<p><strong>ភ្នំពេញ៖</strong> តារាសម្ដែង និងម៉ូដែលអ្នកនាង ម៉ានីតា បានបញ្ចប់ភាព នៅលីវរបស់ខ្លួនហើយ កាលពីថ្ងៃទី៦ ខែមិថុនាឆ្នាំ២០១៤កន្លងទៅនេះ ដោយសម្រេច រៀបអាពាហ៍ពិពាហ៍ ជាមួយ លោក ឌី ចាន់រតនៈ បម្រើការងារនៅក្នុង ក្រុមហ៊ុនទេសចរណ៍ ក្នុងស្រុកមួយ។ នៅក្នុងពិធីអាពាហ៍ពិពាហ៍ របស់ ម៉ានីតា ដែលបានរៀបចំធ្វើឡើង នៅមជ្ឈមណ្ឌលកោះពេជ្រ គឺមានភ្ញៀវកិត្តិយស ជាតារាសម្តែង និងតារាចម្រៀងល្បីឈ្មោះ មួយចំនួនមកចូលរួម អបអរសាទរយ៉ាងច្រើនកុះករ។</p>
<p>ប្រាប់គេហទំព័រ LookingTODAY កាលពីពេលថ្មីៗ កន្លងមកនេះ អតីតាសម្តែងអ្នកនាង ម៉ានីតា បាននិយាយថា ពិធីអាពាហ៍ពិពាហ៍របស់នាង ធ្វើឡើងកាលពីថ្ងៃទី៦ ខែមិថុនាឆ្នាំ២០១៤ គឺនាងបានអញ្ជើញភ្ញៀវចូល រួមមានប្រមាណជាង ៧០ តុ ក្នុងនោះ មានភ្ញៀវជាមិត្តសិល្បៈ ធ្លាប់រួមអាជីពជាងពាក់កណ្ដាល ។</p>
<p>អតីតតារាសម្តែង នាង ម៉ានីតា បាននិយាយបន្តថា នាងនិងស្វាមី លោក ឌី ចាន់រតនៈ បានស្គាល់ និងស្រឡាញ់គ្នាជិតពីរ ឆ្នាំមកហើយ ដូច្នេះទើបអ្នកទាំងពីរ សម្រេចចិត្តដឹកដៃគ្នា ចូលរោងជ័យគោរព ទៅតាមប្រពៃណីទំនៀមទម្លាប់របស់ខ្មែរ នៅថ្ងៃទី៦ នេះតែម្តង។ ទន្ទឹមនឹងនោះ ម៉ានីតា បានបញ្ជាក់ថា នាង និងលាឈប់ពីសិល្បៈទាំងស្រុង ក្រោយរៀបមង្គលការរួច ទៅចាប់អាជីថ្មីផ្ទាល់ខ្លួន គឺបើកហាងសាឡង។</p>
<p>នៅពេលសួរថា តើ នីតា មានគម្រោងយកបុត្រ នៅពេលណាក្រោយថ្ងៃ រៀបអាពាហ៍ពិពាហ៍ ? ចំពោះសំណួរនេះ ត្រូវបានអ្នកនាង ម៉ានីតា ឆ្លើយទាំងសម្តី រួសរាយមកវិញថា "ចាស់..បង ! បើតាមគំនិតខ្ញុំ ប្រហែលជា៣ ឆ្នាំទៀត ទើបយកបុត្រ ព្រោះចង់ទុកឱកាស រកលុយមួយរយៈសិន ។ សម្រាប់ខ្លួនខ្ញុំផ្ទាល់ ចង់បានកូនចំនួន២នាក់តែប៉ុណ្ណោះ គឺ ប្រុសម្នាក់ និង ស្រីម្នាក់..!"។</p>
<p>យ៉ាងណាក្តីអ្នកនាង ម៉ានីតា បានបន្ថែមថា សម្រាប់ខ្លួននាង និង ស្វាមី បានស្រឡាញ់គ្នា ដោយចិត្តនិង ចិត្តម្យ៉ាងទៀត មុនសម្រេចចិត្តចូលរោងជ័យនេះ គឺបានមើលចិត្តនិង ស្វែងយល់ពីគ្នាអស់ហើយ ទើបឈានដល់ដំណាក់ កាលនៃការរៀប អាពាហ៍ពិពាហ៍ជាប្ដីប្រពន្ធ ទៅថ្ងៃអនាគត៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/June/id-098/S_0122.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/June/id-098/S_0123.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/June/id-098/S_0124.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/June/id-098/S_0125.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/June/id-098/S_0126.jpg" alt="" width="600" /></p>
<p style="text-align: right;"><a href="http://lookingtoday.com/index.php/entertainment-general-news/31212---q-q.html" target="_blank">ផ្តល់សិទ្ធដោយ ៖ ដើមអម្ពិល</a></p>