<div class="article-content">
<p class="font-null"><strong>ស្ទឹងត្រែង៖</strong> ចៅក្រមនៃ សាលាដំបូង ខេត្តស្ទឹងត្រែង កាលពី រសៀលថ្ងៃទី២៣ ខែមេសា ឆ្នាំ២០១៣<br /> បានសម្រេចឃុំខ្លួន ស្រ្តីជនជាតិ វៀតណាមម្នាក់ ពីបទយកឡាម អារលិង្គប្តី របស់ខ្លួន ដោយសារតែ<br />ខឹងលួចមានស្រីក្រៅផ្ទះ។</p>
<p class="font-null">សមត្ថកិច្ច ខេត្តស្ទឹងត្រែង បានឲ្យដឹងថា ស្រ្តីជនជាតិវៀតណាម ប្រាក់ សុគន្ធា ហៅ យ៉ាវ ត្រូវបាន<br />សមត្ថកិច្ច ឃាត់ខ្លួនបញ្ជូនទៅតុលាការ កាលពីថ្ងៃទី២១ ខែមេសា ឆ្នាំ២០១៣ នៅភូមិព្រែក សង្កាត់<br />ស្ទឹងត្រែង ក្រុងស្ទឹងត្រែង ខេត្តស្ទឹងត្រែង ក្រោយពីស្រ្តីរូបនេះបាន យកឡាមអារលិង្គប្តីរបស់ខ្លួន <br />បណ្តាលឲ្យរងរបួសធ្ងន់ ។</p>
<p class="font-null">បើតាមសមត្ថកិច្ច នៅថ្ងៃកើតហេតុ ជនរងគ្រោះឈ្មោះ អ៊ុំ វុទ្ធី អាយុជាង៤០ឆ្នាំ ត្រូវបានស្រ្តីជាភរិយា<br /> ហៅចូលបន្ទប់ ដើម្បីចង់រួមភេទ ហើយនៅពេលនោះ ទំនងប្រដាប់ភេទ របស់ប្តី មិនឡើង ជាហេតុ<br />នាំឲ្យប្រពន្ធ ខឹងហើយចោទថា ប្តីរូបនេះទំនងមាន ស្រីក្រៅផ្ទះ ហើយទើបនឹងរួមភេទ ស្រាប់តែយក<br />ឡាម មកអារប្រដាប់ភេទប្តី បណ្តាលឲ្យ រងរបួសធ្ងន់ ស្ទើរដាច់ជាពីរ។</p>
<p class="font-null">ក្រោយមាន ករណីនេះកើតហេតុ បុរសជាប្តី បានប្តឹងសមត្ថកិច្ច ហើយក៏សមត្ថកិច្ច ឈានទៅឃាត់<br />ខ្លួនស្រ្តីរូបនេះតែម្តង។ យ៉ាងណាក៏ដោយ ក្រោយចាប់ខ្លួនស្រ្តី ជាប្រពន្ធ បុរសជាប្តី ទំនង មានចិត្ត<br />អាណិត អាសូរ ក៏សុំឲ្យសមត្ថកិច្ច ដោះលែងវិញ ប៉ុន្តែតាមច្បាប់ ស្រ្តីជាភរិយា ត្រូវបានតុលាការ <br />សម្រេចឃុំខ្លួនរង់ចាំ ការបើកសវនាការ នៅពេលក្រោយ។</p>
<p class="font-null">ជាមួយគ្នានេះ បើតាមប្រភព័ត៌មាន មួយចំនួន កាលពីពេលកន្លងទៅ ស្រ្តីជាភរិយារូបនេះ ធ្លាប់លួច<br />មាន សាហាយស្មន់ផងដែរ ប៉ុន្តែក្រោយមក មានការត្រូវរ៉ូវ គ្នាវិញទើបតែពេលនេះស្រ្តី ជាភរិយាចោទ<br />ថា ប្តីមានស្រីថ្មីវិញម្តង៕</p>
<p class="font-null" style="text-align: right;">ផ្តល់សិទ្ធិដោយ៖ ដើមអំពិល</p>
</div>