<p><span style="color: #000000;">ព័ត៌មានអន្តរជាតិ ៖ ក្រោយពីដកស្រង់ សម្តីមន្រ្តីផ្លូវការ ទំព័រសារព័ត៌មាន ប៊ីប៊ីស៊ី បានចេញផ្សាយអត្ថ បទសារព័ត៌មានអោយដឹងថា យ៉ាងហោចណាស់ មនុស្ស ១២ នាក់ បានស្លាប់បាត់បង់ជីវិត ក្នុងករណី បំផ្ទុះគ្រាប់បែកអត្តឃាត បង្កៃជាមួយនឹងរថយន្ត ទៅលើក្រុមពលទាហាន សម្ព័ន្ធអាហ្រ្វិក AU ។ </span></p>
<p><span style="color: #000000;">ប្រភពដដែល បន្តអោយដឹងថា រថយន្តបង្គៃគ្រាប់បែក បានធ្វើការវាយប្រហារ ដោយចូលទៅកៀកនឹង ក្បួនដង្ហែរថយន្ត ពលទាហាន សម្ព័ន្ធអាហ្រ្វិក កំពុងតែធ្វើដំណើរ នៅឯភាគខាងលិច ឆៀងខាងត្បូង ទី ក្រុង Mogadishu នេះបើយោងតាមសម្តីមន្រ្តីរដ្ឋាភិបាល លោក Adukadir Mohamed Sidi ។ </span></p>
<p><span style="color: #000000;"><a class="thickbox" title="" href="/FileManager/Commons/2014/9/9/02-09-09-2014--09-47-27.jpg"><img src="/FileManager/Articles/mce/2014/9/9/02-09-09-2014--09-47-27.jpg" alt="" /></a><br /></span></p>
<p><span style="color: #000000;">ដោយឡែក ក្រុមសកម្មប្រយុទ្ធ ឥស្លាមជ្រុលនិយម al-Shabab បានចេញមុខមកអះអាង អោយដឹងថា ខ្លួនជាអ្នកនៅពីក្រោយរឿងនេះ ។ ដោយមានការគូសបញ្ជាក់ ការវាយប្រហារ របស់ពួកគេលើកនេះ គឺ ជាការសងសឹក ក្នុងការសម្លាប់មេដឹកនាំ របស់ខ្លួន លោក Ahmed Abdi Godane កាលពីសប្តាហ៍មុន។គួរបញ្ជាក់ថា លោក Ahmed Abdi Godane បានស្លាប់បាត់បង់ជីវិត ក្រោយមានការវាយប្រហារតាមអា កាស។ </span></p>
<p><span style="color: #000000;"><a class="thickbox" title="" href="/FileManager/Commons/2014/9/9/01-09-09-2014--09-47-39.jpg"><img src="/FileManager/Articles/mce/2014/9/9/01-09-09-2014--09-47-39.jpg" alt="" /></a><br /></span></p>
<p><span style="color: #000000;">យ៉ាងណាមិញ សេចក្តីរាយការណ៍ បញ្ជាក់អោយដឹងថា ករណីវាយប្រហារ ជាការសងសឹក អោយមាន ការបំផ្ទុះគ្រាប់បែកអត្តឃាតលើកនេះ បានកើតឡើង កាលពីអំឡុងថ្ងៃច័ន្ទម្សិលមិញនៅតាមបណ្តោយ ផ្លូវមួយកន្លែង ចន្លោះក្រុង Mogadishu និង ក្រុង Afgoye ប្រទេស ស៊ូម៉ាលី ដោយ នៅក្នុងនោះ ជនរង គ្រោះ ១២ នាក់ ត្រូវបានគេរាយការណ៍ ថាបានស្លាប់បាត់បង់ជីវិត ៕</span></p>
<p><span style="color: #000000;"><a href="/News/Detail/87529/us-confirms-al-shabab-leader-ahmed-godane-killed" target="_blank"><span style="color: #0000ff;">- អាន ៖ ក្រោយវាយប្រហារ តាមអាកាស បែបធម៌ក្តៅ យប់រំលងអាធ្រាត្រ អាមេរិក ប្រកាសជោគជ័យ ក្នុងការសម្លាប់ មេដឹកនាំ</span></a><br /></span></p>
<p style="text-align: right;"><span style="color: #000000;">ប្រែសម្រួល ៖ កុសល</span><br /><span style="color: #000000;">ប្រភព ៖ ប៊ីប៊ីស៊ី</span></p>