<div class="article-content">
<p><strong>ភ្នំពេញ ៖</strong> ជនសង្ស័យចំនួន ២នាក់ ជាប់ ពាក់ព័ន្ធ នឹងសកម្មភាព ប្លន់ម៉ូតូធុនធំ ចំនួន ១គ្រឿង<br /> ត្រូវបានកម្លាំងនគរបាល ខណ្ឌ សែនសុខ ដឹកនាំបញ្ជាផ្ទាល់ពីលោក ម៉ក់ ហុង អធិការនគរបាល<br />ខណ្ឌ បានឃាត់ខ្លួន កាលពីវេលាម៉ោង៨ព្រឹកថ្ងៃទី១២ ខែកក្កដា ឆ្នាំ ២០១៣ ស្ថិតនៅភូមិត្រញំង<br /> ឈូក សង្កាត់ទឹកថ្លា ខណ្ឌសែនសុខ ។</p>
<p>យោងតាមរបាយការណ៍ របស់នគរបាល ខណ្ឌសែនសុខ បានឱ្យដឹងថា ជនសង្ស័យ ទី១ ឈ្មោះ<br />អាង ណាង ភេទប្រុស អាយុ២០ ឆ្នាំ មុខរបរ កម្មករ ស្នាក់នៅផ្ទះជួល សង្កាត់ បឹងទំពុន ខណ្ឌមាន<br />ជ័យ និងជនសង្ស័យទី២ ឈ្មោះ សួន សំអាន ភេទប្រុស អាយុ ២០ ឆ្នាំ មុខរបរ កម្មករ ដើរដេក<br />តាមចិញ្ចើម ថ្នល់ ក្នុងសង្កាត់ទន្លេបាសាក់ ខណ្ឌចំការមន ។ ដោយឡែកជនរងគ្រោះ ឈ្មោះ ទិត្យ<br /> ឡាដែត ភេទប្រុស អាយុ ៣៤ឆ្នាំ មុខរបរ មន្ដ្រី សណ្ដាប់ធ្នាប់ ខណ្ឌទួលគោក ស្នាក់ នៅផ្ទះ លេខ <br />៣ សង្កាត់ច្រាំងចំរេះ ខណ្ឌ ឫស្សីកែវ។</p>
<p>របាយការណ៍របស់នគរបាលបានបន្ដថា មុនពេលកើតហេតុ ពោលនៅវេលាម៉ោង ១ និង៣០នាទី<br />យប់រំលងអាធ្រាត្រ ឈាន ចូលថ្ងៃទី១២ ខែកក្កដា ឆ្នាំ ២០១៣ កម្លាំង នគរបាលខណ្ឌសែនសុខ<br /> បានចុះល្បាតនៅ ក្នុងភូមិត្រញំងឈូក សង្កាត់ទឹកថ្លា ស្រាប់ តែពេលនោះ បានឃើញជនសង្ស័យ<br />ទាំង២ នាក់ កំពុងបណ្ដើរម៉ូតូចំនួន ២គ្រឿង ម៉ាក WR 450R ពណ៌ខៀវលាយស គ្មានស្លាក លេខ<br /> ពេលនោះក៏មានការសង្ស័យក៏ឃាត់ ខ្លួនសួរនាំ ទើបដឹងថា ពួកគេទាំង ២នាក់ ជាចោរលួចម៉ូតូ។ <br />នៅពេលនោះដែរ កម្លាំង សមត្ថកិច្ចក៏បានដកហូត ម៉ូតូវ៉េវ ១គ្រឿង ពណ៌កាប់ស្ដាំង ស៊េរីចាស់ ពាក់<br />ស្លាកលេខ ព្រះសីហនុ ១សេ ២៧៨៧ ដែលពួកគេជិះ ធ្វើសកម្មភាព ។ បច្ចុប្បន្នជនសង្ស័យទាំង ២<br />នាក់ ត្រូវបានឃុំខ្លួនជាបណ្ដោះអាសន្ននៅ អធិការដ្ឋាននគរបាលខណ្ឌសែនសុខ ដើម្បី កសាងសំណុំ<br />រឿងបញ្ជូនទៅតុលាការ ចាត់ ការតាមផ្លូវច្បាប់ ៕</p>
<p style="text-align: center;"><img src="http://image.dap-news.com:81/dap-news/dap-images/2013/July/id-067/CH-0589.jpg" alt="" width="500" /></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>
</div>