<div class="article-content">
<p><strong>កំពង់ឆ្នាំង ៖</strong> គ្រោះធម្មជាតិភ្លៀង ផ្គរ រន្ទះបាញ់ បុរសម្នាក់ បណ្តាលឲ្យឆេះខ្លោចខ្លួន រងរបួស<br />ធ្ងន់ ខណៈបុរសរូប នោះ បានចេញទៅដឹកក្របី នៅឯវាសស្រែ ខាងក្រោយផ្ទះ ។</p>
<p>ហេតុការណ៍ខាងលើនេះ បានកើតឡើងកាលពីវេលា ម៉ោង៥និង៤៥នាទីថ្ងៃទី១៣ ខែមិថុនា <br />ឆ្នាំ២០១៣នៅ ចំណុច ក្តុលចាស់ ស្ថិតក្នុងភូមិដំណាក់អំពិល ឃុំក្រាំងស្គារ ស្រុកទឹកផុស ខេត្ត<br />កំពង់ឆ្នាំង ។ បុរសដែលត្រូវ រន្ទះបាញ់ មាន ឈ្មោះ ឡេង ឈៀង អាយុ៤៤ឆ្នាំ មានទីលំនៅ<br />ក្នុងភូមិ ឃុំកើតហេតុខាងលើ ។</p>
<p>យោងតាមការរៀបរាប់ ក្រុមគ្រួសារជនរងគ្រោះ បានអោយដឹងថា៖ នៅមុនពេលកើតហេតុ <br />មានភ្លៀងធ្លាក់ និង ផ្គរលាន់ផងនោះ ជនរងគ្រោះបានដើរចេញពីផ្ទះ ទៅវាលស្រែខាងក្រោយ<br /> ដើម្បីទៅដឹកក្របី ប៉ុន្តែខណៈដើរទៅ ដល់ មិនទាន់បានស្រាយ ខ្សែក្របីផង ស្រាប់តែត្រូវរន្ទះ<br />បាញ់ បណ្តាលឲ្យឆេះរោល ពេញខ្លួនប្រាណ តែម្តង ។</p>
<p>ក្រោយពេលកើតហេតុ ជនរងគ្រោះត្រូវបានក្រុមគ្រួសារ និងសាច់ញាតិជិតខាង ដឹកបញ្ជូន<br />ភ្លាមៗទៅ សង្គ្រោះនៅ មណ្ឌលសុខភាព តំបន់រ៉ាក្តុល រួចបន្តដឹកតាមរថយន្ត ទៅសង្គ្រោះ<br />ព្យាបាល នៅមន្ទីរពេទ្យបង្អែក ខេត្តកំពង់ឆ្នាំង ៕</p>
<p style="text-align: center;"><img src="http://image.dap-news.com:81/dap-news/dap-images/2013/June/id-078/Lay-224.jpg" alt="Photo by DAP-News" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>