<p>ព័ត៌មានអន្តរជាតិ ៖ ជនអន្តោប្រវេសន៍ខុសច្បាប់ ច្រើនជាង ១,១០០ នាក់ ត្រូវបានក្រុមសមត្ត កិច្ចជំនាញ កងទ័ពជើងទឹក ប្រទេសអ៊ីតាលី ជួយសង្គ្រោះស្រង់ចេញពីផ្ទៃមហាសាគរ ខណៈ ពេលដែលពួកគេក៏កំពុងតែជិះគរគ្នា នៅលើទូកតូចៗចំនួន ៩ គ្រឿងផ្សេងៗពីគ្នា នេះបើយោង តាមការដកស្រង់អត្ថបទផ្សាយ ពីគេហទំព័រសារព័ត៌មានបរទេស ស្កាយ ដែលទើបតែបានចេញ ផ្សាយកាលពីវេលាល្ងាច ម្សិលមិញនេះ ។</p>
<p><a class="thickbox" title="" href="/FileManager/Commons/2014/2/7/72791918raft-07-02-2014--08-42-27.gif"><img src="/FileManager/Articles/mce/2014/2/7/72791918raft-07-02-2014--08-42-27.gif" alt="" /></a></p>
<p>គួរបញ្ជាក់ផងដែរថា បេសកម្មជួយសង្គ្រោះលើកនេះ អាចធ្វើទៅបាន បន្ទាប់ពីឧទ្ធម្ភាគចក្របាន ប្រទះឃើញទូកមួយគ្រឿងនៅភាគខាងត្បូងកោះ Lampedusa មានទីតាំងនៅចន្លោះផ្លូវដែនទឹក រវាងប្រទេសទុយនេស៊ី និង ប្រទេស អ៊ីតាលី។គួររំឭកផងដែរថា កាលពីឆ្នាំកន្លងទៅក្រុមមនុស្ស ដែលជាជនអន្តោប្រវេសន៍ខុសច្បាប់ មានគ្នាដល់ទៅ ៣០០ នាក់ បានស្លាប់បាត់បង់ជីវិតនៅ ត្រង់ចំណុចនេះ បន្ទាប់ពីទូករបស់ពួកគេលិច។</p>
<p><a class="thickbox" title="" href="/FileManager/Commons/2014/2/7/72794079rescue-07-02-2014--08-42-37.gif"><img src="/FileManager/Articles/mce/2014/2/7/72794079rescue-07-02-2014--08-42-37.gif" alt="" /></a></p>
<p>កាលដែលបានឃើញជនអន្តោប្រវេសន៍ ធ្វើដំណើរពនេចរប្រកបទៅដោយភាពខុសច្បាប់ហើយ នោះ ក្រុមមន្រ្តីជំនាញ ក៏បានចេញយុទ្ធនាការ ចុះទៅជួយសង្គ្រោះផ្ទាល់តែម្តងពោលបាននាំខ្លួន ពួកគេទៅកាន់កំពង់ផែ Augusta កោះធំបំផុត នៅមេដីទែរ៉ានេ កោះ Sicilian ។</p>
<p><a class="thickbox" title="" href="/FileManager/Commons/2014/2/7/italy-lampedusa-ship-migrants-rescued-by-navy-boatjpgprotect0010001000crop658370c-07-02-2014--08-42-46.jpg"><img src="/FileManager/Articles/mce/2014/2/7/italy-lampedusa-ship-migrants-rescued-by-navy-boatjpgprotect0010001000crop658370c-07-02-2014--08-42-46.jpg" alt="" /></a></p>
<p>បន្ថែមពីលើ នេះប្រភពដដែលបន្តអោយដឹងថា ជារៀងរាល់ឆ្នាំ ជនអន្តោប្រវេសន៍ខុសច្បាប់ រាប់ពាន់នាក់ មកពីទ្វីបអាហ្វ្រិក ទ្វីបអាស៊ី ក៏ដូចជា មកពី មជ្ឈឹមបូព៌ា បាននាំគ្នាធ្វើចំណាកស្រុក ដោយខុសច្បាប់ តាមរយៈកូនទូកតូចៗរបស់ខ្លួន នៅលើដែនសមុទ្រ Mediterranean ដើម្បីធ្វើ ដំណើរទៅភាគកណ្តាលទ្វីបអឺរ៉ុប ក្នុងគោលបំណង សុំសិទ្ធជ្រកកោន តែជាអកុសល ជារឿយៗ ពួកគេ រាប់រយនាក់ បានស្លាប់បាត់បង់ជីវិត នៅពេលដែលដំណើរពនេចរ របស់ខ្លួន ទទួល បរាជ័យ៕</p>
<p><object width="500" height="428" data="http://www.youtube.com/v/wu8Sx0NNmUM&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/wu8Sx0NNmUM&rel=1" /></object></p>
<p style="text-align: right;">ប្រែសម្រួល ៖ កុសល<br />ប្រភព ៖ ស្កាយ</p>