<p><span style="color: #000000;">ព័ត៌មានអន្តរជាតិ ៖ អតីតអភិបាលក្រុង Nanjing លោក Ji Jianye ត្រូវបានតុលាការសម្រេចផ្តន្ទាទោសអោយ ជាប់ពន្ធនាគារ រយៈពេល ១៥ ឆ្នាំ កាលពីថ្ងៃអង្គារ ដើមសប្តាហ៍កន្លងទៅនេះ ពាក់ព័ន្ធ នឹងករណី ប្រព្រឹត្តិអំពើ ពុករលួយ ទទួលលុយសំណូកដល់ទៅ ១២ លានយ័ន ។ សេចក្តីរាយការណ៍ បញ្ជាក់អោយដឹងថា លោកគឺ ជា ជនជាប់ចោទចុងក្រោយគេបង្អស់ ដែលត្រូវបានចោទប្រកាន់ទោស ក្រោមយុទ្ធនាការ ប្រ ឆាំងអំពើពុករលួយ របស់ប្រធានាធិបតី លោក Xi Jinping ។ </span></p>
<p><span style="color: #000000;"><a class="thickbox" title="" href="/FileManager/Commons/2015/4/9/50-09-04-2015--11-28-32.jpg"><img src="/FileManager/Articles/mce/2015/4/9/50-09-04-2015--11-28-32.jpg" alt="" /></a><br /></span></p>
<p><span style="color: #000000;">ស្ថិតនៅក្នុងវ័យ ៥៨ ឆ្នាំ អតីតអភិបាលក្រុងរូបនេះ ត្រូវបានចោទប្រកាន់ទោស នៅឯតុលា ការកំពូល Interm - ediate People ក្នុងក្រុង Yantai ខេត្ត Shandong ជាមួយនឹងចម្លើយសារភាព របស់លោក ពិ តជាបានប្រព្រឹត្តិ អំពើពុករលួយពិតប្រាកដមែន ដោយទទួលលុយសំណូកដល់ទៅ ១២ លាន យ័ន អំឡុងឆ្នាំ ១៩៩២ ដល់ឆ្នាំ ២០១៣ ។ សេចក្តីរាយការណ៍ ពីសារព័ត៌មានចិន អោយដឹងថា តុលាការបានរឹបអូស សាច់ប្រាក់ប្រមាណជាង ២លានយ័ន ពីជនជាប់ចោទ ក៏ដូចជា ទ្រព្យសម្បត្តិខុសច្បាប់ កើតចេញពីលុយកខ្វក់ ក្នុង ទំហំទឹកប្រាក់ ១២ លានយ័ន ក្នុងនោះ មានរថយន្តទំនើបតម្លៃ ២៣០,០០០ យ័ន និងផ្ទាំងគំនូរចិន តម្លៃ ៣០,០០០ យ័នជាដើម។ </span></p>
<p><span style="color: #000000;">គួររំឮកថា លោក Ji អាជីពការងាររបស់គាត់ គឺនៅក្នុងវ័យនយោបាយ ក្នុងនោះ លោកបានក្លាយ ជា អភិបាល ក្រុង Nanjing នៅឆ្នាំ ២០១០ ។ លោកទទួលបានងារហៅក្រៅថា "Bulldozer Ji" ឬ " ម៉ាស៊ីន ឈូសដី Ji " ពី សំណាក់ក្រុមប្រជាពលរដ្ឋ ដែលបានចោទប្រកាន់លោក ជាអ្នកបង្កហេតុ ក្នុងទ្រង់ ទ្រាយធំ និង ច្រើនលើក ច្រើនសា ពាក់ព័ន្ធនឹងគម្រោងសាងសង់ផ្សេងៗនៅក្នុងទីក្រុង ៕</span></p>
<p style="text-align: right;"><span style="color: #000000;">ប្រែសម្រួល ៖ កុសល</span></p>
<p style="text-align: right;"><span style="color: #000000;">ប្រភព ៖ សៀងហៃលីស</span></p>