<p><span style="color: #000000; font-size: 12px;">(វ៉ាស៊ីនតោន)៖ មន្ត្រីការទូតអាមេរិកម្នាក់ត្រូវបានចាប់ខ្លួន និងទទួលការចោទប្រកាន់ថា បានទទួលប្រាក់សំណូករាប់ម៉ឺនដុល្លារជាថ្នូរនឹងការរផ្ដល់ឯកសារសម្ងាត់ របស់សហរដ្ឋអាមេរិកឱ្យទៅទីភ្នាក់ងារស៊ើបការណ៍ សម្ងាត់ចិន រីឯចំនួនទឹកប្រាក់ពុំទាន់ត្រូវបានគេបញ្ជាក់នៅឡើយទេ។ នេះបើតាមការចេញផ្សាយដោយ សារព័ត៌មាន Channel News Asia នៅព្រឹកថ្ងៃព្រហស្បតិ៍ ទី៣០ ខែមីនា ឆ្នាំ២០១៧។</span></p>
<p><span style="color: #000000;">ជុំវិញការឃាត់ខ្លួននេះដែរក្រសួងយុត្តិធម៌អាមេរិកបានឲ្យដឹងថា លោកស្រី Candace Marie Claiborne មានអាយុ៦០ឆ្នាំ បានលួចទាក់ទងជាទៀងទាត់ជាមួយបុរសជាជនជាតិចិនពីរនាក់ ដែលគេជឿជាក់ថា ជាភា្នក់ងារចារកម្មនៅអំឡុងពេលលោកស្រីបំពេញតួនាទីជាមន្រ្តីទូតនៅក្នុងប្រទេសចិន ហើយប្រាក់ដែលពួកគេផ្ដល់ឱ្យលោកស្រី គឺជាថ្នូរទទួលបានត្រឡប់មកវិញនូវឯកសារសម្ងាត់របស់សហរដ្ឋអាមេរិក។</span></p>
<p><span style="color: #000000;">ក៏ប៉ុន្តែលោកស្រី Candace បានប្រគល់ប្រាក់ទំាងនេះឱ្យបុរសមិនស្គាល់អត្តសញ្ញាណម្នាក់ដែលធ្លាប់រស់នៅជាមួយលោកស្រីនៅក្នុងទីក្រុងប៉េកាំង និងទីក្រុងសៀងហៃ។ ក្រសួងយុត្តិធម៌អាមេរិកបានបន្ថែមទៀតថា លោកស្រី Claiborne ត្រូវបានចាប់ខ្លួន និងរងការចោទប្រកាន់ថា បានប្រើប្រាស់តួនាទីរបស់ខ្លួនដើម្បីប្រយោជន៍ផ្ទាល់ខ្លួន និងបង្កជា ឧបសគ្គដល់ការស៊ើបអង្កេត តាមរយៈការនិយាយកុហុក។</span></p>
<p><span style="color: #000000;">គួរបញ្ជាក់ថាបើតាមក្រសួងយុត្តិធម៌អាមេរិក លោកស្រី Claiborne ដែលធ្លាប់បានបម្រើការងារជាមន្ត្រីទូតអាមេរិកចាប់តាំងពីឆ្នាំ១៩៩៩ និងមានវិបត្តិហិរញ្ញវត្ថុ ត្រូវបានចាប់ខ្លួនកាលពីថ្ងៃអង្គារ ហើយបង្ហាញខ្លួននៅចំពោះមុខតុលាការកាលពីថ្ងៃពុធ។ ក៏ប៉ុន្តែនៅក្នុងសវនាការនោះ លោកស្រីបានច្រានចោលរាល់ការចោទប្រកាន់ទំាងឡាយប្រឆាំងនឹងខ្លួន៕</span></p>
<p><a class="thickbox" title="" href="/FileManager/Commons/2017/3/30/35-30-03-2017--14-01-07.jpg"><img src="/FileManager/Articles/mce/2017/3/30/35-30-03-2017--14-01-07.jpg" alt="" /></a></p>
<p style="text-align: right;"><span style="color: #000000;">ប្រភព ៖ CNA</span></p>