<p>នៅក្នុងច្បាប់របស់កុលសម្ព័ន្ធ Bishnoi នៅឥណ្ឌា មានប្រការខ្លះ បានហាមមិនឱ្យប្រមាញ់សត្វ <br />សម្លាប់សត្វជាអាហារ មិនថាសត្វចិញ្ចឹម ឬសត្វព្រៃ។</p>
<p><a class="thickbox" title="" href="/FileManager/Commons/2013/9/5/village-safari-5-05-09-2013--17-04-45.jpg"><img style="display: block; margin-left: auto; margin-right: auto;" src="/FileManager/Articles/mce/2013/9/5/village-safari-5-05-09-2013--17-04-45.jpg" alt="" /></a><br />រាប់រយឆ្នាំមកនេះ ជនជាតិ Bishnoi នៅប្រទេសឥណ្ឌា នៅតែរក្សាចិត្តស្មោះចំពោះច្បាប់សាសនា<br />ដ៏តឹងរឹងរបស់កុលសម្ព័ន្ធខ្លួន។ ពួកគេមិនកាប់ដើមឈើដែលកំពុងមានជីវិត និងមិនហូបសាច់<br />សត្វ។ ពួកគេតែងជួយដល់សត្វដែលត្រូវរបួស ជាងនេះ ស្ដ្រីជនជាតិ Bishnoi ថែមទាំងចិញ្ចឹម<br />សត្វដែលទើបកើត ដោយទឹកដោះរបស់ខ្លួន។<br /><br /><strong>ប្រព្រឹត្ដល្អចំពោះសត្វ និងមិនសម្លាប់សត្វ</strong></p>
<p>Bishnoi គឺជាជនជាតិដែលរស់នៅក្នុងតំបន់សមុទ្រខ្សាច់ Thar រដ្ឋ Rajasthan ភាគខាងលិច<br />ប្រទេសឥណ្ឌា។ នៅក្នុងភាសាអ្នកស្រុក “bish” មានន័យថា ២០ ចំណែក “noi” មានន័យថា ៩ <br />ដូច្នេះ Bishnoi មានន័យថា ២៩ គឺតំណាងឱ្យវិន័យចំនួន ២៩ប្រការដែលសមាជិករបស់កុល<br />សម្ព័ន្ធនេះត្រូវគោរព ក្នុងនោះ វិន័យ ២០ប្រការគោរពតាមសាសនា ហិណ្ឌូ និង ៩ប្រការ គោរព<br />តាមសាសនាអ៊ីស្លាម។ យោងតាមមេក្រុមកុលសម្ព័ន្ធមួយចំនួន វិន័យទាំងនេះត្រូវបានអ្នកបង្កើត<br />សាសនា ឈ្មោះ Jhambheshwar ដែលជាអ្នកធ្លាប់រកឃើញប្រភពទឹក ជួយដោះស្រាយស្ថាន<br />ភាពគ្រោះរាំងស្ងួត ២០ឆ្នាំរបស់អ្នកភូមិ Jhamba គឺជាអ្នកបង្កើតឡើងកាលពីប្រហែល ៥៤០ឆ្នាំ<br />មុន។ <br /> </p>
<p><a class="thickbox" title="" href="/FileManager/Commons/2013/9/5/1378341767aahq-05-09-2013--17-00-56.jpg"><img style="display: block; margin-left: auto; margin-right: auto;" src="/FileManager/Articles/mce/2013/9/5/1378341767aahq-05-09-2013--17-00-56.jpg" alt="" width="470" height="313" /></a></p>
<p>ដោយសារតែបានឃើញជីវភាពលំបាករបស់ប្រជាជន ដែលស្ថិតក្នុងគ្រោះរាំងស្ងួតនៅសមុទ្រ<br />ខ្សាច់ រួមនឹងហនិភ័យនៃសង្គ្រាមនានា ដោយសារតែបញ្ហា ប្រកាន់សាសនា និងពូជសាសន៍ <br />Jhambheshwar ក៏បានកសាងសង្គមមួយដែលមានសន្ដិភាព ក្នុងនោះ មនុស្សមិនត្រឹមតែត្រូវតែ<br />រស់នៅដោយសុខសាន្ដជាមួយគ្នានោះទេ តែក៏ត្រូវរស់នៅដោយប្រព្រឹត្តល្អជាមួយសត្វ និងរុក្ខ<br />ជាតិ។ សង្គមមួយនោះគឺជាប្រភពដើមរបស់កុលសម្ព័ន្ធ Bishnoi នាពេលបច្ចុប្បន្ន ហើយកុល<br />សម្ព័ន្ធនេះ ក៏នៅតែ រក្សាបាន នូវវិន័យជាច្រើនប្រការ ដែលត្រូវបានដាក់ចេញដោយបុព្វបុរស<br />របស់កុលសម្ព័ន្ធ Bishnoi Jhambheshwar ។<br /><br />ជីវភាពរបស់ជនជាតិ Bishnoi រស់នៅយ៉ាងសាមញ្ញ ដោយស្ដ្រីតែងពាក់ខោអាវពណ៌ស្រស់ៗ <br />ពាក់ក្រវិលច្រមុះ និងគ្រឿងអលង្ការ។ ចំណែកបុរស តែងស្លៀកពាក់ខោអាវពណ៌ស ក្នុងនោះ<br />ចាស់ៗប្រើសម្លៀកបំពាក់ពណ៌លឿង។ ជនជាតិ Bishnoi រស់នៅដោយពឹងផ្អែកស្ទើរទាំងស្រុង<br />ទៅលើកសិកម្ម។ គូស្វាមី ភរិយាដែលទើបរៀបការ ពួកគេត្រូវចិញ្ចឹមជីវិតដោយបាតដៃទទេ នៅ<br />លើដីដ៏សោះក្រោះ។ ពួកគេត្រូវជីកអណ្ដូង យកទឹកមកស្រោចដំណាំ ដើម្បីចិញ្ចឹមជីវិតគ្រួសារ។<br /> <br /><a class="thickbox" title="" href="/FileManager/Commons/2013/9/5/ថសថ-05-09-2013--17-02-17.jpg"><img style="display: block; margin-left: auto; margin-right: auto;" src="/FileManager/Articles/mce/2013/9/5/ថសថ-05-09-2013--17-02-17.jpg" alt="" width="423" height="489" /></a><br />ប្រការពិសេសបំផុតរបស់កុលសម្ព័ន្ធ Bishnoi នោះគឺពួកគេហូបតែអ្វីដែលពួកគេដាំដោយខ្លួនឯង<br /> ហើយមិនហូបសាច់ជាដាច់ខាត។ នៅក្នុងច្បាប់សាសនារបស់កុលសម្ព័ន្ធ Bishnoi បានហាមមិន<br />ឱ្យសម្លាប់សត្វ មិនថាសត្វព្រៃ ឬសត្វចិញ្ចឹម។ ជាងនេះ ពួកគេថែមទាំងចាត់ទុកសត្វទាំងឡាយជា<br />ញាតិ។ ឧបករណ៍ដាក់ទឹក គ្រាប់ធញ្ញជាតិ ឬមើមដែលអាចហូបបាន ត្រូវបានប្រជាជន កុលសម្ព័ន្ធ<br /> Bishnoi ដាក់នៅក្បែរព្រៃ ក្បែរផ្លូវក្នុងភូមិ ដើម្បីអាចឱ្យសត្វទាំងឡាយមកស៊ីតាមចិត្ត។ <br /><br /><strong>កុលសម្ព័ន្ធ Bishnoi ការពារធម្មជាតិ</strong></p>
<p>កុលសម្ព័ន្ធ Bishnoi ក៏តែងតែជួយដល់សត្វនានាដែលត្រូវរបួស ខណៈដែលស្ដ្រីទាំងឡាយក៏ពេញ<br />ចិត្តនឹងការចិញ្ចឹមសត្វដែល ទើបកើតដោយទឹកដោះរបស់ខ្លួន ដូចជាសត្វក្ដាន់ ប្រឹស ឬរមាំង។ល។ <br /> <br />ក្រៅពីការដាំដុះ ជនជាតិ Bishnoi ថែមទាំងចិញ្ចឹមសត្វមួយចំនួន ដូចជាសត្វគោ និងពពែជាដើម <br />ដើម្បីយកទឹកដោះ។ នៅពេលសត្វទាំងនេះចាស់ ពួកគេក៏នៅតែបន្ដចិញ្ចឹមរហូតដល់ពួកវាស្លាប់<br />តាមធម្មជាតិ។ ជាងនេះទៅទៀត ជនជាតិ Bishnoi មិនដែលកាប់ដើមឈើដែលនៅរស់ បើទោះ<br />ជាយកមកធ្វើឧស។ ពួកគេកាប់តែដើមឈើ ឬមែកឈើណាដែលងាប់ប៉ុណ្ណោះ ហើយប្រសិនមិន<br />គ្រប់គ្រាន់ពួកគេនឹងប្រមូលយកលាមកគោ ក្របី ហាលស្ងួតដើម្បីធ្វើជារបស់សម្រាប់ដុត។</p>
<p><a class="thickbox" title="" href="/FileManager/Commons/2013/9/5/ថស-05-09-2013--17-03-50.jpg"><img style="display: block; margin-left: auto; margin-right: auto;" src="/FileManager/Articles/mce/2013/9/5/ថស-05-09-2013--17-03-50.jpg" alt="" /></a><br />ឆ្នាំ ១៨៤៧ នៅពេលមានកងទ័ពរបស់ស្ដេចមួយអង្គ បានមកដល់តំបន់ព្រៃរបស់កុលសម្ព័ន្ធ <br />Bishnoi ដើម្បីកាប់ដើមឈើកសាងរាជវាំង ជនជាតិ Bishnoi បាននាំគ្នាការពារព្រៃឈើរបស់ខ្លួន។ <br />ពួកគេមិនប្រើកម្លាំងបាយប្រឆាំងនោះទេ តែបានអំពាវនាវឱ្យទាហានទាំងនោះ បញ្ឈប់ការកាប់<br />ព្រៃ។ ចុងក្រោយ ជនជាតិ Bishnoi ចំនួន ៣៦៣នាក់ ត្រូវបានសម្លាប់ ដោយសារការការពារធម្ម<br />ជាតិ។<br /><br />ជាង ៥០០ឆ្នាំមកនេះ ជនជាតិ Bishnoi នៅតែរក្សាជីវភាពបែបសាមញ្ញ និងស្និទ្ធស្នាលជាមួយសត្វ <br />និងរុក្ខជាតិ។ ជនជាតិ Bishnoi បានឱ្យដឹងថា ពួកគេពេញចិត្តនឹងជិវិតរបស់ពួកគេ តាំងពីដើមរៀង<br />មក។ ខណៈដែលស្ទើរគ្រប់កន្លែងក្នុងពិភពលោក បណ្ដាព្រៃឈើត្រូវបានគេកាប់បំផ្លាញ សត្វព្រៃ<br />ប្រភេទខ្លះត្រូវផុតពូជ ឬកំពុងប្រឈមនឹងការដាច់ពូជ ប៉ុន្ដែជនជាតិ Bishnoi បែរជាអាចបង្ហាញឱ្យ<br />ពិភពលោកដឹងថា មនុស្សអាចរស់នៅដោយសុខសាន្ដជាមួយសត្វ និងរុក្ខជាតិ៕</p>
<p style="text-align: right;"><br />ដោយ ៖ តារា<br />ប្រភព ៖ dbv/ nativeplanet<br /><br /></p>