<p><strong>កោះកុង ៖</strong>ទារិកាចម្លែក បានកើតមកហើយ ខុសពីទារកដទៃ គ្មានលលាដ៏ក្បាល មើលទៅហាក់បីដូច ជាមនុស្សក្រៅភព មកចាប់ជាតិ ដោយនៅពីលើក្បាល មានប៉ោងហើយភ្នែក លៀន តែកាយសម្បទា ដូចទារកធម្មតាដែរ ។</p>
<p>តែទារកនេះមិនបានកើតដូចទារិកាដទៃទេ គឺត្រូវការជួយសង្គ្រោះ ពីក្រុមលោកគ្រូពេទ្យ ដោយធ្វើការវះ កាត់ ដើម្បីជួយសង្គ្រោះ ទាំងម្ដាយនិងកូន ។</p>
<p>ទារិកាចម្លែកនេះ ត្រូវបានធ្វើការវះកាត់ នៅវេលាម៉ោង ៣និង៣០នាទីថ្ងៃទី២ ខែមករា ឆ្នាំ ២០១៤ នៅមន្ទីរ ពេទ្យបង្អែក ខេត្ដកោះកុង ។</p>
<p>ក្រុមគ្រូពេទ្យបានឲ្យដឹងថា ឪពុកទារិកានេះ ឈ្មោះ ចិត ភ័ក្ភ អាយុ៣៥ឆ្នាំ មានទីលំនៅ ភូមិតាកាត ឃុំទួល គគីរ ស្រុកមណ្ឌលសីមា ខេត្ដកោះកុង មានមុខរបរនេសាទ ។ ចំណែកម្ដាយមានឈ្មោះ វិត ស្រីម៉ៅ អាយុ ២៣ឆ្នាំ រស់នៅជាមួយគ្នា ។ ចំណែក ទារិកាចម្លែកនេះ ទម្ងន់ ២.៥០គីឡូក្រាម ។</p>
<p>បើតាមសំដី លោក សួន សាមិត្ដ ប្រធានមន្ទីរពេទ្យបង្អែកខេត្តកោះកុង បាននិយាយឱ្យដឹងថា ទារិកា ចម្លែកនេះមិនកើតដូចទារិកាដទៃទេ គឺត្រូវធ្វើការវះកាត់ ដើម្បីជួយម្ដាយ ពីព្រោះម្ដាយ មានសុខភា ព ខ្សោយ ហើយទារិកានេះ កើតដៃមកមុន ដោយឃើញម្ដាយពិបាកពេក ក្រុមលោកគ្រូពេទ្យសម្រេច ធ្វើការវះកាត់តែម្ដង ។</p>
<p>លោក ប្រធានមន្ទីរពេទ្យបង្អែក ខេត្តកោះកុង បានបញ្ជាក់ថា ចំណែកទារិកានេះ មិនអាចរស់បានទេ ព្រោះ នៅពីលើក្បាល គ្មានលាលដ៏ មានតែខួរ ហេតុនេះមិនអាចរស់បានយូរទេ តែពេលនេះទារិកា នៅមានដង្ហើមនៅទ្បើយទេ ។</p>
<p>បើតាមសំដីយាយតាទារិកា បាននិយាយថា គួរឱ្យសោកស្ដាយណាស់ ព្រោះកូននេះកូនទី១ របស់ក្រុម គ្រួសារកូនគាត់ ហើយចម្លែកទៀត ហើយមិនសង្ឃឹមថារស់ទៀត ៕</p>
<p style="text-align: center;"><img src="http://image.dap-news.com:81/dap-news/dap-images/2014/january/id-011/Hong-0050.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2014/january/id-011/Hong-0051.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2014/january/id-011/Hong-0052.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ <a href="http://www.dap-news.com/2011-06-14-02-39-55/78591-2014-01-03-02-33-28.html"><span style="color: #0000ff;">ដើមអំពិល</span></a></p>
<div class="ja-content-bottom clearfix"><span class="st_sharethis_large"><span class="stButton" style="text-decoration: none; color: #000000; display: inline-block; cursor: pointer;"><span class="stLarge" style="background-image: url('http://w.sharethis.com/images/sharethis:2.png');"><br /></span></span></span></div>