<div class="article-content">
<p><strong>ភ្នំពេញៈ</strong> កម្លាំងកងរាជអាវុធហត្ថលើផ្ទៃប្រទេស បានចេញប្រតិបត្តិការស៊ើបអង្កេត និងស្រាវ<br />ជ្រាវឃាត់ខ្លួន ជនជាតិ ស្បែកខ្មៅ២នាក់ ដែលមានបច្ចេកទេសខ្ពស់ប្រើកាត ATM លួចដក<br />ប្រាក់ពីម៉ាស៊ីដកប្រាក់ស្វ័យប្រវត្តិ របស់ធនា គារ SBC ជាង ១០ម៉ឺនដុល្លារ កាលពីថ្ងៃទី១២<br />ខែមេសា ឆ្នាំ២០១៣។</p>
<p>ស្នងការរង ស្នងការដ្ឋានស្រាវជ្រាវ និងយុត្តិធម៌ លោកឧត្ដមសេនីយ៍ត្រី សៀ សម្បត្តិ បានមាន<br />ប្រសាសន៍ថា បន្ទាប់ពីទទួលបានបញ្ជាពី នាយឧត្ដមសេនីយ៍ សៅ សុខា អគ្គមេបញ្ជាការរង<br /> លើផ្ទៃប្រទេស បានសហការជាមួយធនាគារសិង្ហបូរីចំ កាត់ (SBC) ចុះស្រាវជ្រាវរកជន ដែល<br />បានប្រើកាត ATM ក្លែងក្លាយលួចដកប្រាក់ពីម៉ាស៊ីន ដកប្រាក់ស្វ័យប្រវត្តិ របស់ធនាគារនៅ<br />តាមទីសាធារណៈ រហូតឈានដល់ឃាត់ខ្លួនជនសង្ស័យទាំង២នាក់នេះតែម្តង។</p>
<p>យោងតាមពាក្យបណ្តឹងរបស់ធនាគារ SBC លោកឧត្ដមសេនីយ៍ត្រី សៀ សម្បត្តិ រៀបរាប់ឲ្យដឹង<br />ថា កាលពីខែមីនា ឆ្នាំ២០១៣ មានសកម្មភាពដកប្រាក់ខុសប្រក្រតី ពីម៉ាស៊ីនដកប្រាក់ស្វ័យ<br />ប្រវត្តិ របស់ធនាគារ SBC ខាងធនាគារក៏ ចាត់បុគ្គលិកចុះត្រួតពិនិត្យតាមម៉ាស៊ីន ATM មួយចំនួន<br />ក្នុងរាជធានីភ្នំពេញ ក៏បានឃើញកាត ATM ក្លែងក្លាយជាច្រើនជាប់ក្នុងម៉ាស៊ីនដកប្រាក់ស្វ័យប្រវត្តិ។</p>
<p>តាមពាក្យបណ្តឹងរបស់ធនាគារបន្តរៀបរាប់ថា ក្រោយពីកើតមានករណីបែបនេះ ធនាគារក៏បានឆែក<br />មើលកាមេរ៉ា តាមម៉ាស៊ីន ក៏បានឃើញជនបរទេស មានគ្នា ៣នាក់ បានធ្វើសកម្មភាពដកប្រាក់ពី<br />ម៉ាស៊ីន ATM ក្នុងមួយលើក ប្រើរយៈពេលចាប់ពី១០ ទៅ២០នាទី ហើយផ្លាស់ប្ដូរគ្នា និងផ្លាស់ប្ដូរទី<br />កន្លែងដកប្រាក់។</p>
<p>បន្ទាប់ពីទទួលបានពាក្យបណ្តឹងរួមនឹងតម្រុយជាភស្តុតាងជាប់នឹងកាមេរា សុវត្ថិភាពហើយនោះ <br />កម្លាំងការិយា ល័ យស្រាវជ្រាវបទល្មើសព្រហ្មទណ្ឌ អ.ហ.ផ.ទ សហការជាមួយធនាគារ បាន<br />ចាត់ឲ្យកម្លាំងឃ្លាំមើល។ លុះដល់ថ្ងៃ ទី១២ ខែមេសា ឆ្នាំ២០១៣ ម៉ោងប្រហែល ១០ និង៣០<br />នាទី ក៏បានប្រទះឃើញជនសង្ស័យ ២នាក់ មកដកប្រាក់ ពីម៉ាស៊ីន ATM ពេលនោះកម្លាំង អ.ហ ក៏ឃាត់ខ្លួនជនសង្ស័យទាំងពីរនាក់ខាងលើនោះតែម្ដង។</p>
<p>យោងតាមព័ត៌មានពីកម្លាំង អ.ហ បានឲ្យដឹងផងដែរថា ចំនួនទឹកប្រាក់ដែលជនសង្ស័យបានលួច<br />ដកចេញពីម៉ា ស៊ីន ATM រយៈពេល១០ថ្ងៃ ចាប់ពីថ្ងៃទី ០២ ខែ មេសា ឆ្នាំ២០១៣ ដល់ថ្ងៃទី១២ <br />ខែ មេសា ឆ្នាំ២០១៣ សរុប ចំនួន ១៣៣.១៩៨ដុល្លាសហរដ្ឋអាមេរិក។ ក្នុង១ថ្ងៃម្នាក់អាចដកប្រាក់<br />បានពី ២.០០០ទៅ៧.០០០ដុល្លារ សហ រដ្ឋអាមេរិក ។</p>
<p>លោកវរសេនីយ៏ឯក គង់ សត្ថារិន នាយការិយាល័យស្រាវជ្រាវបទល្មើសព្រហ្មទណ្ឌ បានបញ្ជាក់<br />ថា ជនសង្ស័យ ទាំង២នេះ ទី១. ឈ្មោះ Delvin Joseph ភេទប្រុស អាយុ ៣១ឆ្នាំ ជនជាតិម៉ាឡេ<br />ស៊ី មុខរបរ មិនពិតប្រាកដស្នាក់ នៅបន្ទប់ លេខ៥០៧ សណ្ឋាគារ ម៉ូណែតភ្នំពេញ ផ្លូវព្រះមុនី្នវង្ស <br />សង្កាត់បឹងកេងកង៣ ខណ្ឌចំការមន រាជធានីភ្នំ ពេញ។ ឃាត់ខ្លួននៅចំណុចម៉ាស៊ីនដកប្រាក់ស្វ័យ<br />ប្រវត្តិ របស់ធនាគារសិង្ហបូរីចំកាត់ ផ្លូវព្រះនរោត្ដម សង្កាត់ទន្លេ បាសាក់ ខណ្ឌចំការមន រាជធានីភ្នំ<br />ពេញ។</p>
<p>ទី២. ឈ្មោះ Aruna Salam Vinoraj ភេទប្រុស អាយុ៣៤ឆ្នាំ ជនជាតិស្រីលង្កា មុខរបរមិនពិតប្រា<br />កដ ស្នាក់នៅ ផ្ទះជួលក្នុងសង្កាត់ស្ទឹងមានជ័យ ខណ្ឌមានជ័យ រាជធានីភ្នំពេញ។ ឃាត់ខ្លួននៅ<br />ចំណុចម៉ាស៊ីនដកប្រាក់ស្វ័យប្រវត្តិ របស់ធនាគារសិង្ហបូរីចំកាត់ ផ្លូវលេខ១៣ សង្កាត់ជ័យជំនះ<br /> ខណ្ឌដូនពេញ រាជធានីភ្នំពេញ ។</p>
<p>លោកវរសេនីយ៏ឯក គង់ សត្ថារិន បានបញ្ជាក់បន្ថែមថា ជនទាំងពីរនាក់នេះ មានមេក្លោងនៅពី<br />ក្រោយខ្នង មាន ឈ្មោះ Mal ភេទ ប្រុស អាយុ ៤០ឆ្នាំ ជនជាតិសិង្ហបូរី និងឈ្មោះ Rej ភេទប្រុស<br /> អាយុប្រហែល ៣០ឆ្នាំ ជាជន ជាតិឥណ្ឌា ជាអ្នកបង្ហាត់បង្រៀន និងប្រគល់កាត ATM ក្លែងក្លាយ ដើម្បីលួចដកប្រាក់ពីម៉ាស៊ីនស្វ័យប្រវត្តិនៅតាម ទីសាធារណ:។</p>
<p>លោកឧត្តមសេនីយ៏ត្រី សៀ សម្បត្តិ បានមានប្រសាសន៍ថា ប្រតិបត្តិការនេះ គឺមានការដឹកនាំ<br />សម្របសម្រួលការ ងារ ដោយលោក សៀង សុខ ព្រះរាជអាជ្ញារង អមសាលាដំបូងរាជធានី<br />ភ្នំពេញ។</p>
<p>ក្រោយឃាត់ខ្លួនជនសង្ស័យទាំងពីរខាងលើ ត្រូវបានការិយាល័យស្រាវជ្រាវបទល្មើសព្រហ្មទណ្ឌ<br /> កសាងសំណុំ រឿងបញ្ជូនទៅសាលាដំបូងរាជធានីភ្នំពេញ ចាត់ការតាមនីតិវិធី។ ចំពោះថវិកាដែល<br />ដកហូតបានពីជនសង្ស័យទាំង ពីរខាងលើត្រូវបានកម្លាំង អ.ហ ប្រគល់ឲ្យតំណាងធនាគាសិង្ហបូរី<br />វិញ៕</p>
<p style="text-align: center;"><img src="http://111.92.240.170:81/dap-news/dap-images/2013/April/id-009/ST-041.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81/dap-news/dap-images/2013/April/id-009/ST-042.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81/dap-news/dap-images/2013/April/id-009/ST-043.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81/dap-news/dap-images/2013/April/id-009/ST-044.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81/dap-news/dap-images/2013/April/id-009/ST-045.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81/dap-news/dap-images/2013/April/id-009/ST-046.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81/dap-news/dap-images/2013/April/id-009/ST-047.jpg" alt="Photo by DAP-NEWS" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>