<p>រូបភាពរបស់បណ្ដាតារាម៉ូដែលព្រលែងសុដន់ ឬអាក្រាកាយនៅលើឆាកសម្ដែង មិនមែនជារឿងចម្លែក ឬកម្រទៀតនោះទេ នៅពេលដែលក្រុមអ្នកបង្កើតម៉ូដ បានរត់ប្រណាំងគ្នាដើម្បីបង្កចំណាប់អារម្មណ៍ដល់សាធារណជន តាមរយៈប្រព័ន្ធផ្សព្វផ្សាយ។<br /><br />ដើម្បីទទួលបានការយកចិត្តទុកដាក់ពីមនុស្សទូទៅ ក្រុមហ៊ុនសម្លៀកបំពាក់ធំៗ មិនតិចនោះទេ ដែលបានចំណាយប្រាក់រាប់លានដុល្លារអាមេរិក សម្រាប់សកម្មភាពមុនពេលឡើងឆាក ចាប់ពីការអញ្ជើញតារាលំដាប់លេខមួយ រហូតដល់ការតុបតែងឆាកប្រកបដោយភាពប្លែកភ្នែក។ ក្រៅពីវិធីទាក់ទាញដែលត្រូវចំណាយច្រើននេះ ក្រុមអ្នកបង្កើតម៉ូដសម្លៀកបំពាក់ ក៏បានបង្កចំណាប់អារម្មណ៍ ដោយការឱ្យតារាម៉ូដែល អាក្រាតកាយបង្ហាញម៉ូដនៅលើឆាក។<br /><br />ខាងក្រោមនេះគឺជាឆាកបង្ហាញម៉ូដែលមួយចំនួន ដែលបានប្រើប្រាស់វិធីអាក្រាត ដើម្បីទាក់ទាញសាធារណជន ៖<br /><br /><strong>ឆាក Ria Keburia ៖ រដូវផ្ការីក និងរដូវក្ដៅ ២០១៣</strong></p>
<p style="text-align: center;"><strong><a class="thickbox" title="" href="/FileManager/Commons/2013/10/5/catwalk-model-strips-naked-on-runway1-05-10-2013--11-59-14.jpg"><img src="/FileManager/Articles/mce/2013/10/5/catwalk-model-strips-naked-on-runway1-05-10-2013--11-59-14.jpg" alt="" /></a><br /></strong></p>
<p style="text-align: center;"><em>តារាម៉ូដែលយកដៃបិទសុដន់ ក្នុងពេលបង្ហាញម៉ូដនៅលើឆាក Ria Keburia ក្នុងព្រឹត្តិការណ៍បង្ហាញម៉ូដ Moscow រដូវផ្ការីក និងរដូវក្ដៅ ឆ្នាំ ២០១៣</em></p>
<p>ទស្សនិកជនទាំងឡាយ មានការភ្ញាក់ផ្អើលជាខ្លាំង នៅពេលចូលរួមព្រឹត្តិការណ៍បង្ហាញម៉ូដ Moscow រដូវផ្ការីក និងរដូវក្ដៅ ឆ្នាំ ២០១៣ ដោយសារតែតារាបង្ហាញម៉ូដជាច្រើន បានអាក្រាតល្វែងលើ ចេញមកបង្ហាញខ្លួន ម្ដងម្នាក់ៗ នៅលើឆាក Ria Keburia ។ គោលបំណងរបស់អ្នករចនាម៉ូដ គឺដើម្បីឧទ្ទេសនាមនូវសំពត់ដែលមានរចនារូបរាងយ៉ាងចម្លែក ប្រកបដោយភាពច្នៃប្រឌិត។ ប៉ុន្ដែ ការយកដៃបាំងសុដន់ គឺជាប្រការទាក់ទាញក្រសែភ្នែក ជាងការអាក្រាតទាំងស្រុង។<br /><br /><strong>ឆាក Marc Jacobs ៖ រដូវរំហើយ និងរដូវរងា ឆ្នាំ ២០១៣</strong></p>
<p style="text-align: center;"><strong><a class="thickbox" title="" href="/FileManager/Commons/2013/10/5/catwalk-model-strips-naked-on-runway2-05-10-2013--12-04-13.jpg"><img src="/FileManager/Articles/mce/2013/10/5/catwalk-model-strips-naked-on-runway2-05-10-2013--12-04-13.jpg" alt="" /></a><br /></strong></p>
<p style="text-align: center;"><em> Lily McMenamy នៅលើឆាកបង្ហាញម៉ូដ Marc Jacobs</em></p>
<p>កម្រងម៉ូដែលសម្លៀកបំពាក់រដូវរំហើយ និងរដូវរងា ឆ្នាំ ២០១៣ របស់ Marc Jacobs ក៏បានបង្កឱ្យមានការចាប់អារម្មណ៍ជាខ្លាំង នៅពេលមានវត្តមានរបស់កំពូលតារាបង្ហាញម៉ូដ កើតឆ្នាំ ១៩៩៤ នាង Lily McMenamy ។ នៅលើរាងកាយរបស់នាង មានតែខោរឹបគូទវែង ស្រោមដៃ និងស្បែកតែប៉ុណ្ណោះ។ បើទោះជាត្រូវព្រលែងខ្លួន ប៉ុន្ដែកូនស្រីរបស់កំពូលតារាបង្ហាញម៉ូដ Kristen McMenamy នៅតែបង្ហាញភាពជឿជាក់ នៅលើឆាកសម្ដែង។<br /> <br /><strong>ឆាកបង្ហាញម៉ូដ Pam Hogg ៖ រដូវរំហើយ និងរដូវរងា ឆ្នាំ ២០១៣</strong></p>
<p style="text-align: center;"><strong><a class="thickbox" title="" href="/FileManager/Commons/2013/10/5/catwalk-model-strips-naked-on-runway3-05-10-2013--12-05-25.jpg"><img src="/FileManager/Articles/mce/2013/10/5/catwalk-model-strips-naked-on-runway3-05-10-2013--12-05-25.jpg" alt="" /></a><br /></strong></p>
<p>ការសម្ដែងរបស់ក្រុម Pam Hogg ក្នុងព្រឹត្តិការណ៍បង្ហាញក្រុង London រដូវរំហើយ និងរដូវរងា ឆ្នាំ គេឃើញបណ្ដាតារាបង្ហាញម៉ូដ បានសម្ដែងបង្ហាញនូវសម្លៀកបំពាក់យ៉ាងច្នៃប្រឌិត។ Pam Hogg បានយកចិត្តទុកដាក់ទៅលើក្រណាត់ស្ដើងៗ ដើម្បីបង្ហាញសម្រស់របស់អ្នកប្រើប្រាស់។ ក្រៅពីឈុតសម្លៀកបំពាក់ព្រលែងសុដន់ ក៏មានម៉ូដែលសម្លៀកបំពាក់មួយចំនួន តម្រូវឱ្យអ្នកបង្ហាញម៉ូដ ត្រូវអាក្រាតកាយផងដែរ។<br /><br /><strong>House Blue Eyes រដូវផ្ការីក និងរដូវក្ដៅ ២០០៩</strong></p>
<p style="text-align: center;"><strong><a class="thickbox" title="" href="/FileManager/Commons/2013/10/5/catwalk-model-strips-naked-on-runway4-05-10-2013--12-06-16.jpg"><img src="/FileManager/Articles/mce/2013/10/5/catwalk-model-strips-naked-on-runway4-05-10-2013--12-06-16.jpg" alt="" /></a><br /></strong></p>
<p style="text-align: center;"><em>តារាម៉ូដែល Alice Dellal លើឆាកបង្ហាញម៉ូដ House Blue Eyes ឆ្នាំ ២០០៩</em></p>
<p>មុនពេលបង្ហាញខ្លួននៅឆាកបង្ហាញម៉ូដ Pam Hogg តារាម៉ូដែល Alice Dellal ក៏ធ្លាប់បានដើរម៉ូដសិចស៊ី នៅលើឆាករបស់ House Blue Eyes ក្នុងព្រឹត្ដិការណ៍បង្ហាញម៉ូដ ក្រុង London ឆ្នាំ ២០០៩ ។ Alice Dellal បានបង្កការភ្ញាក់ផ្អើលពេញឆាកសម្ដែង ដោយបានដោះអាវធំក្រៅ ចេញ នៅសល់តែខោទ្រនាប់ និងសុដន់នៅកណ្ដាលវាល ចំពោះមុខទស្សនិកជន។ </p>
<p><strong>Robyn Cole ២០១២</strong></p>
<p style="text-align: center;"><strong><a class="thickbox" title="" href="/FileManager/Commons/2013/10/5/catwalk-model-strips-naked-on-runway5-05-10-2013--12-07-40.jpg"><img src="/FileManager/Articles/mce/2013/10/5/catwalk-model-strips-naked-on-runway5-05-10-2013--12-07-40.jpg" alt="" /></a><br /></strong></p>
<p style="text-align: center;"><em>បវរកញ្ញា Sophia Cahill អាក្រាតកាយទាំងស្រុង និងបង្អួតផ្ទៃពោះ ៨ខែ នៅលើឆាក</em></p>
<p>ដោយមានគោលបំណង ឧទ្ទេសនាមកម្រងម៉ូដែលមួកថ្មីរបស់ខ្លួន នៅព្រឹត្តិការណ៍បង្ហាញម៉ូដ ក្រុង London ឆ្នាំ ២០១២ អ្នករចនាម៉ូដ បានតម្រូវឱ្យតារាបង្ហាញម៉ូដអាក្រាតកាយ និងពាក់តែមួកនៅលើក្បាល។ ថ្វីបើមានរយៈពេលខ្លី ប៉ុន្ដែ វាបានបង្កការចាប់អារម្មណ៍ជាខ្លាំង ដល់ទស្សនិកជន ពិសេសគឺមានវត្តមានរបស់បវរកញ្ញាអង់គ្លេស Sophia Cahill ។<br /><br /><strong>Charlie Le Mindu រដូវផ្ការីក និងរដូវក្ដៅ ឆ្នាំ ២០១១ - ២០១២</strong></p>
<p style="text-align: center;"><strong><a class="thickbox" title="" href="/FileManager/Commons/2013/10/5/catwalk-model-strips-naked-on-runway6-05-10-2013--12-08-39.jpg"><img src="/FileManager/Articles/mce/2013/10/5/catwalk-model-strips-naked-on-runway6-05-10-2013--12-08-39.jpg" alt="" /></a><br /></strong></p>
<p>មិនត្រឹមតែល្បីឈ្មោះដោយតាមរយៈផលិតផលចម្លែករបស់ខ្លួននោះទេ Charlie Le Mindu ក៏មានការច្នៃប្រឌិតខ្ពស់ ក្នុងការធ្វើឱ្យមានការភ្ញាក់ផ្អើលនៅលើឆាកបង្ហាញម៉ូដផងដែរ។ ការតម្រូវឱ្យតារាម៉ូដែលអាក្រាតកាយ ក៏ត្រូវបាន Charlie Le Mindu យកមកប្រើប្រាស់។ នៅព្រឹត្តិការណ៍បង្ហាញម៉ូដក្រុង London រដូវផ្ការីក និងរដូវក្ដៅ ឆ្នាំ ២០១១ Charlie Le Mindu បាននាំមកនូវកម្រងម៉ូដែលមួកយ៉ាងស្រស់ស្អាត ដោយមានការឧទ្ទេសនាមពីសំណាក់តារាម៉ូដែលអាក្រាតកាយ ធ្វើឱ្យទស្សនិកជន ស្ទើរតែបែកភ្នែក។<br /><br /><strong>Frankie Morello រដូវរំហើយ និងរដូវរងា ឆ្នាំ ២០១២</strong></p>
<p style="text-align: center;"><strong><a class="thickbox" title="" href="/FileManager/Commons/2013/10/5/catwalk-model-strips-naked-on-runway7-05-10-2013--12-09-27.jpg"><img src="/FileManager/Articles/mce/2013/10/5/catwalk-model-strips-naked-on-runway7-05-10-2013--12-09-27.jpg" alt="" /></a><br /></strong></p>
<p>ឆាកសម្ដែងរបស់យីហោ Frankie Morello ក្នុងព្រឹត្តិការណ៍បង្ហាញម៉ូដសម្រាប់បុរស Milan រដូវរំហើយ និងរដូវរងា ឆ្នាំ ២០១២ បានធ្វើឱ្យទស្សនិកជនជានារី ត្រូវក្រហមមុខ នៅពេលតារាម៉ូដែលប្រុស ស្រាតសំពត់ដើម្បីអាក្រាតកាយ និងយកដៃបិទកេរខ្មាស នៅចំពោះមុខទស្សនិក។</p>
<p style="text-align: right;"><br /><br />ដោយ ៖ តារា<br />ប្រភព ៖ ve<br /><br /></p>