<p><span style="color: #000000;">ព័ត៌មានកីឡាករ៖ Lionel Messi ទំនងជាទទួលរងឥទ្ធិពលពីការបរាជ័យ សម្លេងអ្នកគាំទ្រថ្ងៃបោះឆ្នោតវាយតម្លៃកីឡាករឆ្នើមប្រចាំឆ្នាំ ២០១៤ ដោយលទ្ធផល Cristiano Ronaldo ទទួលបានពិន្ទុច្រើនជាងដាច់ ហេតុដូច្នោះហើយ បន្ទាប់ពីកម្មវិធីចប់ កីឡាករបានប្រើភ្លើងសញ្ញាដាស់អារម្មណ៍ បណ្ដាក្លឹបនៅ Premier League ឲ្យងើបមកចាប់អារម្មណ៍ខ្លួនឡើងវិញ។</span></p>
<p><span style="color: #000000;">យោងតាមការលើកឡើងរបស់ គេហទំព័រអន្ដរជាតិ mirror បានឲ្យដឹងថា Lionel Messi បានដាស់សតិអារម្មណ៍ក្រុមក្លឹបនៅ Premier league សាជាថ្មី ក្រោយពីកីឡាករបានមើលឃើញពីលទ្ធផលជាក់ស្ដែងថា គាត់ត្រូវបរាជ័យក្រោមដៃ Ronaldo ម្ដងទៀត ក្រោយពីធ្លាប់បរាជ័យ ២ ដងរួចមកហើយ ។ លទ្ធផលនៃការបង្ហាញពេលនោះ បានជះឥទ្ធិពលដល់គាត់ រហូតដល់ថ្នាក់ហ៊ាននិយាយប្រាប់អ្នកសារព័ត៌មានថា គាត់មិនដឹងថាត្រូវទៅលេងនៅខាងណាឲ្យប្រាកដនោះទេ សម្រាប់រដូវកាលក្រោយនេះ។ កន្លងមកគាត់តែងតែទទួចថា គាត់និងមិនចាកចេញពី Barcelona ឡើយ ប៉ុន្ដែវាសនាមនុស្ស មិនអាចទៀងទាត់ ជាពិសេស ហេតុការណ៍ដែលកើតឡើងក្នុងរាត្រីនេះជាដើម ។ </span></p>
<p><span style="color: #000000;">ពាក្យសម្ដីប៉ុន្មានឃ្លាចុងក្រោយរបស់ កីឡាករ នេះពិតជាធ្វើឲ្យ Chelsea និង Manchester City ភ្ញាក់ពីគេងឡើងវិញ ក្រោយពីក្រុមទាំង ២ បានគេងលក់បាត់ម្ដងទៅហើយ ខណៈពេលកីឡាករបានចេញរបាយការណ៍ចុងក្រោយ ថា មិនព្រមផ្ទេរជើងទៅខាងណាទាំងអស់។ </span></p>
<p><span style="color: #000000;"><a class="thickbox" title="" href="/FileManager/Commons/2015/1/13/1-13-2015-10-26-53-am-13-01-2015--10-33-40.png"><span style="color: #000000;"><img src="/FileManager/Articles/mce/2015/1/13/1-13-2015-10-26-53-am-13-01-2015--10-33-40.png" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2015/1/13/1-13-2015-10-27-34-am-13-01-2015--10-33-56.png"><span style="color: #000000;"><img src="/FileManager/Articles/mce/2015/1/13/1-13-2015-10-27-34-am-13-01-2015--10-33-56.png" alt="" /></span></a><br /></span></p>
<p style="text-align: right;"><br /><span style="color: #000000;">ដោយ៖ អឿ អ៊ុយ</span></p>
<p style="text-align: right;"><span style="color: #000000;">ប្រភព៖ Mirror</span></p>
<p> </p>