<div class="article-content">
<p><strong>កំពង់ចាម៖</strong> អាពាហ៍ពិពាហ៍ ដែលកម្រមួយ គឺកូនប្រុសភ្លោះពីរនាក់ បានសុំឪពុកម្តាយ <br />រៀបអាពាហ៍ពិពាហ៍ នៅថ្ងៃតែមួយ នាព្រឹកថ្ងៃអាទិត្យ ទី១៧ ខែមិនា ឆ្នាំ២០១៣ ដែល<br />បានប្រារព្ធធ្វើនៅគេហដ្ឋានខាងប្រុស ស្ថិតក្នុងភូមិមាឃទី១ ឃុំព្រែកកក់ ស្រុកស្ទឹងត្រង់<br /> ខេត្តកំពង់ចាម។</p>
<p>កូនកម្លោះភ្លោះជាបងមានឈ្មោះ វ៉ាន់ហ៊ឹម កែវឡុង អាយុ២១ឆ្នាំ ជាគូនឹងកូនក្រមុំឈ្មោះ <br />ហាក់ វ៉ាន់ថា អាយុ ២០ឆ្នាំ និង កូនកំឡោះប្អូន មានឈ្មោះ វ៉ាន់ហ៊ឹម កែវឡាយ អាយុ <br />២១ឆ្នាំជាគូ នឹងកូនក្រមុំឈ្មោះ ឌិន ម៉ូលីកា អាយុ២០ឆ្នាំ ។</p>
<p>បើតាមលោក វ៉ាន់ ហំ និង អ្នកស្រី ជុំ រិនឌី ជាឪពុកម្តាយ បានឲ្យដឹងថា កូនប្រុសភ្លោះ<br />ទាំងពីរនាក់ នេះ គឺជាទី៣ក្នុងគ្រួសារ ។</p>
<p>លោក វ៉ាន់ ហំ បានបញ្ជាក់ថា ភរិយារបស់លោក បានកើតកូន ៤លើករួចមក ហើយ <br />លើកទី១ បាន១នាក់ .ទី២បាន១នាក់ .ទី៣ បានកូនប្រុសភ្លោះ២នាក់(កូនកម្លោះ)និងទី៤<br /> បានកូនស្រីភ្លោះ២នាក់ទៀត អញ្ចឹងកើតបាន៤លើក បានកូន៦នាក់។</p>
<p>ឪពុកកូនកម្លោះ បន្តឲ្យថា ដំបូងលោក គិតរៀបមង្គលការឲ្យកូនប្រុសភ្លោះម្តងម្នាក់ ប៉ុន្តែ <br />កូនប្រុសភ្លោះ ទាំងពីរនាក់នេះ បានទទូចសុំឲ្យរៀបអាពាហ៍ពិពាហ៍ឲ្យពួកគេរួមគ្នា ទើប<br />គាត់ និងប្រពន្ធ បានសម្រេច ចិត្តរៀបចំតាមបំណងរបស់ពួកគេទៅ ។</p>
<p>លោក វ៉ាន់ ហំ បានបន្ថែមថា តាមប្រពៃណី ខាងកូនប្រុស តែងតែប្រារព្ធពិធីមង្គលការ<br />នៅផ្ទះខាងស្រី ប៉ុន្តែ ដោយសារតែលោក មានកូនប្រុសភ្លោះ ហើយត្រូវរៀបមង្គលការ<br />ម្តងពីរនាក់ ទើបលោក បានស្នើសុំអាណា ព្យាបាល ខាងកូនស្រី ក៏មានការឯកភាពគ្នា<br />ធ្វើពីធីមង្គលការនៅផ្ទះរបស់លោកតែម្តងទៅ។</p>
<p>ម្តាយកូនកម្លោះអ្នកស្រី ជុំ រិនឌី បានមានប្រសាសន៍ថា កូនក្រមុំឈ្មោះ ឌិន ម៉ូលីកា ជាគូ<br />និង កូនឈ្មោះ កែវឡាយ។ ចំណែក កូនស្រី ឈ្មោះហាក់ ចាន់ថា ជាគូនិងកូនប្រុសគាត់<br />ឈ្មោះ កែវឡុង នាងមានទីលំនៅក្នុងភូមិជាមួយគ្នា។</p>
<p>កូនកម្លោះឈ្មោះ កែវ ឡុង បានឲ្យដឹងថា ខ្លួនបានចាប់ចិត្តស្រឡាញ់ នារីម្នាក់ ឈ្មោះ<br /> ចាន់ថា អស់រយៈពេល ៣ឆ្នាំមកហើយ ប៉ុន្តែ ខ្លួនមិនហ៊ានប្រាប់ឪពុកម្តាយឲ្យចូលស្តីទេ <br />ប៉ុន្តែថ្មីៗ នេះ ខ្លួនឃើញប្អូនប្រុស កែវ ឡាយ ទើបត្រូវចិត្ត ចេះស្រឡាញ់ស្រី ហើយឲ្យ<br />ឪពុកម្តាយ ចូលស្តីពេលឃើញដូច្នោះ ខ្លួនក៏ជម្រាបឪពុកម្តាយ ឲ្យចូលស្តីកញ្ញា ចាន់ថា<br />ដែរទៅ។ ព្រមជាមួយគ្នានេះ ខ្លួននិងប្អូនប្រុស កែវឡាយ បានស្នើសុំ លោកឪពុក អ្នក<br />ម្តាយ រៀបមង្គលការពួកខ្លួនរួមគ្នា ព្រោះពួកខ្លួន ជាកូនភ្លោះ។</p>
<p>លោក ជា ធារិទ្ធ ជាសាច់ញាតិ ឪពុកខាងកូនកម្លោះ បានឲ្យដឹងផងដែរថា គូស្រករ<br />ទាំងពីរគូខាងលើ ពិតជាមាន សំណាងដែលបានរៀបមង្គលការរួមគ្នាដោយរលូន ។</p>
<p>លោក ធារិទ្ធបានបន្តថា អាចនិយាយថា ពួកគេមានសំណាង ព្រោះ កូនក្រមុំទាំងពីរនាក់<br /> មានអាយុ ២០ឆ្នាំដូចគ្នា ចំណែកកូនប្រុសទាំងពីរនាក់ មានអាយុដូចគ្នាដែរ ដូច្នេះ ខាង<br />លោកអាចារ្យដេញវេលាល្អត្រូវគ្នា ដូច្នេះហើយទើបពួកគេបានរៀបអាពាហ៍ពិពាហ៍រួមគ្នា<br />ដោយសប្បាយរីករាយ៕</p>
<p style="text-align: center;"><img src="http://111.92.240.170:81/dap-news/dap-images/2013/March/id-067/CH-0320.jpg" alt="www.dap-news.com" width="400" /></p>
<p style="text-align: center;"><img src="http://111.92.240.170:81/dap-news/dap-images/2013/March/id-067/CH-0321.jpg" alt="www.dap-news.com" width="400" /></p>
<p style="text-align: center;"><img src="http://111.92.240.170:81/dap-news/dap-images/2013/March/id-067/CH-0319.jpg" alt="www.dap-news.com" width="400" /></p>
<p style="text-align: right;">ផ្តល់សិទ្ធិដោយ៖ ដើមអម្ពិល</p>
</div>