<p><strong>ព័ត៌មានអន្តរជាតិ ៖</strong> អ្នកស្រាវជ្រាវមកពី សារៈមន្ទីរប្រវត្តិសាស្រ្ត ធម្មជាតិរដ្ឋ Utah (Natural <br />History Museum of Utah) បានអះអាងអោយដឹងថា ពួកគេបានរកឃើញនូវផូស៊ីលពូជសត្វ<br />ដាយនូស័រប្រភេទថ្មីមួយ ដែលស៊ីរុក្ខជាតិជាអាហារ មានស្នែងវែង និងច្រមុះធំ នៅឯភាគ<br />ត្បូងរដ្ឋ Utah សហរដ្ឋអាមេរិក នេះបើតាមដកស្រង់អត្ថបទផ្សាយ ពីគេហទំព័រសារព័ត៌មាន<br />ប្លែកបរទេស yahoo ។</p>
<p><a class="thickbox" title="" href="http://camnews.com.kh/FileManager/Commons/2013/7/18/nasutoceratops-compressed-18-07-2013--11-08-46.jpg"><img src="http://camnews.com.kh/FileManager/Articles/mce/2013/7/18/nasutoceratops-compressed-18-07-2013--11-08-46.jpg" alt="" width="445" height="249" /></a><br /> An artist's rendition of Nasutoceratops (Lukas Panzarin)</p>
<p>ដោយមានឈ្មោះថា Nasutoceratops titusi គឺពាក្យដែលបានមកពី Nasutoceratops រួម<br />ផ្សំនឹងពាក្យ titusi ។ Nasutoceratops គឺមានន័យថា "big-nose horned face.” ស្របពេល<br />ដែលពាក្យ titusi គឺបានមកពីឈ្មោះ បាសាណិភូតវិទូ (paleontologist) ឈ្មោះ Alan Titus<br />ដើម្បីជាការស្តែងអោយឃើញពីការគោរពនូវសមិទ្ធផលស្នាដៃ របស់គាត់នៅក្នុងតំបន់។</p>
<p>គួរបញ្ជាក់ផងដែរថា ពូជសត្វដាយនូស័រប្រភេទថ្មីមួយនេះ ត្រូវបានគេបញ្ជាក់អោយដឹងថា<br />វាមានភាពប្លែកទៅនឹងពូជសត្វដាយនូស័រផ្សងៗទៀត ខណៈវាមានស្នែងវែង និងច្រមុះធំ<br />ជាងពូជសត្វដាយនូស័រធម្មតា។ យ៉ាងណាមិញ ប្រភពសារព័ត៌មានដដែល អះអាងបន្ថែម<br />អោយដឹងផងដែរថា ពូជសត្វដាយនូស័រមួយប្រភេទថ្មីនេះ ត្រូវបានគេសន្មត់ថា មានជីវិត<br />រស់នៅលើភពផែនដីនេះ តាំងពី ៧៦ លានឆ្នាំមុនមកម្ល៉េះ ៕</p>
<p style="text-align: right;">ដោយ ៖ មង្គល<br />ប្រភព ៖ yahoo</p>