<p><span style="color: #000000;"><strong>ភ្នំពេញ៖</strong> តារាចម្រៀងស្រីដ៏ល្បីល្បាញ ប្រចាំផលិតកម្ម ហង្សមាស អ្នកនាង ពេជ្រ សោភា ក្រោយរៀបការប្ដីរួចយីអ៊ុន របស់នាងហាក់ឡើងស្រឺតៗ ស្ទើរមិនគួរឲ្យជឿ ព្រោះតារាសិល្បៈក្រោយរៀបការ រួចភាគច្រើនបោះបង់សិល្បៈ ឬក៏ធ្លាក់ ចុះប្រជាប្រិយភាពតែម្ដង ។ ចំណែកនាង ពេជ្រ សោភា មានតែវិវឌ្ឍន៍ខ្លួន លំដាប់ពីអ្នកចម្រៀង ក្លាយជាអ្នកនិពន្ធ និង រៀបចំសាច់រឿង ក្នុងបទចម្រៀង ថែមទាំងទទួលបានភាពលេចធ្លោរ យ៉ាងសម្បើមផងដែរ ។</span><br /> <br /><span style="color: #000000;">សម្រាប់តារាចម្រៀង ពេជ្រ សោភា មិនត្រឹមតែលេចធ្លោ ក្នុងរឿងការងារ ប៉ុណ្ណោះទេ បើនិយាយរឿង ទ្រព្យសម្បត្តិវិញ នាងក៏កាន់តែលេចធ្លោរ ជាងមុន ទៅទៀត ។ គេសង្កេតឃើញថា ពីមុន ពេជ្រ សោភា ជិះរថយន្តលុច្សស៊ីស យ៉ាង កញ្ចាស់ កំពិតកំពៀវ រួចក៏មកឡើងកូដ ជិះឡាន BMW ដែលនាងដូរមុនពេលនាងរៀបការ តែក្រោយពេលរៀបការរួច នាងក៏ប្ដូរមកជិះ រថយន្តម៉ាក រ៉ែងរ៉ូវែរ (Range Rover) វិញ ។ ពេជ្រ សោភា និយាយថា ឡានមិនអាចងូតទឹក និងដាំ បាយបានទេ បានត្រឹមជិះប៉ុណ្ណោះ បើមានផ្ទះទើបជាកន្លែងសុខស្រួល ។ សម្ដីនេះប្រែប្រួល ពេជ្រ សោភា ក្លាយជាតារា សំភារៈនិយមទៅហើយ និងចូលចិត្តប្ដូរស៊េរីឡានទំនើបៗទៀតផង។ </span><br /> <br /><span style="color: #000000;">ថ្មីៗនេះ មិនត្រឹមតែលេងឡានឡូយ បង្អួតភ្នែកមហាជនទេ ពេជ្រ សោភា ថែមទាំងទិញ នាឡិកាដៃម៉ាក «រ៉ូឡិច» មួយ គ្រឿងទៀត ដែលមានតម្លៃប្រមាណជាង១ម៉ឺនដុល្លារ ឯណោះ ខណៈដែលស្រុកខ្មែរ មានតែពីរគ្រឿងប៉ុណ្ណោះ ក្នុងនោះ ពេជ្រ សោភា ក៏មានពាក់មួយគ្រឿងដែរ គឺ «rolex Oyster Perpetual Cosmograph Daytona rainbow custom» ។ អ្នកនៅជិតស្និទ្ធ នឹង ពេជ្រ សោភា បាននិយាយថា វាជារបស់ពិត មិនមែនកាឡៃ ដូចអ្វី ដែលនាងពាក់ លើកមុនៗនោះ ទេ ។ </span><br /><span style="color: #000000;">តារាចម្រៀង ពេជ្រ សោភា មិនបានប្រាប់ពីតំលៃនាឡិកាដៃ របស់នាងឡើយ ព្រោះនាងយល់ថា មិនចង់ឲ្យគេពេប ជ្រាយថាជាមនុស្សអួត នឹងជាមនុស្សសំញ៉ែងសម្ភារនិយម។ យ៉ាងណាក្ដី បញ្ហានេះក៏ជាចំណុចសើបមួយ ព្រោះនាង ហ៊ានលេងសំភារៈរាប់ម៉ឺនពិតជា មិនធម្មតា តែមហាជនខ្លះនិយាយថា ពេជ្រ សោភា ប្រហែលជាការលើកទឹកចិត្ត ខ្លួឯងដើម្បី មានកំលាំង ធ្វើការទៅមុខទៀត ទើបទិញរបស់ល្អៗខ្លះ លួងចិត្តខ្លួនឯង ៕</span></p>
<p><a class="thickbox" title="" href="/FileManager/Commons/2015/5/5/80-05-05-2015--15-21-47.jpg"><img src="/FileManager/Articles/mce/2015/5/5/80-05-05-2015--15-21-47.jpg" alt="" /></a></p>
<p><a class="thickbox" title="" href="/FileManager/Commons/2015/5/5/81-05-05-2015--15-21-56.jpg"><img src="/FileManager/Articles/mce/2015/5/5/81-05-05-2015--15-21-56.jpg" alt="" /></a></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>