<p>ព័ត៌មានអន្តរជាតិ ៖ ប្រទេសកូរ៉េខាងជើង បានប្រកាសក្តែង អោយដឹងថា ខ្លួននឹង ធ្វើការសងសឹក ដ៏ កំណាចមួយ បើសិនណា ខ្សែភាពយន្តហូលីវូដមួយដែលត្រូវបានគេកំពុងតែនឹងផលិតឡើងនិយាយ ពីការសម្លាប់មេដឹកនាំរបស់ខ្លួននោះ បានចេញផ្សាយ នាពេលអនាគត ដ៏ខ្លីខាងមុខនេះ ពិតប្រាកដ មែន នេះបើយោងតាមសម្រង់ អត្ថបទផ្សាយ ពីទំព័រ ប៊ីប៊ីស៊ី ។</p>
<p><a class="thickbox" title="" href="/FileManager/Commons/2014/6/26/01-26-06-2014--10-17-51.jpg"><img src="/FileManager/Articles/mce/2014/6/26/01-26-06-2014--10-17-51.jpg" alt="" /></a></p>
<p>អ្នកនាំពាក្យ តំណាងអោយ ក្រសួងការបរទេស កូរ៉េខាងជើង អះអាង ដោយផ្តល់ ជាកិច្ចសម្ភាសន៍ ដល់ទីភ្នាក់ងារសារព័ត៌មាន អោយដឹងថា ការចេញផ្សាយ ខ្សែ ភាពយន្ត ហូលីវូដ មួយនេះ វាគឺជា សកម្មភាព បង្កជម្លោះ នាំអោយមានសង្គ្រាម ។ ប្រភពមិនបានបញ្ជាក់ ពីចំណងជើងនោះទេ ក៏ប៉ុន្តែ បើតាមការអោយដឹង ខ្សែភាពយន្ត ហូលីវូដ មួយនេះ មានឈ្មោះថា The Interview ខណៈនឹងមាន ការចេញផ្សាយ ក៏ដូចជា ចាក់បញ្ជាំង នៅអំឡុងខែ តុលា ខាងមុខនេះ ។ ដោយនៅក្នុងនោះ មានរូប លោក James Franco និង លោក Seth Rogen ជាតារាកំប្លែង ហូលីវូដ ចូលរួមសម្តែង នៅក្នុងខ្សែ ភាពយន្តមួយនេះ ខណៈ ពួកគេ ទាំង ២ នាក់នេះគឺជាមិត្តដ៏ ជិតស្និត ទាំងក្នុង និងក្រៅសាច់រឿង ហើយបានផលិតរឿង ជាមួយគ្នា ជាច្រើនដងមកហើយ ។</p>
<p><a class="thickbox" title="" href="/FileManager/Commons/2014/6/26/03-26-06-2014--10-21-59.jpg"><img src="/FileManager/Articles/mce/2014/6/26/03-26-06-2014--10-21-59.jpg" alt="" /></a><br /> ឥលូវនេះ Seth និង James នឹងធ្វើដំណើរ ទៅប្រទេស កូរ៉េខាងត្បូង ក្នុងបេសកកម្ម ដើម្បីធ្វើឃាត មេដឹកនាំផ្តាច់ការ Kim Jung Un នៅក្នុងរឿង ដែលមានចំណងជើងថា " The Interview " ។</p>
<p><a class="thickbox" title="" href="/FileManager/Commons/2014/6/26/02-26-06-2014--10-22-09.jpg"><img src="/FileManager/Articles/mce/2014/6/26/02-26-06-2014--10-22-09.jpg" alt="" /></a></p>
<p>រឿង នេះមានដំណើរសាច់រឿងថា Dave Skylark សំដែងដោយ James Franco និង Aaron Rapo - port សំដែង ដោយ Seth Rogen ទាំង ២ អ្នកជាអ្នកផលិត កម្មវិធីទូរទស្សន៍ ជាមួយនិងតារា មួយ ដែល មានឈ្មោះថា " Skylark Tonight " ។ ថ្ងៃមួយ ពួកគេទទួលបាន ដំណឹងថា Kim Jung Un មេ ដឹក នាំ ប្រទេសកូរ៉េ ខាងជើងគឺ ជាអ្នកគាំទ្រ កម្មវិធីរបស់ពួកគេ ហើយពួកគេ ក៏បានរៀបចំធ្វើដំណើរ ទៅ ទីក្រុង ព្យុងយ៉ាង ដើម្បីសំភាសន៍ Kim Jung Un ។ តែមុនពេលទៅ CIA ក៏បានទាក់ទង ពួកគេ ទាំង ២ ហើយដាក់បេសកកម្ម ពិសេសមួយ អោយពួកគេ គឺធ្វើឃាត Kim Jung Un តែម្តង ៕</p>
<p><object width="486" height="416" data="http://www.youtube.com/v/Mj3uHftd5FQ&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/Mj3uHftd5FQ&rel=1" /></object></p>
<p style="text-align: right;">ប្រែសម្រួល ៖ កុសល<br /> ប្រភព ៖ ប៊ីប៊ីស៊ី</p>