<div class="article-content">
<p><strong>-អធិការនគរបាល ខណ្ឌពោធិ៍សែនជ័យ បញ្ជាឲ្យកសាងសំណុំរឿង បញ្ជូនទៅតុលាការ<br />ចាត់ការ </strong><strong>តាមផ្លូវច្បាប់<br /></strong></p>
<p><strong>ភ្នំពេញ៖</strong> ក្រុមក្មេងទំនើង មិនដែលចូល សាលា៣នាក់ ជិះម៉ូតូ៣គ្រឿង បានប្រើអំពើហិង្សាទៅលើ<br /> អ្នកយកព័ត៌មាន មជ្ឈមណ្ឌលព័ត៌មាន ដើមអម្ពិល លោក ទុយ មែន ដោយស្ទាក់ពីមុខម៉ូតូ និងចាប់<br />ទះកំផ្លៀង ជាច្រើនដៃ បណ្តាលឲ្យរង របួសលើផ្ទៃមុខ ដោយសារតែក្រុមក្មេងពាលទាំងនេះ ខឹង<br />សម្បារនឹង លោក ទុយ មែន បើកម៉ូតូប្រជែងទៅមុន ។</p>
<p>លោក ទុយ មែន ដែលរងនូវការវាយ និងប្រើអំពើហិង្សា ពីសំណាក់ ក្រុមក្មេងទំនើងទាំងនេះ បាន<br />និយាយថា នៅវេលាម៉ោង ប្រមាណ៩៖៣០នាទី យប់ថ្ងៃទី៦ ខែវិច្ឆិកា ឆ្នាំ២០១៣នេះ លោកបានបើក<br />ម៉ូតូ តែម្នាក់ឯង តាមបណ្តោយផ្លូវ២៧១ ដើម្បីទៅយកព័ត៌មាន រថយន្តបុករបាំងចែកទ្រូងផ្លូវ នៅ<br />កន្លែងផ្សេង។</p>
<p>ស្រាប់តែជិះជិតដល់ស្តុបណតប្រ៊ីត ក៏ឃើញម៉ូតូ៣គ្រឿង បើកដោយក្មេងទំនើង៣នាក់នេះ នៅពីខាង<br />មុខ ដោយជិះរេពេញផ្លូវ ហាក់បីដូចជា ផ្លូវទិញដាច់តែម្នាក់ឯង យ៉ាងដូច្នោះ។ លោក ទុយ មែន បាន<br />បន្តទៀតថា ដោយសារតែប្រញាប់ ទៅយកព័ត៌មាន លោកក៏បានបើកម៉ូតូជែងទៅមុន ស្រាប់តែក្រុម<br />ក្មេងទំនើង ទាំងនេះស្រែកថា <strong>«</strong><strong>ហ្អែងខ្លាំងអី ហ៊ានវ៉ាម៉ូតូអញ</strong><strong>»</strong><strong> </strong>ពេលនោះពួកវាក៏ជិះដេញតាមពីក្រោយ<br /> ហើយស្ទាក់ម៉ូតូពីខាងមុខ រួចចុះពីលើម៉ូតូចាប់ទះកំផ្លៀងជាច្រើនដៃតែម្តង។</p>
<p>លោក ទុយ មែន ដែលមានមាឌតូច និងម្នាក់ឯងផងនោះ មិនហ៊ានតបតខ្លាំងនោះ បានត្រឹមតែ ឈ្លោះ<br />ប្រកែកដោយពាក្យ សម្តីជាមួយគ្នា។ ដោយសារតែមានការឈ្លោះទាស់ទែងគ្នា ដោយពាក្យសម្តីយ៉ាង<br />ដូច្នេះ នាំឲ្យមានការភ្ញាក់ផ្អើលនោះ ក្រុមក្មេងទំនើងទាំង៣នាក់ បានបើកម៉ូតូគេចខ្លួន ប៉ុន្តែត្រូវបាន<br />លោក ទុយ មែន ជិះម៉ូតូដេញតាមពីក្រោយដើម្បីថតរូប និងថតស្លាកលេខម៉ូតូយកមកចុះកាសែត។</p>
<p>លោកថា ក្រោយជិះម៉ូតូគេចខ្លួន ជនបង្ក២នាក់ បើកម៉ូតូម៉ាកសេ១២៥ពីរគ្រឿង មួយគ្រឿងពាក់ស្លាក<br />លេខភ្នំពេញ 1BS-1120 ដែលជាជនដៃដល់ បានបើកចូលទៅក្នុងហាង តន្រ្តីខ្មែរ KTV នៅខាងមុខ<br />កងពលតូច ដឹកជញ្ជូនលេខ៩៩ សង្កាត់កាកាប ខណ្ឌពោធិ៍សែនជ័យធ្វើព្រងើយតែម្តង ។ ក្រោយ<br />មានករណីនេះ កើតឡើងទាំងអយុត្តិធម៌ ថ្នាក់ដឹកនាំមជ្ឈមណ្ឌល ព័ត៌មានដើមអម្ពិល បានស្វែងរក<br />អន្តរាគមន៍ភ្លាមៗពីសំណាក់សមត្ថកិច្ច ។</p>
<p>មួយសន្ទុះក្រោមមក នាយនគរបាលប៉ុស្តិ៍កាកាប លោក សាន សែត ដោយទទួលបានបទបញ្ជាពី<br />លោក អធិការនគរបាលខណ្ឌ ប៊ន សំអាត បានដឹកនាំកម្លាំង នគរបាល មួយចំនួនចុះទៅកាន់ ហាង<br />ម៉ាស្សាមួយនេះ ហើយធ្វើការឃាត់ខ្លួន ជនបង្កទាំង២នាក់ និងរឹបអូសម៉ូតូ២គ្រឿង យកទៅសួរនាំ<br />បន្តទៀត ខណៈម្នាក់ទៀតបានរត់គេចខ្លួនបាត់។ យ៉ាងណាក៏ដោយ សមត្ថកិច្ច មិនទាន់ប្រាប់ពីអត្ត<br />សញ្ញាណ ជនបង្កខាងលើនេះទេ ខណៈកំពុងសាកសួរបន្តទៀត។</p>
<p>ជាមួយគ្នានេះ អធិការនគរបាលខណ្ឌពោធិ៍សែនជ័យ លោក ប៊ន សំអាត បានបញ្ជាឲ្យកម្លាំងសមត្ថ<br />កិច្ច របស់លោកបញ្ជូនជនទាំង២នាក់នេះ ទៅតុលាការចាត់ការតាមផ្លូវច្បាប់ដោយគ្មានការយោគ<br />យល់នោះឡើយ។</p>
<p>តាមការឲ្យដឹងពីសមត្ថកិច្ច ជនបង្កទាំង២នាក់នេះ គឺជាអ្នកបើករថយន្តឲ្យលោកជំទាវ ជាប្រពន្ធលោក<br />ឧត្តមសេនីយ៍ម្នាក់ ពាក់ផ្គាយ៣ ក្នុងជួរទាហាន ។</p>
<p>ប៉ុន្តែចំពោះករណីនេះ មជ្ឈមណ្ឌលព័ត៌មានដើមអម្ពិលសូមធ្វើការអំពាវនាវ ដល់សមត្ថកិច្ច ចាត់ការ<br />តាមផ្លូវ និងតឹងរឹងបំផុត ដាច់ខាតមិនត្រូវដោះលែង ជនបង្កនោះទេ៕</p>
<p style="text-align: center;"><img src="http://111.92.240.170:81//dap-news/dap-images/2013/September/id-007/Pheak-0591.jpg" alt="Photo by DAP-NEWS" width="500" /></p>
<p style="text-align: center;"><strong>ក្មេងទំនើងត្រូវបានសមត្ថកិច្ចចាប់ខ្លួន ខណៈកំពុងចូលនៅក្នុងហាងម៉ាស្សាខាងលើ</strong></p>
<p style="text-align: center;"><img src="http://111.92.240.170:81//dap-news/dap-images/2013/September/id-007/Pheak-0592.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81//dap-news/dap-images/2013/September/id-007/Pheak-0593.jpg" alt="Photo by DAP-NEWS" width="500" /></p>
<p style="text-align: center;"><strong>ក្មេងទំនើងម្នាក់នេះ ឈរច្រត់ចង្កេះ សម្តែងឫកពារថា គ្មានបញ្ហា គួរឲ្យខ្លាច ត្រឹមសមត្ថកិច្ចចាប់ខ្លួន</strong></p>
<p style="text-align: center;"><img src="http://111.92.240.170:81//dap-news/dap-images/2013/September/id-007/Pheak-0594.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81//dap-news/dap-images/2013/September/id-007/Pheak-0595.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81//dap-news/dap-images/2013/September/id-007/Pheak-0596.jpg" alt="Photo by DAP-NEWS" width="500" /></p>
<p style="text-align: center;"><strong>ម៉ូតូរបស់ក្រុមក្មេងទំនើង និងសមត្ថកិច្ច នៅពេលចូលទៅក្នុងហាងម៉ាស្សា</strong></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល<strong><br /></strong></p>
</div>