<p><span style="color: #000000;"><strong>កំពង់ចាម ៖</strong> ក្រៅពីការ បំពេញភារកិច្ច បង្ក្រាបបទល្មើស និងចុះល្បាត ពង្រឹងសន្ដិសុខ នៅតាមមូល ដ្ឋាននោះ នគរបាល ខេត្ដកំពង់ចាម បានឆ្លៀតពេលបើកវគ្គហ្វឹកហ្វឺន បាញ់គ្រាប់ពិត ក៏ដូចជាការហាត់ ក្បាច់គុន ដើម្បីពង្រឹងសមត្ថកិច្ច កាន់តែខ្លាំងឡើងនៅ ក្នុងការងាររបស់ខ្លួន ជាកងកម្លាំងប្រដាប់អាវុធ ។</span></p>
<p><span style="color: #000000;">ជាក់ស្ដែងនៅព្រឹកថ្ងៃទី៥ ខែមីនា ឆ្នាំ ២០១៥នេះ ស្នងការនគរបាល ខេត្ដកំពង់ចាម លោកឧត្ដម សេនីយ៍បែន រត្ន័ បានដឹកនាំកម្លាំង នគរបាលជាច្រើននាក់ ចូលរួមការហ្វឹកហាត់ជំនាញ នៃការបាញ់គ្រាប់ ពិតទាំងនគរបាលបុរស និងនគរបាលស្ដ្រី ពីព្រោះការងារនេះ ក្នុងនាមជាកម្លាំងប្រដាប់អាវុធ ត្រូវតែចេះ និងអាចធ្វើបាន ពោលមិនមែនគ្រាន់តែពាក់ស័ក្ដិ មានឈ្មោះ ជានគរបាល អត់ចេះប្រើប្រាស់កាំភ្លើង។</span></p>
<p><span style="color: #000000;">លោកឧត្ដមសេនីយ៍ស្នងការបានបញ្ជាក់ ថា“ការហ្វឹកហាត់ក្បាច់គុន ជាកត្ដាមួយដែល នគរបាល គ្រប់រូបត្រូវតែចេះ ប៉ុន្ដែទន្ទឹមនឹង នោះ បច្ចេកទេសក្នុងការប្រើប្រាស់អាវុធ ក៏ជាកត្ដាមួយចាំបាច់ផងដែរ ។ វគ្គហ្វឹកហ្វឺន ជំនាញ របស់កងកម្លាំងនគរបាលខេត្ដកំពង់ចាម បានចាប់ផ្ដើមសិក្សាលើបច្ចេកទេសអាវុធ បច្ចេកទេសនៃការតម្រង់និងវិធីសាស្ដ្រនៃការ បាញ់ ដើម្បីឱ្យចំគោលដៅ” ។</span></p>
<p><span style="color: #000000;">លោកឧត្ដមសេនីយ៍បែន រត្ន័ បានអះអាង ទៀតថា ការងារហ្វឹកហ្វឺន ដល់កងកម្លាំងនគរបាល របស់ខ្លួន ទាំងបុរស ទាំងស្ដ្រី លោកនឹងបន្ដរៀបចំធ្វើ ដើម្បីបង្កើនសមត្ថភាពចំណេះដឹង សមត្ថភាពជំនាញ ពិតប្រាកដ ក្នុងការអនុវត្ដ ការងារប្រចាំថ្ងៃ ក៏ដូចជាអាច ទប់ទល់ទៅនឹងសភាពការណ៍ នានា ជាពិសេសលើការ បង្ក្រាបបទល្មើសជាដើម៕</span></p>
<p><span style="color: #000000;"><a class="thickbox" title="" href="/FileManager/Commons/2015/3/5/3-5-2015-2-41-25-pm-05-03-2015--14-46-38.png"><img src="/FileManager/Articles/mce/2015/3/5/3-5-2015-2-41-25-pm-05-03-2015--14-46-38.png" alt="" /></a></span></p>
<p><a class="thickbox" title="" href="/FileManager/Commons/2015/3/5/3-5-2015-2-41-40-pm-05-03-2015--14-46-54.png"><img src="/FileManager/Articles/mce/2015/3/5/3-5-2015-2-41-40-pm-05-03-2015--14-46-54.png" alt="" /></a></p>
<p><a class="thickbox" title="" href="/FileManager/Commons/2015/3/5/3-5-2015-2-41-58-pm-05-03-2015--14-47-07.png"><img src="/FileManager/Articles/mce/2015/3/5/3-5-2015-2-41-58-pm-05-03-2015--14-47-07.png" alt="" /></a></p>
<p><a class="thickbox" title="" href="/FileManager/Commons/2015/3/5/3-5-2015-2-42-11-pm-05-03-2015--14-47-18.png"><img src="/FileManager/Articles/mce/2015/3/5/3-5-2015-2-42-11-pm-05-03-2015--14-47-18.png" alt="" /></a></p>
<p><span style="color: #000000;"><a class="thickbox" title="" href="/FileManager/Commons/2015/3/5/3-5-2015-2-42-29-pm-05-03-2015--14-47-50.png"><img src="/FileManager/Articles/mce/2015/3/5/3-5-2015-2-42-29-pm-05-03-2015--14-47-50.png" alt="" /></a></span></p>
<p style="text-align: right;"><span>ផ្ដល់សិទ្ធដោយ៖ ដើមអម្ពិល</span><span style="color: #000000;"><br /></span></p>