<div class="article-content">
<p><strong>ភ្នំពេញៈ</strong> កងទ័ពកម្ពុជានឹងធ្វើលំហាត់បាញ់គ្រាប់ពិត BM-21 និងកាំភ្លើងធំ១៣០ម.ម ជាច្រើនគ្រាប់<br />នៅស្រុកភ្នំស្រួច ខេត្តកំពង់ស្ពឺ រយៈពេល២ថ្ងៃចាប់ពីថ្ងៃទី០១-០២ ខែមេសា ឆ្នាំ២០១៣ ដើម្បីពង្រឹង<br />សមត្ថភាពរបស់ខ្លួន។</p>
<p>លោកនាយឧត្តមសេនីយ៍ ប៉ុល សារឿន អគ្គបញ្ជាការកងទ័ពជើងគោក នៃកងយោធពលខេមរភូមិន្ទ<br />នៅថ្ងៃទី២៧ ខែមីនា ឆ្នាំ២០១៣ បានថ្លែងឲ្យដឹងតាមលិខិតជូនដំណឹងមួយច្បាប់ថា រយៈពេល២ថ្ងៃ<br />ដើមខែមេសា នឹងមានការ បាញ់គ្រាប់កាំភ្លើងពិតកាំភ្លើងប្រតិកម្ម BM-21 និងកាំភ្លើងធំ ១៣០ម.ម<br /> រយៈចម្ងាយឆ្ងាយនៅតំបន់ÀCO ស្រុកភ្នំ ស្រួច ខេត្តកំពង់ស្ពឺ មកតំបន់ភ្នំចង្អោធំ ជាប់ព្រំប្រទល់ស្រុក<br />បសេដ្ឋ ស្រុក ភ្នំស្រួច និងស្រុកសំរោងទង។</p>
<p>ឧត្តមសេនីយ៍ផ្កាយមាស៤ ប៉ុល សារឿន នៅក្នុងលិខិតនោះ បានអំពាវនាវឲ្យសាធារណជនទូទៅ <br />ដែលរស់នៅ ក្នុងរាជធានីភ្នំពេញ ខេត្តកំពង់ស្ពឺ ខេត្តកំពង់កណ្តាល និង ខេត្តតាកែវ កុំមានការភ្ញាក់<br />ផ្អើលរាល់សំឡេងស្នូរ នៃកាំ ភ្លើង ព្រមទាំងហាមឃាត់ការហោះហើរឆ្លងកាត់តំបន់ខាងលើជាដាច់<br />ខាត។</p>
<p>ឧបនាយករដ្ឋមន្រ្តី រដ្ឋមន្រ្តីក្រសួងការពារជាតិនាយឧត្តមសេនីយ៍ ទៀ បាញ់ ធ្លាប់បានមានប្រសាសន៍<br />កាលពីពេល កន្លងទៅថា ការបាញ់នេះវាមិនមែនជាការចម្លែកនោះទេ គ្រាន់តែជាការអនុវត្តន៍ជាក់<br />ស្តែងរបស់កងទ័ព។</p>
<p>លោកនាយឧត្តមសេនីយ៍បានបញ្ជាក់ថា «ធំបំផុតពេលដែលយើងបានហ្វឹកហ្វឺន រៀននូវបច្ចេកវិទ្យាថ្មី យើងត្រូវតែមានការអនុវត្តន៍ជាក់ស្តែង។ បើតាមខ្ញុំដឹងទាក់ទងនឹងប្រភេទអាវុធខ្លះ យើងត្រូវតែប្រើ<br />ប្រាស់វាពិតប្រាកដ វានឹងផ្តល់ ភាពជឿជាក់អំពីអនុភាពរបស់វា»។</p>
<p>សម្តេចតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា ធ្លាប់បានថ្លែងក្នុងពិធីបិទវគ្គជំនាន់<br />ទី១ នៅវិទ្យាស្ថានកងទ័ពជើងគោកកាលពីថ្ងៃទី២៤ ខែមករា ឆ្នាំ២០១៣ថា ការហ្វឹកហ្វឺនតាមបណ្តាកង<br />ឯកភាពត្រូវធ្វើឲ្យ បានជាប់ជាប្រចាំ ដើម្បីរំលឹក និងសាកល្បងមុនការប្រយុទ្ធ ឬបំពេញបេសកកម្មអ្វី<br />មួយនិងជាសកម្មភាពអនុវត្ត ជាក់ស្តែងនៅលើភូមិសាស្រ្ត ដែលអង្គភាពនីមួយៗទទួលខុសត្រូវ៕</p>
<p style="text-align: center;"><img src="http://111.92.240.170:81/dap-news/dap-images/2013/March/id-009/S-158.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81/dap-news/dap-images/2013/March/id-009/S-01.png" alt="Photo by DAP-NEWS" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>