<p><span style="color: #000000;"><strong>ភ្នំពេញ៖</strong> ជនជាប់ចោទម្នាក់ ដែលជាប្រធានសាខាអគ្គីសនី ខេត្រក្រចេះ កាលពីព្រឹកថ្ងៃ ទី ២១ ខែ មករា ឆ្នាំ២០១៥ ត្រូវបាន សាលាដំបូង រាជធានីភ្នំពេញ ប្រកាសសាលក្រម និង សម្រេចផ្តន្ទាទោសរូបគាត់ ដាក់ពន្ធនាគារ ១ឆ្នាំ និងបង្គាប់ឲ្យសង ប្រាក់ចំនួន៧ម៉ឺនដុល្លារ និង សងថ្លៃជំងឺចិត្ត ចំនួន១០លានរៀល ពីបទ«មិនបំពេញកតព្វកិច្ចចំពោះឧបករណ៍ ដែល អាចជួញដូរបាន» ឬ «ចេញមូលប្បទានបត្រ ដោយគ្មានសាច់ប្រាក់» ចំនួន៧ម៉ឺនដុល្លារអាម៉េរិក ឲ្យទៅ ស្នងការរង នគរបាលខេត្តរតៈគីរីម្នាក់ ដែលជាភាគីដើមបណ្តឹង ប្រព្រឹត្តកាលពីថ្ងៃទី ២៤ ខែ មីនា ឆ្នាំ២០១៤ ។</span></p>
<p><span style="color: #000000;">លោកតាំង ស៊ុនឡាយ ចៅក្រមជំនុំជម្រះ នៃសាលាដំបូងរាជធានីភ្នំពេញ បានឲ្យដឹងថា ជនជាប់ចោទរូបនេះ មានឈ្មោះ សំ ភាព ភេទប្រុស អាយុ៣៧ឆ្នាំ មានទីលំនៅ ភូមិក្បាល ស្នួល ឃុំស្នួល ស្រុកស្នួល ខេត្តក្រចេះ។ ឈ្មោះ សំ ភាពត្រូវចោទ ប្រកាន់ពីតំណាងអយ្យការពីបទ« មិនបំពេញកតព្វកិច្ចចំពោះឧបករណ៍ ដែលអាចជួញដូរបាន» នឹងត្រូវបានចាប់ឃុំខ្លួន កាលពីថ្ងៃ ទី ២១ ខែ វិច្ឆិកា ឆ្នាំ២០១៤ ៕</span></p>
<p><span style="color: #000000;"><a class="thickbox" title="" href="/FileManager/Commons/2015/1/22/1-22-2015-9-59-19-am-22-01-2015--10-03-29.png"><img src="/FileManager/Articles/mce/2015/1/22/1-22-2015-9-59-19-am-22-01-2015--10-03-29.png" alt="" /></a></span></p>
<p style="text-align: right;"><span>ផ្ដល់សិទ្ធដោយ៖ ដើមអម្ពិល</span><span style="color: #000000;"><br /></span></p>