<p><span style="color: #000000;"><strong>បន្ទាយមានជ័យ ៖</strong> ដោយយោង តាមពាក្យបណ្តឹង របស់ម្តាយក្មេងស្រីរងគ្រោះ នគរបាល ក្រុងសិរីសោភ័ណ បានកោះហៅជនសង្ស័យ មកសាកសួរ ហើយឃាត់ខ្លួន កាលពីថ្ងៃទី១៥ ខែតុលា ឆ្នាំ២០១៤ ដើម្បីរៀបចំកសាង សំណុំរឿងបញ្ជូនទៅ សាលាដំបូងខេត្ត ចាត់ការតាមផ្លូវច្បាប់ កាលពីព្រឹកថ្ងៃទី១៦ ខែតុលា ឆ្នាំ២០១៤ ជាប់ចោទពីបទ ចាប់រំលោភសេពសន្ថវៈ ក្មេងស្រីសរសៃប្រសាទ រហូតបានសម្រេច។</span></p>
<p><span style="color: #000000;">នគរបាលក្រុងសិរីសោភ័ណ បានប្រាប់ឱ្យដឹងថា ជនសង្ស័យ ឈ្មោះ ថេត ម៉ៅ អាយុ៣៩ឆ្នាំ រស់នៅភូមិអូរអំបិល សង្កាត់អូរអំបិល ក្រុងសិរីសោភ័ណ បានមកលេងផ្ទះស្ត្រីរងគ្រោះ នៅចំណុចភូមិគាប សង្កាត់ទឹកថ្លា ក្រុងសិរីសោភ័ណ ដោយរវាងម្តាយនារីរងគ្រោះ និងជនសង្ស័យ ជាមនុស្សរាប់អានគ្នា។</span></p>
<p><span style="color: #000000;">ពេលជនសង្ស័យ មកដល់ផ្ទះ មិនឃើញមានមនុស្ស គឺនៅសល់តែនារីរងគ្រោះ ជាមនុស្សសសៃប្រសាទ មានឈ្មោះ វសន អាយុ ២៩ឆ្នាំ នៅផ្ទះតែម្នាក់ឯង ។ ពេលនោះជនសង្ស័យ ធ្វើជាប្រលែងលេង ជាមួយនារីរងគ្រោះ ហើយបន្ទាប់មក ចាប់អូសដៃនាងចូលបន្ទប់ ចាប់រំលោភរហូតបានសម្រេច ទើបរត់ទៅដេកសម្ងំនៅផ្ទះ ក្នុងសង្កាត់អូរអំបិល។</span></p>
<p><span style="color: #000000;">សកម្មភាព ដែលជនសង្ស័យ ចាប់រំលោភនារីរងគ្រោះ ត្រូវបាន ប្រជាពលរដ្ឋម្នាក់ ដើរចូលផ្ទះនោះឃើញ ហើយក៏ទៅរាយការណ៍ ប្រាប់ម្តាយនារីរងគ្រោះ ហើយបន្ទាប់មក គាត់ក៏រត់ទៅប្តឹង កន្លែងសមត្ថកិច្ច ហើយសមត្ថកិច្ច បានហៅជនសង្ស័យ មកសាកសួរ ដោយជនសង្ស័យបាន ឆ្លើយសារភាព ទទួលកំហុស។</span></p>
<p><span style="color: #000000;">ក្រោយសារភាព របស់ជនរងសង្ស័យ និងមានបទបញ្ជាពីសំណាក់ ស្នងការនគរបាល ខេត្តលោកឧត្តមសេនីយ៍ អាត់ ខែម នគរបាល ក្រុងសេរីសោភ័ណ បាន កសាងសំណំរឿង បញ្ជូនយកទៅតុលាការចាត់ការតាមនីតិវិធីច្បាប់ ៕</span></p>
<p><span style="color: #000000;"><br /><a class="thickbox" title="" href="/FileManager/Commons/2014/10/18/10-18-2014-11-29-12-am-18-10-2014--11-33-59.jpg"><img src="/FileManager/Articles/mce/2014/10/18/10-18-2014-11-29-12-am-18-10-2014--11-33-59.jpg" alt="" /></a><br /></span></p>
<p style="text-align: right;"><span style="color: #000000;"><br />ផ្ដល់សិទ្ធិដោយ៖ ដើមអម្ពិល</span></p>