<p><span style="color: #000000;"><strong>(អាហ្វហ្គានីស្ថាន)៖</strong> បន្ទាប់ពីអាមេរិក បានប្រកាសចំនួនបួនថ្ងៃមកហើយថា មេដឹកនាំកំពូល របស់ក្រុមសកម្មប្រយុទ្ធ តាលីបង់លោក Mullah Akhtar Mansour បានស្លាប់ ដោយការវាយប្រហារ របស់យន្តហោះ គ្មានមនុស្សបើកនោះ ឥឡូវក្រុមដែលត្រូវចាត់ទុក ជាពួកភេរវករនេះ បានប្រកាសទទួលស្គាល់ មរណភាពនោះជាផ្លូវការ និងបានតែងតាំង មេដឹកនាំកំពូលថ្មីថែមទៀត។ នេះបើតាមការចេញផ្សាយមុន នេះបន្តិច ដោយ BBC នៅរសៀលថ្ងៃពុធ ទី២៥ ខែឧសភា ឆ្នាំ២០១៦។</span></p>
<p><span style="color: #000000;"><br /><a class="thickbox" title="" href="/FileManager/Commons/2016/5/25/15a-25-05-2016--15-23-46.jpg"><img src="/FileManager/Articles/mce/2016/5/25/15a-25-05-2016--15-23-46.jpg" alt="" /></a><br /></span></p>
<p><span style="color: #000000;">មេដឹកនាំថ្មី ដែលតាលីបង់ បានជ្រោងឲ្យឡើងកាន់តំណែងថ្មីនោះ មានឈ្មោះថា Mawlawi Haibatullah Akhundzada ដែលលោកជាមនុស្សជំនិត របស់មេដឹកនាំចាស់។ គួរបញ្ជាក់ថា លោក Mansour បានស្លាប់ អំឡុងពេលលោកធ្វើដំណើរ តាមរថយន្តនៅខេត្ត បាឡូជីស្ថាន របស់ប្រទេសប៉ាគីស្ថាន កាលពីថ្ងៃសៅរ៍ សប្តាហ៍មុននេះ ហើយក៏ត្រូវបានយន្តហោះអាមេរិក ទម្លាក់គ្រាប់បែកចំពីលើតែម្តង។</span></p>
<p><span style="color: #000000;"><br /><a class="thickbox" title="" href="/FileManager/Commons/2016/5/25/15b-25-05-2016--15-23-55.jpg"><img src="/FileManager/Articles/mce/2016/5/25/15b-25-05-2016--15-23-55.jpg" alt="" /></a><br /></span></p>
<p><span style="color: #000000;">រដ្ឋមន្ត្រីការបរទេសអាមេរិក លោក ចន ឃើរី បានថ្លែងបន្ទាប់ពីការផ្តាច់ជីវិត មេដឹកនាំតាលីបង់នោះថា អាមេរិកបានចាត់ទុកក្រុមនេះ ជាការគម្រាមកំហែងយ៉ាងខ្លាំង ទៅលើប្រតិបត្តិការ នៃកងកម្លាំងអាមេរិក ក្នុងតំបន់អាស៊ីខាងត្បូង ជាច្រើនឆ្នាំមកនេះ៕</span></p>
<p><span style="color: #000000;"><br /><a class="thickbox" title="" href="/FileManager/Commons/2016/5/25/15c-25-05-2016--15-24-03.jpg"><img src="/FileManager/Articles/mce/2016/5/25/15c-25-05-2016--15-24-03.jpg" alt="" /></a><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>