<div class="article-content">
<p><span style="color: #000000;"><strong>ភ្នំពេញៈ</strong> ក្រុមអជីវករ ដែលត្រូវបាន គយថៃចាប់យកទំនិញ ជាង១០០០តោននោះ បានរៀបរាប់ថា ទំនិញរបស់ពួកគាត់ ដែលត្រូវបានក្រុមគយថៃ ចាប់នោះ បើគិតជាទឹកប្រាក់ស្មើនឹង ១២លានដុល្លារ។</span></p>
<p><span style="color: #000000;">អាជីវករខ្មែរម្នាក់បានបញ្ជាក់ថា ថៃបានចាប់ទំនិញ របស់ពួកគេកន្លងទៅ ជាងមួយពាន់តោននេះ បើគិតជាតម្លៃស្មើនឹង ១២លានដុល្លារ។ ពួកគាត់សូមអំពាវនាវឲ្យរាជរដ្ឋាភិបាល ក៏ដូចជាថ្នាក់ដឹកនាំ អាជ្ញាធរពាក់ព័ន្ធ ឲ្យជួយដោះស្រាយ យកទំនិញរបស់ពួកគាត់មកវិញ បន្ទាប់ពីត្រូវបាន គយថៃបានចាប់ទំនិញរបស់ពួកគាត់។</span></p>
<p><span style="color: #000000;">គួរបញ្ជាក់ថា នៅរយៈពេលថ្មីៗនេះ គយថៃបានចាប់ទំនិញរបស់អាជីវករខ្មែរ ទាំងអជីវករថៃ ហើយនៅរសៀលថ្ងៃទី ១២ ខែកញ្ញានេះ អភិបាលខេត្តបន្ទាយមានជ័យ បានធ្វើការចរចា ប៉ុន្តែភាគីថៃបានសន្យាថា ពួកគេនឹងផ្តល់ដំណឹង នៅសប្តាហ៍ក្រោយ ដោយមិនទាន់បានបញ្ជាក់អំពីលទ្ធផលនៅឡើយទេ៕ </span></p>
</div>
<p style="text-align: right;"><a href="http://www.dap-news.com/2011-06-14-02-39-55/95050-2014-09-12-13-31-03.html" target="_blank"><span style="color: #000000;">ផ្តល់សិទ្ធដោយ ៖ ដើមអម្ពិល</span></a></p>