<div class="article-content">
<p><strong>កំពង់ឆ្នាំង</strong> ៖ រថយន្តក្រុង ក្រុមហ៊ុន អូឡាំពិកអិចស្ព្រេស លីប៉ូស៊ីន ដឹកអ្នកដំណើរ បានធ្លាក់<br />ប្រឡាយ ចិញ្ចើមថ្នល់ តែសំណាងល្អបានដើមឈើទប់មិនឲ្យក្រឡាប់ ដោយសារតែអ្នកបើក<br />បររថយន្តងងុយ កាលវេលាម៉ោង៤និង៣០នាទី ទៀបភ្លឺ ថ្ងៃទី២២ ខែតុលា ឆ្នាំ២០១៣ ស្ថិត<br />នៅចំណុច ភូមិថ្នល់ថ្មី ខុំជ្រៃបាក់ ស្រុករលាប្អៀរ ខេត្តកំពង់ឆ្នាំង។</p>
<p>មន្រ្តីនគរបាល ចរាចរណ៍ ស្រុករលាប្អៀរ បានឲ្យដឹងថា រថយន្តក្រុងបង្កគ្រោះថ្នាក់ចរាចរខាង<br />លើនេះ ពាក់ស្លាកលេខ សៀមរាប 3A-0925 ជា រថយន្តរបស់ក្រុមហ៊ុន អូឡាំពិកអិចស្ព្រេស<br />លីប៉ូស៊ីន បើកបរដឹកអ្នកដំណើរ ចំនួន៣៥នាក់ពី ក្រុងប៉ោយប៉ែត ទៅក្រុងភ្នំពេញ។</p>
<p>សាក្សីដែលជិះ នៅក្នុងរថយន្តក្រុង បានឲ្យដឹងថា មុនពេលកើតហេតុ អ្នកបើកបររថយន្ត បាន<br /> ងងុយដេក ហើយបាន ឈប់សំរាករួចម្តងមកហើយ គេក៏បានឡើង បើកបន្តមកមុខទៀត <br />លុះមកដល់ចំណុច កើតហេតុរថយន្តក៏បានរេចង្កូតធ្លាក់ប្រឡាយខាងឆ្វេង ដៃ ធ្វើឲ្យរថយន្ត<br />ផ្អៀង បុកគល់ឈើ បណ្តាលឲ្យអ្នកដំណើរ នៅលើរថយន្តរងរបួសស្រាលមួយចំនួន ។</p>
<p>ក្រោយពេល កើតហេតុអ្នកបើកបរ រថយន្តមិនបានស្គាល់ អត្តសញ្ញាណទេ ហើយបានចុះ<br />រត់គេចខ្លួនបាត់ ។ ចំណែកអ្នកធ្វើដំណើរទាំងអស់ បានបង្ខំចិត្តជួលរថយន្ត តាក់ស៊ីតូចៗជិះ<br /> បន្តទៅក្រុងភ្នំពេញ។</p>
<p>សាក្សីបាននិយាយបន្តទៀតថា នៅពេលកើតហេតុរថយន្តនេះ បើកបរក្នុងល្បឿនយឺតៗតែ<br />ប៉ុណ្ណោះ ទើបមិន បណ្តាលឲ្យមានគ្រោះថ្នាក់ធ្ងន់ធ្ងរ ប្រសិនបើគេបើកលឿនវិញនោះ អ្នក<br />បើកបររថយន្តអាចនឹងបុកគល់ឈើស្លាប់ ចំណែកអ្នកធ្វើដំណើរក៏អាចរង របួសធ្ងន់ធ្ងរច្រើន<br />នាក់ដែរ។</p>
<p>មន្រ្តីនគរបាលចរាចរណ៍បានបន្តទៀតថា ក្នុងករណីគ្រោះថ្នាក់ចរាចរណ៍នេះ ពុំមានអ្នក<br />ដំណើរ ណាម្នាក់ធ្វើការ ប្តឹងផ្តល់ឡើយ រថយន្តខាងលើនេះ ត្រូវបានសមត្ថកិច្ចរក្សា ការពារ<br />នៅកន្លែងកើតហេតុនិង រង់ចាំក្រុមហ៊ុនចូលខ្លួនមកដោះស្រាយ ៕</p>
<p style="text-align: center;"><img src="http://image.dap-news.com:81/dap-news/dap-images/2013/October/id-011/Hong-0497.jpg" alt="" width="500" /></p>
<p style="text-align: center;"><img title=" " src="http://image.dap-news.com:81/dap-news/dap-images/2013/October/id-011/Hong-0498.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអម្ពិល</p>
</div>