<p>ពិតជាមានការភ្ញាក់ផ្អើល នៅពេលលទ្ធផលនៃការពិសោធមួយដែលបង្ហាញថា ការដើរផ្សារ <br />ការគេងគ្រប់គ្រាន់ ការចិញ្ចឹមសត្វជាមិត្ត ការលេងល្បែងល្បងប្រាជ្ញា ជាដើម នឹងជាវិធីល្អ ជួយដុតកំទេចថាមពលក្នុងរាងកាយបានយ៉ាងច្រើន និងជួយឱ្យរាងរបស់អ្នក បានស្រឡូន និង<br />ទាក់ទាញ។<br /><br />ខាងក្រោមនេះ គឺជាវិធីសាស្ដ្រមួយចំនួន ដើម្បីជួយធ្វើឱ្យរាងរបស់អ្នក ស្រស់ស្អាត ដោយសារ<br />មិនឡើងទម្ងន់។</p>
<p><strong>ចិញ្ចឹមសត្វជាមិត្ត</strong></p>
<p><a class="thickbox" title="" href="/FileManager/Commons/2013/8/19/slim2-19-08-2013--21-31-49.jpg"><img style="display: block; margin-left: auto; margin-right: auto;" src="/FileManager/Articles/mce/2013/8/19/slim2-19-08-2013--21-31-49.jpg" alt="" /></a><br />មានមនុស្សតិចណាស់ដែលជឿលើប្រការនេះ ប៉ុន្ដែនេះគឺជាការពិត ដែលត្រូវបានបញ្ជាក់ព<br />ដោយក្រុមអ្នកវិទ្យាសាស្ដ្រ ។ ការចិញ្ចឹមសត្វជាមិត្ត អាចជួយឱ្យសុខភាពផ្លូវកាយ និងផ្លូវចិត្ត<br />របស់អ្នកបានល្អប្រសើរ ដោយសារតែវាជួយកាត់បន្ថយភាពតានតឹង នៅពេលអ្នកមានបញ្ហា<br /> តាមរយៈនេះ អ្នកនឹងឆ្លងកាត់ការលំបាកបានដោយងាយ មិនចាំបាច់ពឹងលើការញ៉ាំអាហារដើម្បី<br />បំបាត់ភាពតប់ប្រមល់។ ការចិញ្ចឹមសត្វ ដូចជាសុនខជាដើម វាក៏ជួយឱ្យអ្នកមានឱកាសចេញ<br />ដើរខាងក្រៅបានច្រើនផងដែរ។</p>
<p><strong>ការដើរផ្សារ និងសកម្មភាពប្រចាំថ្ងៃ</strong></p>
<p><a class="thickbox" title="" href="/FileManager/Commons/2013/8/19/girls-are-happy-after-shopping-19-08-2013--21-34-13.jpg"><img style="display: block; margin-left: auto; margin-right: auto;" src="/FileManager/Articles/mce/2013/8/19/girls-are-happy-after-shopping-19-08-2013--21-34-13.jpg" alt="" /></a> <br />ប្រសិនអ្នកគិតថា មានតែការហាត់ប្រាណដោយប្រើកម្លាំងខ្លាំងនៅក្នុងក្លឹបហាត់ប្រាណ ទើប<br />អាចដុតថាមពលក្នុងរាងកាយ នោះគឺជារឿងមិនត្រឹមត្រូវទាំងស្រុងនោះទេ។ សកម្មភាពប្រចាំ<br />ថ្ងៃ ដូចជាការដើរផ្សារ ការប្រើប្រាស់ជណ្ដើរថ្មើរជើង ការធ្វើកិច្ចការផ្ទះនៅពេលយប់ ដូចជា<br />ការសម្អាតផ្ទះជាដើម អាចជួយថែរាងរបស់អ្នក ឱ្យបានស្រឡូន។ សកម្មភាពទាំងនេះ ត្រូវបាន<br />គេអះអាងថា មានប្រសិទ្ធិភាពជាងការហាត់ប្រាណទៅទៀត។</p>
<p><strong>លេងល្បែងប្រើប្រាជ្ញា ឬអានសៀវភៅ<br /></strong></p>
<p><a class="thickbox" title="" href="/FileManager/Commons/2013/8/19/slim3-19-08-2013--21-35-31.jpg"><img style="display: block; margin-left: auto; margin-right: auto;" src="/FileManager/Articles/mce/2013/8/19/slim3-19-08-2013--21-35-31.jpg" alt="" /></a><br />វិធីមួយទៀត ដែលអាចជួយរក្សារាងឱ្យស្រឡូនបានល្អ នោះគឺការប្រើប្រាស់ខួរក្បាល។ ចូរលេងល្បែងដែលមានលក្ខណៈជម្រុញដល់ការគិត ដូចជាការប្រដេញពាក្យ លេងអុក ឬអានសៀវភៅ។ ល្បែងទាំងនេះក៏នឹងជួយឱ្យខួរក្បាលចងចាំបានល្អ និងមិនមានហនិភ័យខ្ពស់ក្នុងការកើតជម្ងឺភ្លេច<br />ភ្លាំង។ ប្រើប្រាស់ខួរក្បាលបែបនេះ ក៏ជួយដល់រាងកាយរបស់អ្នក ក្នុងការរក្សារាង និងស្មារតី។</p>
<p><strong>ដាំស្លដោយខ្លួនឯង</strong></p>
<p><a class="thickbox" title="" href="/FileManager/Commons/2013/8/19/slim4-19-08-2013--21-36-05.jpg"><img style="display: block; margin-left: auto; margin-right: auto;" src="/FileManager/Articles/mce/2013/8/19/slim4-19-08-2013--21-36-05.jpg" alt="" /></a> <br />ការចម្អិនអាហារដោយខ្លួនឯង តែងតែល្អជាងការហូបអាហារស្រាប់ នៅភោជនិយដ្ឋាន។ ក្រោយ<br />ពីបានបំពេញការងារហត់នឿយពេញមួយថ្ងៃ អ្នកប្រហែលជាខ្ជិលធ្វើអាហារដោយខ្លួនឯង ប្រការនេះនឹងនាំឱ្យអ្នកក្លាយជាមនុស្សលើសទម្ងន់ដោយសារអាហារឆ្អិនស្រាប់ដែលអ្នកបញ្ជាទិញនៅ<br />ខាងក្រៅមិនខាន។ ប្រសិនចង់សម្រកទម្ងន់ និងរក្សាសុខភាពបេះដូង យកល្អអ្នកគួរបញ្ចេញកម្លាំង<br />ធ្វើអាហារដោយខ្លួនឯង។</p>
<p><strong>ហាត់ប្រាណតិចៗនៅពេលកំពុងមើលទូរទស្សន៍</strong></p>
<p><a class="thickbox" title="" href="/FileManager/Commons/2013/8/19/slim5-19-08-2013--21-37-29.jpg"><img style="display: block; margin-left: auto; margin-right: auto;" src="/FileManager/Articles/mce/2013/8/19/slim5-19-08-2013--21-37-29.jpg" alt="" /></a><br />រាល់កម្មវិធីទូរទស្សន៍ ប្រាកដជាមានការឃោសនាពាណិជ្ជកម្ម ដូច្នេះនៅពេលដល់ម៉ោងផ្សាយ<br />ពាណិជ្ជកម្ម អ្នកគួរធ្វើកាយវិការខ្លះៗ ដូចជា ការងើបឡើង ដើរទៅបន្ទប់ទឹក ដើរទៅមកមុខទូរ<br />ទស្សន៍។ល។ ការធ្វើបែបនេះ អាចជួយដុតកំទេចជាតិខ្លាញ់បានយ៉ាងច្រើនក្នុងរាងកាយ។</p>
<p><strong>គេងគ្រប់គ្រាន់</strong></p>
<p><a class="thickbox" title="" href="/FileManager/Commons/2013/8/19/slim6-19-08-2013--21-39-40.jpg"><img style="display: block; margin-left: auto; margin-right: auto;" src="/FileManager/Articles/mce/2013/8/19/slim6-19-08-2013--21-39-40.jpg" alt="" /></a><br />នៅក្នុងការពិសោធមួយកាលពីពេលថ្មីៗកន្លងទៅនេះ របស់ក្រុមអ្នកវិទ្យាសាស្ដ្រនៃសកលវិទ្យា<br />ល័យ California លោក Berkeley បានរកឃើញថា ការខ្វះដំណេក ក៏នាំឱ្យលើសទម្ងន់។ ដូច្នេះ<br /> ក្រុមអ្នកវិទ្យាសាស្ដ្រ បានផ្ដល់ដំបូន្មានថា ប្រសិនមិនចង់ធាត់ហួសកម្រិត គួរតែគេងឱ្យបានគ្រប់<br />គ្រាន់។ ការគេងគ្រប់គ្រាន់ ជួយជម្រុញឱ្យខួរក្បាលដំណើរការល្អ ហើយអាចធ្វើការជ្រើសរើស<br />អាហារល្អសម្រាប់សុខភាព តាមរយៈអាហារនេះ វានឹងជួយមិនឱ្យរាងកាយរបស់អ្នកឡើងទម្ងន់៕</p>
<p style="text-align: right;"><br />ដោយ ៖ តារា<br />ប្រភព ៖ Ladyzone<br /><br /></p>