<p><strong>ភ្នំពេញៈ</strong> តារាចម្រៀងស្រី ដែលជាប់ចំណាត់ថា្នក់ ជាតារាស្រីស៊ិចស៊ី កញ្ញា ឆៃ លីដាឡែន ថ្មីៗ<br /> នេះមានពាក្យចចាមអារ៉ាម និយាយតៗគ្នាថា នាងបានលួចលាក់ ចូលរោងការដោយស្ងាត់ៗ ជា<br />មួយបុរសអ្នកជំនួញមួយរូប មិនតែប៉ុណ្ណោះ នាងក៏ត្រៀមខ្លួនឈប់ ពីការងារសិល្បៈថែមទៀតផង។</p>
<p>បើតាមប្រភពក្រៅផ្លូវការ មួយបានបង្ហើបប្រាប់ឲ្យដឹងថា តារាស្រីដែលយ៉េៗ រូបស្រស់សម្បូរដើម<br />ទ្រូង កញ្ញា ឆៃ លីដាឡែន បានសម្រេចចិត្តចូលរោងការ ជាមួយបុរសវ័យស្របាលនាងម្នាក់ ដែល<br />ជាអ្នកជំនួញស្ងាត់ៗ កាលពីពេលកន្លងមកហើយ មិនត្រឹមតែប៉ុណ្ណោះនាងក៏កំពុង តែមានគម្រោង<br />បញ្ចប់ អាជីពសិល្បៈថែមទៀត ផង ដោយសារតែស្វាមីស្របច្បាប់ របស់នាង មិនចង់ឲ្យនាងចាប់<br />យកអាជីពនេះបន្ត ព្រោះតែភ្លើងប្រច័ណ្ឌម្យ៉ាងវិញទៀត បុរសម្នាក់នោះ គេអាចមានលទ្ធភាពក្នុង<br />ការចិញ្ចឹម នាងឲ្យរស់នៅបានយ៉ាងស្រួល ជាមួយនិងភាពហ៊ឺហារ មិន ចាញ់ជីវភាពដែលនាង <br />បានមកពីសិល្បៈនោះទេ។</p>
<p>ប្រភពដដែលបានបង្ហើបប្រាប់ឲ្យដឹងថា មូលហេតុដែលនាង សម្រេចចិត្តរៀបការមានគ្រួសារបែប<br />នេះដោយសារតែនាងអស់ក្តីសង្ឃឹម ក្នុងការស្តារកេរ្តិ៍ឈ្មោះសារជាថ្មី ក្នុងពិភពសិល្បៈ ហើយជូនជា<br />នាងបានជួប បុរសកំពូលស្នេហ៍ផង ក៏សម្រេចចិត្តចូលរោងការ ដោយស្ងាត់ៗតែម្តងទៅ ដើម្បីបញ្ចប់<br />ភាពនៅលីវ ព្រោះថាបើនៅតែបន្តជាមួយសិល្បៈទៀត ក៏មិនអាចទៅរួចដែរ ដោយសារតែពេលនេះ<br />នាងនៅតែមិនទាន់រកឃើញផ្លូវចេញ បានបន្ទាប់ពីនាង បានធ្វើឲ្យមានកំហុសដោយអចេតនាមួយ<br /> កាលពីនាងចេញទៅសម្តែង នៅអាមេរិកនោះ។</p>
<p>ជុំវិញការលើកឡើង ដែលមិនទាន់ច្បាស់ការ គ្រាន់តែឮពីមួយតទៅមួយនេះ Looking TODAY បាន<br />ទាក់ទងទៅតារាចម្រៀងស្រី កញ្ញា ឆៃ លីដាឡែន តែនៅពេលដែលនាងលើកទូរស័ព្ទ នាងបាន<br />និយាយពាក្យយ៉ាងខ្លីថា “ ពេលនេះបងកំពុងតែរវល់ ការងារមិនអាចផ្តល់បទសម្ភាសន៍ ឲ្យបានទេ<br /> សុំទោសផងណាអូន …! ” រួចក៏ចុចបិទទូរស័ព្ទតែម្តងទៅ៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/March/id-030/Kosal-0279.jpg" alt="Looking Today" width="400" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/March/id-030/Kosal-0280.jpg" alt="Looking Today" width="400" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>