<div class="article-content">
<p><strong>ភ្នំពេញ ៖</strong> កូនប្រុសតិរច្ឆានម្នាក់ ត្រូវបានសាច់ញាតិ ចាប់ប្រគល់ឱ្យសមត្ថកិច្ចមូលដ្ឋាន ក្រោយពី<br />ច្របាច់ក ម្ដាយបង្កើតរបស់ខ្លួន និងបានបំផ្លិចបំផ្លាញទ្រព្យសម្បត្ដិក្នុងផ្ទះ ដោយសារតែខឹងទារ<br />លុយម្ដាយមិនបាន កាលពីវេលាម៉ោង ១០និង៣០នាទីព្រឹកថ្ងៃទី០៥ ខែសីហា ឆ្នាំ២០១៣ ស្ថិត<br />នៅផ្ទះលេខ៧៨ ផ្លូវរថភ្លើង ភូមិដំណាក់ សង្កាត់ភ្នំពេញថ្មី ខណ្ឌសែនសុខ ។</p>
<p>យោងតាមរបាយការណ៍ របស់ខណ្ឌសែនសុខបានឱ្យដឹងថា កូនប្រុសរមើលគុណរូបនេះ ឈ្មោះ<br /> ចាន់ តាល់បុបា្ជ អាយុ ៣០ ឆ្នាំ មុខរបរ នៅផ្ទះ រីឯកស្ដ្រីជាម្ដាយឈ្មោះ សេង ស៊ីម អាយុ៦៧ឆ្នាំ ។</p>
<p>បើយោងតាមសមត្ថកិច្ច មុនពេលកើតហេតុ នៅពេលដែលម្ដាយកំពុងនៅក្នុងផ្ទះ កូនប្រុសរូបនេះ<br /> បានទៅ ទារលុយពីម្ដាយ ប៉ុន្ដែ ម្ដាយមិនឱ្យក៏វាយបំផ្លាញទ្រព្យសម្បត្ដិក្នុងផ្ទះបណ្ដាលឱ្យខូចខាត <br />ដូចជា ពាងទឹក កៅអី ឆ្នាំងចាន និងផើងផ្កាជាដើម ។ មិនអស់ចិត្ដកូនប្រុសរមើលគុណ ចូលនរក<br />១៧ជាន់រូបនេះ បានទៅ ច្របាច់កម្ដាយធ្វើឱ្យភ្ញាក់ផ្អើលដល់បងប្អូន និងប្រជាពលរដ្ឋនៅក្បែរខាង <br />ហើយឃាត់ខ្លួនយក ទៅប្រគល់ ឱ្យសមត្ថកិច្ចចាត់ការតាមផ្លូវច្បាប់តែម្ដងទៅ ។ បច្ចុប្បន្នជនសង្ស័យ<br />រូបនេះ ត្រូវបានឃុំខ្លួនជាបណ្ដោះ អាសន្ននៅអធិការដ្ឋាននគរបាល ខណ្ឌសែនសុខ ដើម្បីកសាង<br />សំណុំរឿងបញ្ជូនទៅតុលាការចាត់ការតាម ផ្លូវច្បាប់ ៕</p>
<p style="text-align: center;"><img src="http://image.dap-news.com:81/dap-news/dap-images/2013/August/id-067/CH-0072.jpg" alt="" width="550" /></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>
</div>