<p>ប៉ាគីស្ថាន ៖ កាលពីព្រឹកម្សិលមិញនេះ នៅឯសណ្ឋាគារមួយភាគខាងជើងប្រទេសប៉ាគីស្ថាន<br />មានសោកនាដកម្មមួយបានកើតឡើងនោះគឺ ខ្មាន់កាំភ្លើង បានបើកការវាយប្រហារ និងបាន<br />សម្លាប់ជនបរទេសដល់ទៅ ៩ រូប នេះបើតាមការដកស្រង់អត្ថបទផ្សាយ ពីគេហទំព័រសារ<br />ព័ត៌មានបរទេស CNN ដែលទើបតែបានចេញផ្សាយមុននេះ។</p>
<p><a class="thickbox" title="" href="/FileManager/Commons/2013/6/24/11371966078540x540-24-06-2013--08-48-03.jpg"><img src="/FileManager/Articles/mce/2013/6/24/11371966078540x540-24-06-2013--08-48-03.jpg" alt="" width="447" height="249" /></a></p>
<p>យ៉ាងណាមិញ បើយោងតាមសម្តី មន្រ្តីផ្លូវការមកពីក្រសួង មហាផ្ទៃនៃប្រទេសនេះ លោក<br />Chaudhry Nisar Ali Khan អោយដឹងថា ក្នុងចំណោមជនរងគ្រោះ ដែលបានស្លាប់បាត់បង់<br />ជីវិតទាំង ៩ នាក់នោះ រួមមាន ជនជាតិ អ៊ុយក្រែន ៦ រូប និង ជនជាតិចិន ៣ រូបផ្សេងទៀត<br />ខណៈពេលដែលជនជាតិចិនម្នាក់ បានរួចផុតពីសេចក្តីស្លាប់ បន្ទាប់ពីព្យាយាមរត់គេចខ្លួន<br />បានសម្រេច។</p>
<p>លើសពីនេះទៅទៀត ប្រភពសារព័ត៌មានដដែល ក៏បានដកស្រង់សម្តីមន្រ្តីរូបនេះបន្ថែមផង<br />ដែរថា ខ្មាន់កាំភ្លើងបានចាប់ខ្លួនបុរសពីរនាក់ ក្នុងមូលដ្ឋានធ្វើជាចំណាប់ខ្មាំង និង តម្រូវ<br />អោយពួកគេនាំទៅកន្លែងណាមួយ ដែលមានជនបរទេស រួចធ្វើការវាយប្រហារ ។ ដោយ<br />ឡែក ក្នុងចំណោមបុរសដែលជាចំណាប់ខ្មាំង ពីររូបនោះ មួយនាក់ ត្រូវបានសម្លាប់ ខណៈ<br />មួយរូបផ្សេងទៀត បានរួចផុតពីសេចក្តីស្លា បន្ទាប់ពីបានព្យាយាមរត់គេចខ្លួន រហូតមក<br />ទល់នឹងពេលនេះ គេត្រូវបានចាប់ឃាត់ខ្លួន ដោយក្រុមមន្រ្តីប៉ូលីស ដើម្បីធ្វើការសាកសួរ<br />ចម្លើយ។</p>
<p><a class="thickbox" title="" href="/FileManager/Commons/2013/6/24/s019287440-24-06-2013--08-49-48.jpg"><img src="/FileManager/Articles/mce/2013/6/24/s019287440-24-06-2013--08-49-48.jpg" alt="" width="443" height="249" /></a></p>
<p>គួររំឭកផងដែរថា ដោយហេតុតែទីនោះ វាមិនមែនជាសណ្ឋាគារធំណាស់ណានោះទេ ទើប<br />សន្តិសុខ មិនធានាបាននូវសុខសុវត្ថិភាពខ្ពស់។ ស្របពេលដែលមន្រ្តីប៉ូលីស ក៏កំពុងធ្វើការ<br />តាមដានស៊ើបអង្កេត មិនទាន់ប្រភពណាមួយ បញ្ជាក់អោយដឹងនៅឡើយនោះទេ ថាតើ<br /> អ្នកណានៅពីក្រោយរឿងនេះអោយពិតប្រាកដ៕</p>
<p style="text-align: right;">ដោយ ៖ រិទ្ធី<br />ប្រភព ៖ cnn</p>