<p>ព័ត៌មានអន្តរជាតិ ៖ យោងតាមការដកស្រង់ អត្ថបទផ្សាយ ពីគេហទំព័រ សារព័ត៌មានបរទេស ប៊ីប៊ីស៊ី អោយដឹងថា ប្រទេសហូឡង់ បានទទួលសាកសព ជនរងគ្រោះ ធ្លាក់យន្តហោះ MH17 ហើយ ជាមួយ នឹងកម្មវិធីទទួល ផ្លូវការ ដ៏ឱឡារិក និង អធិកអធម ជាទីបំផុតនៅឯមូលដ្ឋានទ័ពអាកាស Eindhoven</p>
<p><a class="thickbox" title="" href="/FileManager/Commons/2014/7/24/03-24-07-2014--09-51-27.jpg"><img src="/FileManager/Articles/mce/2014/7/24/03-24-07-2014--09-51-27.jpg" alt="" /></a></p>
<p>សេចក្តីរាយការណ៍ដដែលបន្តអោយដឹងថា គេឃើញមានក្បួនរថយន្ត ដឹក ដង្ហែសព ៤០ គ្រឿងបាន បរចាកចេញទៅកាន់ទីក្រុង Hilversum ទីកន្លែងផ្លូវការ នៃដំណើរការ កំណត់បាននូវអត្តសញ្ញាណជន រងគ្រោះទាំងអស់ ។ គួរបញ្ជាក់ថា ប្រទេស ហូឡង់ បានប្រកាស ទូទាំងប្រទេស អោយមានការកាន់ ទុក្ខជាផ្លូវការ សម្រាប់គ្រោះថ្នាក់ធ្លាក់យន្តហោះ សម្លាប់មនុស្ស ២៩៨ នាក់លើកនេះ ដោយនៅក្នុង នោះភាគច្រើន គឺជាជនជាតិ ហូឡង់ ។</p>
<p><a class="thickbox" title="" href="/FileManager/Commons/2014/7/24/04-24-07-2014--09-51-40.jpg"><img src="/FileManager/Articles/mce/2014/7/24/04-24-07-2014--09-51-40.jpg" alt="" /></a></p>
<p>យ៉ាងណាមិញ សេចក្តីរាយការណ៍ បញ្ជាក់ អោយដឹងថា ក្រុមឧទ្ទាមបំបែករដ្ឋ គាំទ្រ ប្រទេស រុស្ស៊ី កំពុងតែគ្រប់គ្រង ភាគខាងកើត ប្រទេស អ៊ុយក្រែន គឺជាក្រុមតែមួយគត់ ដែលរងការចោទប្រកាន់ ថា បានបាញ់ទម្លាក់យន្តហោះ ម៉ាឡេស៊ី MH17 កាលពីថ្ងៃទី ១៧ កក្កដា កន្លងទៅនេះ ។</p>
<p><a class="thickbox" title="" href="/FileManager/Commons/2014/7/24/05-24-07-2014--09-51-50.jpg"><img src="/FileManager/Articles/mce/2014/7/24/05-24-07-2014--09-51-50.jpg" alt="" /></a></p>
<p>ប្រភពពីរដ្ឋាភិបាល ប្រទេស អង់គ្លេស អោយដឹងថា ក្រុមភ្នាក់ងារស៊ើបការសម្ងាត់ បានបង្ហាញនិងសរ បញ្ជាក់អោយដឹងថា ក្រុមឧទ្ទាម មានចេតនា អុកឡុក និងបង្វែរដាននូវ ភស្តុតាង ពោល ធ្វើការផ្លាស់ ប្តូរទីតាំងនៃសព ក៏ដូចជា យកបំណែក កំទេច យន្តហោះដទៃៗទៀត មកដាក់លាយឡំ ជាមួយនឹង បំណែកយន្តហោះធ្លាក់ខាងលើ ។</p>
<p><a class="thickbox" title="" href="/FileManager/Commons/2014/7/24/06-24-07-2014--09-52-03.jpg"><img src="/FileManager/Articles/mce/2014/7/24/06-24-07-2014--09-52-03.jpg" alt="" /></a></p>
<p>ខណៈមានសេចក្តីរាយការណ៍ បញ្ជាក់បានថា នៅឯភាគខាងកើតប្រទេសអ៊ុយក្រែនមកទល់នឹងពេល បច្ចុប្បន្នភាព នៅតែមានការប៉ះទង្គិច មន្រ្តីផ្លូវការ មកពីទីក្រុង Kiev ផ្តល់ជាកិច្ចសម្ភាសន៍ អោយដឹង ថា យន្តហោះយោធា របស់អ៊ុយក្រែន ពីរគ្រឿង ត្រូវបានបាញ់ទម្លាក់សាជាថ្មី ម្តងទៀត កាលពីថ្ងៃពុធ ម្សិលមិញនេះ ពីសំណាក់ ក្រុមឧទ្ទាមបំបែករដ្ឋ គាំទ្រ ប្រទេស រុស្ស៊ី បាញ់ធ្លាក់ មានរយៈចម្ងាយ ៣៥ គ.ម ពីទីតាំងធ្លាក់យន្តហោះ ម៉ាឡេស៊ី MH17 ៕</p>
<p><object width="509" height="436" data="http://www.youtube.com/v/CKLdWYqws8w&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/CKLdWYqws8w&rel=1" /></object></p>
<p><a href="/News/Detail/56304/fighter-jets-downed-near-mh17-site-by-missile-from-russia" target="_blank"><span style="color: #0000ff;">- អាន ៖ យន្តហោះចម្បាំង អ៊ុយក្រែន ២គ្រឿង ត្រូវក្រុមឧទ្ទាមបាញ់ទម្លាក់ ដោយម៉ីស៊ីល ដូច MH17 ដូចគ្នាដែរ</span></a></p>
<p style="text-align: right;">ប្រែសម្រួល ៖ កុសល<br />ប្រភព ៖ ប៊ីប៊ីស៊ី</p>