្ធិសេរីភាព នៃការបញ្ចេញមតិនៅកម្ពុជា ដែលរាជរដ្ឋាភិបាលកម្ពុជា ខំថែរក្សាបានជាច្រើន<br />ឆ្នាំមក ហើយនោះ។</p>
<p>ពាក់ព័ន្ធនិងការហាមការផ្សាយបន្តនេះ លោក ខៀវ កាញ្ញារីទ្ធ នៅព្រឹកថ្ងៃទី២៩ ខែមិថុនា តាមរយៈ<br />គេហទំព័រហ្វេសប៊ុក របស់លោក បានបញ្ជាក់ថា លោកមិនបានដឹង នោះទេ ពាក់ព័ន្ធការចេញលិខិត<br />មួយច្បាប់នេះ ព្រោះថ្ងៃទី២៥ មិថុនា ថ្ងៃដែលចេញលិខិតហាមនេះ ជាថ្ងៃដែលរូបលោកកំពុងចុះ<br />ពង្រឹងការងារ ជូនគណបក្សប្រជាជន កម្ពុជា នៅឯខេត្តកំពង់ចាម។</p>
<p>បន្ទាប់ពីប្រតិកម្មដ៏ច្រើននេះ មួយថ្ងៃបន្ទាប់ ពោលនៅថ្ងៃទី២៩ ខែមិថុនា ក្រសួងបានចេញលិខិតអនុ-<br />ញ្ញាតឲ្យវិទ្យុ FM ចាក់ផ្សាយបន្តវិទ្យុបរទេសជាខេមរភាសាឡើងវិញ ហើយ តែគ្រប់ស្ថានីយ៍ទាំងអស់<br /> ត្រូវគោរពតាមបទបញ្ជា ក៏ដូចជាការណែនាំរបស់ក្រសួងព័ត៌មាន ដែលបានចេញក្នុងលិខិតលេខ <br />៤ ព.ម សណន ចុះ ថ្ងៃទី២១ ខែមិថុនា ឆ្នាំ២០១៣។</p>
<p>ក្នុងលិខិតលេខ ៤ ព.ម សណន ដែលចុះហត្ថលេខាផ្ទាល់ដោយលោករដ្ឋមន្រ្តី ខៀវ កាញារីទ្ធ បាន<br />ណែនាំថា ដើម្បីធ្វើឲ្យការបោះឆ្នោតជ្រើសតាំងតំណាងរាស្រ្ត នីតិកាលពីទី៥ ប្រព្រឹត្តទៅបានល្អប្រ<br />សើរ និងស្របតាមគោល ការណ៍លទ្ធិប្រជាធិបតេយ្យនោះ ប្រព័ន្ធផ្សព្វផ្សាយទាំងអស់ ត្រូវយកចិត្ត<br />ទុកដាក់អនុវត្តឲ្យបាន ល្អតាមបទបញ្ជា និងនីតិវិធីសម្រាប់ការបោះឆ្នោតជ្រើសតាំងតំណាងរាស្រ្ត របស់គណៈកម្មាធិការជាតិរៀបចំការបោះឆ្នោត។</p>
<p>តាមលិខិតនេះ ក្រសួងក៏បានហាមរាល់ការផ្សព្វផ្សាយ ដែលមានចែងក្នុងបទបញ្ជា និងនីតិវិធីសំ<br />រាប់ការបោះ ឆ្នោត និងត្រូវបញ្ឈប់ការផ្សព្វផ្សាយ និងការផ្សាយបន្តពី បរទេសអំពីការស្ទង់មតិ លទ្ធ<br />ផល នៃការស្ទង់មតិ ដែល ទាក់ទងនិងដំណើរការបោះឆ្នោត ក្នុងរយៈពេល៥ថ្ងៃមុនពេលបោះឆ្នោត<br /> និងថ្ងៃបោះឆ្នោត។</p>
<p>ក្រសួងក៏បានហាមផងដែរ នូវការផ្សព្វផ្សាយពីសកម្មភាពឃោសនាបោះឆ្នោតអំឡុងពេល ២៤ម៉ោង<br /> មុនថ្ងៃបោះ ឆ្នោត និងថ្ងៃបោះឆ្នោត។</p>
<p>ការអនុញ្ញាតឲ្យផ្សាយបន្តពីវិទ្យុបរទេសជាខេមរភាសាឡើងវិញនេះ ត្រូវបានសាធារណជនទូទៅ<br />សម្តែងការសាទរយ៉ាងខ្លាំង ហើយក៏ជាការសម្តែងឲ្យឃើញពីការគោរពនូវ សិទ្ធិសេរីភាព នៃការ<br />បញ្ចេញមតិរបស់កម្ពុជា ដូចដែលកម្ពុជាបានអនុវត្តដ៏ខ្ជាប់ខ្ជួន និងបានល្អប្រសើរតាំងពីដើមមក<br />នោះ៕</p>
<p style="text-align: center;"><img src="http://image.dap-news.com:81/dap-news/dap-images/2013/June/id-009/S-284.jpg" alt="Photo by DAP-NEWS" width="550" /></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>
</div>